ພວກພະນັກງານກູ້ໄພ ໃນບັງກລາແດັສ ໄດ້ຕໍ່ສູ້ກັບຄື້ນຟອງທີ່
ສູງ ແລະກະແສນຳ້ແຮງ ໃນວັນອັງຄານມື້ນີ້ ເພື່ອພະຍາຍາມ
ຊອກຫາ ຊາກເຮືອຂ້າມຟາກທີ່ຫລົ້ມ ພ້ອມກັບຜູ້ໂດຍສານ
200 ຄົນນັ້ນ.
ບັນດາເຈົ້າໜ້າທີ່ກ່າວໃນວັນອັງຄານມື້ນີ້ວ່າ ຫລາຍກວ່າ 100
ຄົນຍັງຫາຍສາບສູນ ແລະຢ້ານວ່າ ເສຍຊີວິດແລ້ວໃນອຸບັດ
ເຫດທີ່ເກີດຂຶ້ນເມື່ອວັນຈັນວານນີ້ ຢູ່ແມ່ນໍ້າ Padma ໃນພາກ
ກາງຂອງ ບັງກລາແດັສ.
ໃນໄລຍະຫລາຍໆຊົ່ວໂມງ ຫລັງຈາກເຮືອຂ້າມຟາກຫລົ້ມນັ້ນ
ຊາວບ້ານທ້ອງຖິ່ນຢູ່ເຮືອຫາປາ ແລະເຮືອໄວ ໄດ້ພະຍາຍາມໄປເຖິງບ່ອນເກີດເຫດແຕ່
ກໍໄປບໍ່ຮອດ ແລະໄດ້ຕ້ອງຕ່າວກັບຄືນ.
ມີຄົນເສຍຊີວິດຫລາຍສິບຄົນ ໃນອຸບັດເຫດເຮືອຂ້າມຟາກຫລົ້ມແຕ່ລະປີ ຢູ່ໃນ ບັງກລາ
ແດັສ ບ່ອນທີ່ເຮືອເປັນພາຫານະໃຊ້ໃນການຂົນສົ່ງ ຢູ່ທົ່ວໄປ. ແມ່ນ້ຳ Padma ແມ່ນ
ຮວມຢູ່ໃນພວກແມ່ນໍ້າ ທີ່ໃຫຍ່ທີ່ສຸດໃນປະເທດດັ່ງກ່າວ ທີ່ມີແມ່ນໍ້າ ໄຫລຜ່ານ ຫລາຍ
ກວ່າ 130 ສາຍ.
ມາດຕະຖານຄວາມປອດໄພທີ່ບໍ່ໄດ້ລະດັບ ກັບການບັນຈຸຜູ້ໂດຍສານເກີນອັດຕາ ມັກຈະ
ຖືກຕິຕຽນວ່າ ເປັນສາເຫດໃຫຍ່ທີ່ພາໃຫ້ເກີດອຸບັດເຫດ. ໃນເດືອນພຶດ ສະພາ ປະມານ
50 ຄົນ ໄດ້ເສຍຊີວິດ ໃນອຸບັດເຫດເຮືອຂ້າມຟາກຫລົ້ມ ຢູ່ໃນເຂດດຽວກັນນີ້.
