ລາຍງານສະບັບໃໝ່ ກ່ຽວກັບ ສະພາບອາກາດຂອງໂລກເວົ້າວ່າ ກິດຈະກຳຂອງມະນຸດຈະດັນໂລກໃຫ້ມີອຸນຫະພູມກາຍ 1.5 ອົງສາແຊລຊຽສ ເຊິ່ງແມ່ນເກນທີ່ສາມາດຮັບເອົາໄດ້ສຳລັບການອຸ່ນຂຶ້ນຂອງໂລກ ພາຍໃນ 5 ປີ.
ຂໍ້ມູນທີ່ຖືກເກັບກຳໂດຍກຸ່ມຂອງນັກວິທະຍາສາດສະພາບອາກາດສາກົນຫຼາຍ ກວ່າ 50 ຄົນໄດ້ເປີດເຜີຍວ່າ ອຸນຫະພູມຂອງໂລກໄດ້ເພີ່ມຂຶ້ນ 1.43 ອົງສາແຊລຊຽສ ຍ້ອນການປະສົມປະສານຂອງການສືບຕໍ່ຈູດຖ່ານຫີນ, ນ້ຳມັນ ແລະ ແກັສທຳມະຊາດ ແລະ ການກັບມາເກີດຄືນຂອງສະພາບອາກາດ El Nino ທີ່ສ້າງຄວາມອຸ່ນຂຶ້ນທົ່ວພາກກາງຂອງມະຫາສະໝຸດປາຊີຟິກ ແລະ ແຜ່ໄປທົ່ວໂລກ.
ການຄົ້ນພົບດັ່ງກ່າວແມ່ນຖືກເປີດເຜີຍໃນວັນພຸດວານນີ້ ຢູ່ວາລະສາມາດວິທະຍາສາດຊື່ວ່າ Earth System Science Data ຫຼື ຂໍ້ມູນວິທະຍາສາດ ກ່ຽວກັບ ລະບົບຂອງໂລກ.
ບັນດານັກວິທະຍາສາດຍັງໄດ້ຄົ້ນພົບວ່າ ອຸນຫະພູມຂອງໂລກໄດ້ເພີ່ມຂຶ້ນ 1.19 ອົງສາແຊລຊຽສ ໃນລະຫວ່າງທົດສະວັດຂອງປີ 2014 ແລະ 2023.
ທ່ານ ເພຍສ ຟອສເຕີ, ນັກວິທະຍາສາດ ກ່ຽວກັບ ສະພາບອາກາດຢູ່ມະຫາວິທະຍາໄລ Leeds ຂອງ ອັງກິດ, ເຊິ່ງໄດ້ປະສານງານການສຶກສານັ້ນກ່າວວ່າ “ອຸນຫະພູມໂລກ ແມ່ນຍັງມຸ່ງໜ້າໄປສູ່ທິດທາງທີ່ບໍ່ຖືກຕ້ອງ ແລະ ໄວກວ່າທີ່ເຄີຍເປັນມາ.”
ຟໍຣັມສະແດງຄວາມຄິດເຫັນ