ລິ້ງ ສຳຫລັບເຂົ້າຫາ

logo-print

ການສຶກສາຄົ້ນຄວ້າ ກ່ຽວກັບອຳນາດຂອງ ດົນຕີ ເພື່ອການປິ່ນປົວ


“ດົນຕີ​ມີ​ສະ​ເໜ່” ຄຳພັງເພີຍ ທີ່ວ່ານີ້ ໃຊ້ກັນມາເລື້ອຍໆ ຊຶ່ງຄວາມຈິງກໍຄືວ່າ ແມ່ນດົນ
ຕີມີພະລັງ ມີ​ອຳນາດ ​ມັນຈະເຮັດ​ໃຫ້​ພວກ​ເຮົາມ່ວນ​ຊື່ນ ​ເສົ້າໂສກ ຫລື​ແມ່ນແຕ່ຍຸແຍ່
ໃຫ້ສັງຄົມປ່ຽນ​ແປງກໍເປັນໄດ້​. ​ແຕ່ນອກຈາກນັ້ນແລ້ວ ມັນຍັງ​ມີ​ພະລັງອຳນາດ​ ໃນການ
ປິ່ນປົວນຳ ​ຊຶ່ງ​ພວກ​ນັກ​ຄົ້ນຄວ້າຢາກຮູ້​ວ່າ​ ມັນ​ເປັນໄປໄດ້ແນວໃດ. ນັກ​ຂ່າວ​ ວີ​ໂອ​ເອ
​ແຄ​ວິນອີ​ນອດສ ມີ​ລາຍງານເລື່ອງນີ້ ຊຶ່ງ ກິ່ງ​ສະຫວັນ ຈະ​ນຳ​ເອົາມາສະ​ເໜີ​ທ່ານ.

ສຽງ​ອອນ​ຊອນ​ຂອງ ​ຊໍໄວ​ໂອ​ລີ​ນ ​ແລະ​ການ​ຍົວລະຍາດຍ້າຍ​ທີ່​ງົດ​ງາມ​ຂອງ​ພວກ​ນັກ
​ຟ້ອນ ກໍສາມາດ​ຊ່ວຍ​ໃຫ້​ສະໝອງຂອງ ​ຄົນ​ເຮົາຫລົງລືມ ໄປຈາກ ຄວາມເຈັບປ​ວດຢູ່
​ໂຮງໝໍ​ ເຊັ່ນເວລາມີ​ການ​ບໍາບັດ​ເຄ​ມີ ຫຼື ຄີໂມເຕຣາປີນັ້ນເປັນຕົ້ນ.

ທ່ານ​ນາງ​ມາຣທາ ​ແວນ​ສ໌ ຜູ້​ຊ່ຽວຊານດ້ານດົນຕີ​ກ່າວ​ວ່າ “ດົນຕີ​ຊ່ວຍ​ຫລຸດຜ່ອນ​
ຄວາມ​ກະວົນກະວາຍ ​ທັງ​ຍັງ​ສາມາດ​ຫລຸດຜ່ອນ ຊ່ວຍຫລຸດຜ່ອນ​ຈຳນວນ​ຢາ ທີ່​
ຄົນ​ເຈັບ​ຕ້ອງການນັ້ນລົງນຳ.”

ພວກ​ນັກ​ຄົ້ນຄວ້າ​ຢູ່ ສະ​ຖາ​ບັນ​ສຸຂະພາບ​ແຫ່ງ​ຊາດ ກຳລັງ​ສຶກສາ​ເບິ່ງວ່າ ດົນຕີ​ມີ​ຜົນ
​ກະທົບ​ຕໍ່​ຮ່າງກາຍ​ຢ່າງແທ້​ຈິງນັ້ນ​ຢ່າງ​ໃດ.

ທ່ານ​ນາງ​ຈູເລຍ ​ແລງ​ເລ ຈາກ​ໂຄງການ​ສິນລະປະ ຈອດ​ສທາວນ໌ ລົມ​ບາດ​ດີ ​ແລະ​ມະນຸດຊາດກ່າວ​ວ່າ “ຖ້າ​ຫາກ​ພວກ​ເຮົາ​ສາມາດ​ສຶກສາ​ສິນລະປະ ຄື​ດັ່ງ​ດຽວ​ກັນ​
ກັບ​ວິທະຍາສາດສຶກສາກ່ຽວກັບ​ຢາ​ປົວ​ພະຍາດ ​ແລະ​ການ​ບຳບັດ​ອື່ນໆແລ້ວ ຂ້າ
ພະ​ເຈົ້າຄິດ​ວ່າ ພວກ​ເຮົາ​ຈະ​ເຮັດ​ສິ່ງ​ທີ່ດີ​ໆ ສຳລັບການ​ປິ່ນປົວ​ຄົນ​ໝົດ ຕົນໂຕ."

ນັກ​ຮ້ອງ​ໂອ​ເປຣາ ທ່ານ​ນາງ​ເຣີ​ເນ ​ເຟລມມິ​ງ ​ເປັນ​ພາກສ່ວນ​ການ​ສຶກສານີ້ ​ເຮັດ​ວຽກ​
ກັບ​ນັກ​ຄົ້ນຄວ້າ ທ່ານ​ເດ​ວິດ ​ແຈງຣໍ.

ທ່ານ​ເດ​ວິດ ​ແຈງຣໍ ຈາກ​ສະ​ຖາ​ບັນ​ສຸຂະພາບ​ແຫ່ງ​ຊາດ​ກ່າວ​ວ່າ “ຖ້າ​ຫາກ​ທ່ານ​ຢາກ
ໃຫ້ສ່ວນ​ໃດ​ສ່ວນ​ນຶ່ງ​ຂອງ​ສະໝອງພົວພັນນຳ ທ່ານຈຳເປັນ​ຕ້ອງໄດ້​ເຮັດ​ໃຫ້​ຄົນ​ຮ້ອງ​
ເພງໄປ​ຕາມແທ້ໆ ຫລືບໍ່ກໍໃຫ້​ຫລິ້ນ​ເຄື່ອງ​ດົນຕີ ຫລື​ເປັນ​ພາກສ່ວນ​ນຶ່ງຂອງ​ການ
​ຫລິ້ນ​ດົນຕີ.”

​ສະໝອງຂອງທ່ານ​ນາງເຟລມມິ​ງກຳລັງຖືກກວດ ​ຊຶ່ງໃນຂະນະດຽວກັນລາວກໍ​ເ​ວົ້າ
ລົມຢູ່ ຮ້ອງ​ເພງຢູ່ ຫລືຈິນຕະນາການຫາຕອນໃດຕອນນຶ່ງສິ້ນຂອງດົນຕີ.

ອັນ​ທີ່​ພວກ​ນັກ​ຄົ້ນຄວ້າໄດ້​ພົບເຫັນ​ກໍ​ຄື​ການ​ດຳ​ເນີນ​ດົນຕີແມ່ນ ເປັນ​ກຳມະວິທີທີ່ສັບ
ສົນຫຼາຍທີ່ສຸດ ​ແລະການວາດພາບດົນຕີ ແມ່ນຍິ່ງ​ອາດ​ສັບ​ສົນກວ່ານັ້ນໄປອີກ​.

ແລະ​ດົນຕີ​ກໍຈຶ່ງ​ອາດເປັນແນວ​ທາງ ເພື່ອ​ນຳເອົາສ່ວນໃດສ່ວນນຶ່ງຂອງ​ສະໝອງ ເຂົ້າ
ມາພົວພັນ ​ແລະ​ເລັ່ງລັດໃຫ້ການ​ປິ່ນປົວດີໄວຂຶ້ນ.

ທ່ານ​ແຈງຣໍ ກ່າວ​ວ່າ “ອັນ​ທີ່ປະສາດວິທະຍາ ຈະສາມາດ​ເຮັດ​ໄດ້ ກໍ​ຄື​ຊ່ວຍ​ພວກ​ເຮົາ
​ ໃຫ້​ເຂົ້າ​ໃຈ​ວ່າ ​ພາກສ່ວນໃດຂອງສະໝອງ​ຍັງເຂັ້ມແຂງຢູ່ ເວລາເຮົາຫຼິ້ນດົນຕີໃຫ້ຟັງ ແລະເວລາພວກເຮົາ ພົບເຫັນພາກສ່ວນດັ່ງກ່າວ ເຮົາກໍຈະຮູ້ວ່າ ພາກສ່ວນນັ້ນພະ
ຍາດລົບກວນ ຫຼືມີອາການຜິດປົກກະຕິ ຫຼືໄດ້ຮັບຄວາມເຈັບປວດ. ບັດນີ້ພວກເຮົາຮູ້
ແລ້ວວ່າ ​ດົນຕີ ສາມາດເປັນສ່ວນນຶ່ງໃນການແກ້ໄຂບັນຫາ ​ເພື່ອຊ່ວຍພາກສ່ວນນັ້ນ
ຂອງສະໝອງ."

ແຕ່ນອກເໜືອໄປຈາກການປິ່ນປົວແລ້ວ ການຮຽນແລະການຫຼິ້ນດົນຕີ ກໍແມ່ນຈະຊ່ອຍ
ໃຫ້ສະໝອງແຫຼມຄົມ ປັບປຸງຄວາມຮູ້ດ້ານພາສາຂອງເດັກນ້ອຍ ທັງຈະເຮັດໃຫ້ເຂົາເຈົ້າ
ໄດ້ຄະແນນດີນຳ.

XS
SM
MD
LG