ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກິນອາຫານໃຫ້ຖືກຕ້ອງ ສາມາດສົ່ງຜົນດີ ຕໍ່ການຄວບຄຸມນໍ້າໜັກ ໄລຍະຍາວໄດ້ (ເບິ່ງວີດີໂອລາວ/ອັງກິດ)


ພະຍາດອ້ວນພີຈົນເກີນໄປທີ່ມີສາເຫດມາຈາກການກິນທີ່ບໍ່ຖືກຕ້ອງ
ພະຍາດອ້ວນພີຈົນເກີນໄປທີ່ມີສາເຫດມາຈາກການກິນທີ່ບໍ່ຖືກຕ້ອງ

ຄົນທົ່ວໄປມັກຄິດກັນວ່າ ການກິນອາຫານ​ແຕ່ພໍປະມານ ຫລືບໍ່ຫລາຍເກີນໄປ ​ແລະຈະກິນ ອັນໃດກໍແລ້ວແຕ່-ແມ່ນເປັນປັດໃຈຕົ້ນຕໍທີ່ພາໃຫ້ຄວບຄຸມນໍ້າໜັກຂອງເຮົາໄດ້ຢ່າງສໍາເລັດ ຜົນ. ແຕ່ວ່າຄວາມເຊື່ອແບບນັ້ນ ກໍາລັງຖືກທ້າທາຍໂດຍການສຶກສາຄົ້ນຄວ້າ​ໃໝ່ກ່ຽວກັບ ການກິນອາຫານແລະນິ​ໄສໃນແບບແຜນການດໍາລົງຊີວິດຂອງຄົນ​ອາ​ເມຣິກັນຜູ້ໃຫຍ່ຫລາຍ ກວ່າ 120 ພັນຄົນ ໃນໄລຍະ 20 ປີຜ່ານ​ມາ. ຄືພວກນັກຄົ້ນຄວ້າໄດ້ພົບວ່າ ແມ່ນແຕ່ ການປ່ຽນແປງໜ້ອຍດຽວໃນການກິນອາຫານ ກໍສາມາດສົ່ງ​ຜົນ​ກະທົບຢ່າງຫລວງຫລາຍຕໍ່ ​ແຜນການ​ຄວບ​ຄຸມນໍ້າໜັກໃນໄລຍະຍາວ​ໄດ້. ຜູ້ສື່ຂ່າວວີໂອເອ ນາງ Vidushi Sinha ມີລາຍລະອຽດເລື້ອງນີ້ ຊຶ່ງວັນນະສອນ ຈະນໍາມາສະເໜີທ່ານ.

ຜູ້ໃຫຍ່ແມ່ນມີນໍ້າໜັກເພີ້ມຂຶ້ນ ໂດຍສະເລ່ຍ 1/2 ກິໂລກຣາມ ຫລື ປະມານ 1 ປອນຕໍ່ປີ ແລະປະເພດອາຫານທີ່ພວກເຂົາເຈົ້າກິນແມ່ນປັດໃຈສໍາຄັນ ໃນການເຮັດໃຫ້ນໍ້າໜັກເພີ້ມ
ຂຶ້ນນັ້ນ.

ດຣ. ດາຣີອຸສ ​ໂມ​ຊັຟຟາຣຽນ (Dr. Dariush Mozaffarian) ທີ່ໂຮງຮຽນແພດສາດ
ຂອງມະຫາວິທະຍາໄລຮາເຫວີດ ຫລື Harvard School of Public Health ກ່າວວ່າ:

ມັນເປັນການຍາກຫລາຍສໍາລັບບຸກຄົນທໍາມະດາສາມັນ ທີ່ຈະສາມາດສັງເກດເຫັນໄດ້,
ແຕ່ວ່າໃນໄລຍະ 20 ປີ ນໍ້າໜັກຈະເພີ້ມຂຶ້ນ 20
ປອນ ຫລື 10 ກິໂລກຣາມ ແລະ
​ເພາະສະນັ້ນ ມັນຈຶ່ງເປັນບັນຫາທາງດ້ານການແພດທີ່ໃຫຍ່ຫລວງ”.

ມັນຝຣັ່ງຈືນ ເປັນອາຫານປະເພດນຶ່ງ ທີ່ພາໃຫ້ນໍ້າໜັກເພີ້ມຂຶ້ນ
ມັນຝຣັ່ງຈືນ ເປັນອາຫານປະເພດນຶ່ງ ທີ່ພາໃຫ້ນໍ້າໜັກເພີ້ມຂຶ້ນ

ດຣ. ດາຣີອຸສ ​ໂມ​ຊັຟຟາຣຽນ ຊຶ່ງເປັນຜູ້ນໍາພາການຄົ້ນຄວ້າ
ທີ່ດໍາເນີນໂດຍໂຮງຮຽນແພດ
ສາດຂອງມະຫາວິທະຍາໄລ
ຮາເຫວີດ ເວົ້າວ່າອາຫານທີ່
ພາໃຫ້ນໍ້າໜັກເພີ້ມຂຶ້ນ​ນັ້ນ
ກໍແມ່ນອາຫານຈໍາພວກທາດ
ແປ້ງ ຊຶ່ງ​ໃນ​ນັ້ນປະເພດທີ່
ເຮັດໃຫ້ຮ່າງກາຍອ້ວນໄວທີ່
ສຸດກໍຄື ມັນຝຣັ່ງ ຫລື
potatoes --ບໍ່​ວ່າ​ຈະ​ມັນ
ຝຣັ່ງອົບ, ໝົກ, ຕົ້ມ, ບົດຫລື ຈືນ ກໍ​ຕາມ. ຖ້າພວກເຮົາກິນມັນເປັນປະຈໍາທຸກວັນ ບໍ່​ວ່າ
ຈະປຸງ​ແຕ່ງແບບໃດກິນກໍດີ ​ແມ່ນສາມາດພາໃຫ້ຜູ້ໃຫຍ່ມີນໍ້າໜັກເພີ້ມຂຶ້ນ ຫລາຍກວ່າ​ເຄິ່ງ
ກິ​ໂລ ຊຶ່ງກໍຄື 0.68 kg ຫລື 1 ປອນ​ເຄິ່ງ ໃນແຕ່ລະ 4 ປີ.

ເພື່ອຄວບຄຸມນໍ້າໜັກນັ້ນໃຫ້ໄດ້ໃນໄລຍະຍາວນັ້ນ ພວກນັກຄົ້ນຄວ້າເວົ້າວ່າ ຄວນ​ຈະ
ເນັ້ນໃສ່ການກິນອາຫານທີ່ ຖືກຕ້ອງ ດີກວ່າການ ກິນໜ້ອຍຊຶ່ງ​ເປັນ​ການ​ຊີ້​ແນະວ່າ ປະເພດອາຫານທີ່ພວກເຮົາກິນ ​ແມ່ນ​ສໍາຄັນຫລາຍກວ່າ ປະລິມານທາດຄາໂລຣີຢູ່​ໃນ
​ອາຫານນັ້ນອີກ.

ດຣ. ດາຣີອຸສ ​ໂມ​ຊັຟຟາຣຽນ ​ເວົ້າວ່າ:“ອາຫານທີ່ພາໃຫ້ນໍ້າໜັກຂຶ້ນຫລາຍທີ່ສຸດ ແມ່ນ
ຊີ້ນ ຕິດຕາມ​ດ້ວຍອາຫານປະເພດເມັດ ທີ່ໄດ້ຖືກສີ​ເປືອກ​ອອກ​ໃຫ້ກ້ຽງດີ, ແລະກໍຂອງ
ຫວານ. ສິ່ງທີ່ໜ້າແປກໃຈກໍຄືວ່າ ອາຫານປະເພດເມັດທີ່ໄດ້ຖືກສີ​ເປືອກ​ອອກ​ໃຫ້ກ້ຽງ
ດີເຊ່ນ ເບ​ເກິ​ລ ຫລື ເຂົ້າຈີ່ທີ່ເຮັດດ້ວຍແປ້ງຂາວນັ້ນ ແມ່ນເຮັດໃຫ້ນໍ້າໜັກຂຶ້ນຄືກັນກັບ
ຂອງຫວານ.”

ເຄື່ອງດື່ມທີ່ໃສ່ນໍ້າຕານ ແລະແມ່ນແຕ່ນໍ້າໝາກໄມ້ 100% ເຕັມ ກໍພາໃຫ້ນໍ້າໜັກຂຶ້ນເຊ່ນ
ກັນ.

ຄລິກບ່ອນນີ້ເພື່ອເບິ່ງວີດີໂອ ພາສາລາວ

ນາງ ລໍຣາ ​ເຈ​ຟ​ເຟີ​ສ໌ (Laura Jeffers) ທີ່ເປັນນັກວິຊາການດ້ານການກິນອາຫານ ທີ່ໄດ້
ຮັບການຈົດທະບຽນປະ​ຈໍາ​ຢູ່​ທີ່ຄລີນິກເມືອງ Cleveland ຫລື Cleveland Clinic ເວົ້າວ່າ
ນາງບໍ່ໄດ້ເຂົ້າຮ່ວມໃນການສຶກສາຄົ້ນຄວ້ານັ້ນ ແຕ່ກໍເຊື່ອວ່າ ການຄົ້ນພົບນີ້ ແມ່ນຢືນຢັນ​ໃນ
ສິ່ງທີ່ພວກນັກວິຊາການດ້ານການກິນອາຫານແລະດ້ານໂພຊະນາການ ​ໄດ້ຮູ້ກັນມາຕັ້ງ
ຫລາຍປີແລ້ວ ກ່ຽວກັບເຄື່ອງດື່ມທີ່ມີນໍ້າຕານນັ້ນ.

ນັກວິຊາການດ້ານການກິນອາຫານ ລໍຣາ ​ເຈ​ຟ​ເຟີ​ສ໌
ນັກວິຊາການດ້ານການກິນອາຫານ ລໍຣາ ​ເຈ​ຟ​ເຟີ​ສ໌

ນາງ ລໍຣາ ​ເຈ​ຟ​ເຟີ​ສ໌ ກ່າວ​ວ່າ:
“ໂດຍພື້ນຖານແລ້ວຂ້ອຍ
ມັກລົມກັບພວກຄົນເຈັບ
ທັງຫລາຍວ່າ ພວກເຮົາຈະ
ຫລຸດຜ່ອນປະລິມານຂອງ
ທາດຄາໂລຣີ ທີ່ພວກເຮົາ
ໄດ້ຮັບຈາກເຄື່ອງດື່ມນັ້ນ​
ລົງໄດ້ບໍ່? ນັ້ນແມ່ນວິທີ
ການທີ່ງ່າຍດາຍທີ່ສຸດວິທີ
ນຶ່ງທີ່ຈະເຮັດໄດ້ ແລະການສຶກສາຄົ້ນຄວ້ານີ້ ກໍສະແດງໃຫ້ເຫັນວ່າ ເຄື່ອງດື່ມທີ່ມີ
ນໍ້າຕານນັ້ນ ມີ​ສ່ວນເຮັດໃຫ້ນໍ້າໜັກຂຶ້ນ.”

ແຕ່ວ່າ ຜົນສຶກສາຄົ້ນຄວ້ານີ້ສ່ວນ​ນຶ່ງ ຊໍ້າຜັດກົງກັນຂ້າມກັບຄວາມຄິດທີ່ພວກເຮົາມັກຄິດກັນ.
ຄື​ມີ​ການ​ພົບ​ເຫັນ​ວ່າອາຫານ ທີ່ມີທາດຄາໂລຣີສູງຫລາຍປະເພດ ພາໃຫ້ນໍ້າໜັກເພີ້ມຂຶ້ນ
ໜ້ອຍກວ່າ ຖ້າພວກເຮົາກິນມັນໃນປະລິມານເພີ້ມຂຶ້ນ ​ໂດຍ​ສະ​ເພາະ​ແລ້ວ​ກໍ​ແມ່ນອາຫານ
ປະເພດໝາກ​ຖົ່ວ, ອາຫານປະເພດເມັດທີ່ບໍ່ໄດ້ຖືກຂັດສີເປືອກອອກ, ນົມສົ້ມ ຫລື yogurt,
ໝາກໄມ້ ແລະຜັກ ທັງ​ໝົດ​ນັ້ນແມ່ນລ້ວນແລ້ວແຕ່ພາໃຫ້ນໍ້າໜັກ ​ເພີ້ມຂຶ້ນໜ້ອຍທັງນັ້ນ.

ການສຶກສາຄົ້ນຄວ້າຍັງໄດ້ພົບເຫັນວ່າ ແບບແຜນ​ດໍາລົງຊີວິດ ກໍ​ເປັນ​ປະ​ເດັນ​ສໍາຄັນ​ຄື​ກັນ
ເຊ່ນ ການເຮັດກິດຈະກໍາທີ່ໃຊ້ກໍາລັງກາຍປະຈໍາວັນ, ການອອກກໍາລັງກາຍ ແລະແບບ
ແຜນການຫລັບນອນ ກໍແມ່ນປັດໃຈສໍາຄັນເຊ່ນກັນ ໃນໂຄງການຄວບຄຸມນໍ້າໜັກ:

ດຣ. ດາຣີອຸສ ​ໂມ​ຊັຟຟາຣຽນ ​ແຫ່ງໂຮງຮຽນແພດສາດຂອງມະຫາວິທະຍາໄລຮາເຫວີດ
ອະທິບາຍວ່າ: “ອັນຕະລາຍກໍຄືວ່າ ຖ້າທ່ານຫາກບໍ່ເອົາໃຈໃສ່ເບິ່ງນໍາສິ່ງເລັກໆນ້ອຍໆ
ຂອງແບບແຜນການດໍາລົງຊີວິດເຫລົ່ານີ້ ທ່ານກໍອາດຈະມີນໍ້າໜັກ​ເພີ້​ມຂຶ້ນ...ແລະ​ເພີ້​ມ
ຂຶ້ນຢ່າງຊ້າໆ ນານໆໄປ ແລະໂດຍບໍ່ຮູ້ສຶກຕົວ. ແລະນັ້ນກໍຄືສິ່ງທີ່ພວກເຮົາໄດ້ພົບເຫັນ
ໃນການແຜ່ລະບາດຂອງພະຍາດອ້ວນພີຈົນເກີນໄປ. ກົງກັນຂ້າມ ຖ້າຫາກທ່ານໃຫ້
ຄວາມເອົາໃຈໃສ່ ແລະ​ເນັ້ນໃສ່ແບບແຜນການດໍາລົງຊີວິດທີ່ຖືກຕ້ອງ ທ່ານກໍຈະບໍ່ມີ
ນໍ້າໜັກເພີ້ມຂຶ້ນ​ແບບນັ້ນ.”

ນົມສົ້ມຫລື yogurt ເປັນອາຫານທີ່ ກິນຫລາຍຂຶ້ນ ຊໍ້າຜັດເຮັດໃຫ້ ນໍ້າໜັກຫລຸດລົງ
ນົມສົ້ມຫລື yogurt ເປັນອາຫານທີ່ ກິນຫລາຍຂຶ້ນ ຊໍ້າຜັດເຮັດໃຫ້ ນໍ້າໜັກຫລຸດລົງ

ການສຶກສາຄົ້ນຄວ້າບັ້ນ​ນີ້
​ຍັງສະແດງໃຫ້ເຫັນອີກວ່າ
ການກິນອາຫານບາງຢ່າງ
ບວກ​ໃສ່​ກັບການນັ່ງ​ນອນ
​ເບິ່ງໂທລະພາບເປັນເວລາ
ດົນນານ ແລະກໍຫລັບນອນ
ໜ້ອຍເລື້ອຍໆ ຈົນກາຍ
ເປັນອາຈີນນັ້ນ ກໍມີສ່ວນ
ເຮັດໃຫ້ນໍ້າໜັກ​ເພີ້​ມຂຶ້ນ​ໄດ້
ໃນໄລຍະຍາວເຊ່ນກັນ.

ແຕ່ກົງກັນຂ້າມ, ພວກນັກ
ຄົ້ນຄວ້າພາກັນແປກໃຈທີ່ໄດ້
ພົບວ່າ ພວກທີ່ກິນນົມສົ້ມ
ຫລື yogurt ໃນປະລິມານ
ທີ່ເກີນກໍາໜົດທີ່ຄວນກິນປະຈໍາວັນ--ໂດຍບໍ່ກ່ຽວຂ້ອງວ່າມັນຈະມີທາດໄຂມັນຫລາຍປານ
ໃດກໍຕາມນັ້ນ ມັກຈະມີນໍ້າໜັກຫລຸດລົງເກືອບ ½ ກິໂລກຣາມ ຫລື 1 ປອນ ໃນແຕ່ລະ
4 ປີ.

XS
SM
MD
LG