ລິ້ງ ສຳຫລັບເຂົ້າຫາ

ທ່ານ Steve Jobs ເຖິງແກ່ມໍລະນະກຳ (ເບິ່ງສະໄລດ໌ກັບວີດີໂອ)

  • ໄພສານ ວໍຣະຈັກ

ທ່ານ Steve Jobs ເຖິງແກ່ມໍລະນະກຳ (ເບິ່ງສະໄລດ໌ກັບວີດີໂອ)

ທ່ານ Steve Jobs ຜູ້ນຳຫົວປະດິດຄິດຄົ້ນຂອງບໍລິສັດ Apple ທີ່ພັດທະນາເຄື່ອງໃຊ້ອີ
ເລັກໂທຣນິກຕ່າງໆ ທີ່ໄດ້ປ່ຽນແປງອຸດສາຫະກຳດົນຕີຂອງໂລກ ໂທລະສັບມືຖືແລະຄອມ
ພິວເຕີ້ຂອງໂລກນັ້ນ ໄດ້ເຖິງແກ່ມໍລະນະກຳໃນມື້ວັນພຸດວານນີ້ ຮວມອາຍຸໄດ້ 56 ປີ.

ບໍລິສັດ Apple ກ່າວໃນຕອນແລງ ຂອງມື້ວັນພຸດວານນີ້ວ່າ ຕົນໄດ້ສູນເສຍອັດສະລິຍະ
ບຸກຄົນຜູ້ທີ່ມີຈິນຕະນາການແລະຫົວຄິດປະດິດສ້າງແລະໂລກຂອງເຮົາກໍໄດ້ສູນເສຍມະນຸດ ທີ່ມີຄວາມສາມາດແບບບໍ່ໜ້າເຊື່ອຄົນນຶ່ງ.

ທ່ານ Jobs ໄດ້ເປັນມະເຮັງໃນມ້າມຊະນິດນຶ່ງທີ່ບໍ່ຄ່ອຍ​ເຫັນ​ນັບແຕ່ປີ 2003 ເປັນຕົ້ນມາ ແລະທ່ານໄດ້ປ່ຽນຕັບໃໝ່ໃນປີ 2009. ທ່ານໄດ້ລາອອກຈາກຕຳແໜ່ງປະທານຄະນະບໍລິ
ຫານຂອງບໍລິສັດ Apple ໃນເດືອນສິງຫາປີນີ້ໂດຍເວົ້າວ່າ ທ່ານບໍ່ສາມາດປະຕິບັດໜ້າທີ່
ຂອງທ່ານໃນຖານະຫົວໜ້າບໍລິຫານງານຂອງບໍລິສັດເທັກໂນໂລຈີຍັກໃຫຍ່​ແຫ່ງ​ນັ້ນໄດ້ຕໍ່
ໄປອີກແລ້ວ.

ຄອບຄົວຂອງທ່ານ Jobs ເວົ້າວ່າ ທ່ານໄດ້​ສິ້ນ​ຊີວິດ​ລົງ​ຢ່າງສະຫງົບ ໃນມື້ວັນພຸດວານນີ້ ຫ້ອມລ້ອມໄປດ້ວຍພວກທີ່ທ່ານຮັກຢູ່ທີ່ເຮືອນຂອງທ່ານໃນເມືອງ Palo Alto ລັດ Cali-
fornia.

ທັນທີທີ່ໄດ້ຍິນຂ່າວການເຖິງແກ່ມໍລະນະກຳຂອງທ່ານຈອບ​ສ໌ ພວກຜູ້ນຳຂອງໂລກແລະ
ແຟນໆຕ່າງກໍໄດ້ພາກັນສະແດງຄວາມເສົ້າ​ເສຍໃຈ.

ປະທານາທິບໍດີສະຫະລັດ ທ່ານບາຣັກໂອບາມາກ່າວວ່າ ທ່ານ Jobs ແມ່ນເປັນໂຕຢ່າງ
ຂອງມູນເຊື້ອຄວາມສະຫຼຽວສະຫຼາດຂອງຊາວອະເມຣິກັນ ແລະເອີ້ນທ່ານວ່າ ເປັນນຶ່ງໃນ ພວກນັກປະດິດຄິດຄົ້ນທີ່ຍິ່ງໃຫຍ່ສຸດຂອງອະເມຣິກາ.

ເວັບໄຊທ໌ຫຼາຍແຫ່ງໄດ້ກາຍເປັນບ່ອນໄວ້ທຸກສຳລັບທ່ານ Jobs ໃນຄືນວັນພຸດວານນີ້ຮວມ
ທັງເວັບໄຊທ໌ຂອງບໍລິສັດ Apple ເອງ. ໃນເວັບໄຊທ໌ຕາໜ່າງສັງຄົມ Twitter ນັ້ນ “iSad”
ແມ່ນເປັນຫົວຂໍ້​ໃຫຍ່ໃນການສົນທະນາໂອ້ລົມກັນ.

XS
SM
MD
LG