ລິ້ງ ສຳຫລັບເຂົ້າຫາ

ວັນພະຫັດ, ໒໒ ກຸມພາ ໒໐໒໔

ກະຊວງຕ່າງປະເທດ ສະຫະລັດ ກ່າວວ່າ ອີແມລເກືອບເຖິງ 305 ອັນ ອາດມີຂໍ້ມູນຄວາມລັບ


ທ່ານນາງ Hillary Clinton ຜູ້ສະມັກແຂ່ງຂັນ ເປັນ ປະທານາທິ ບໍດີ ສະຫະລັດ ກຳລັງທັກທາຍກັບ ຜູ້ສະໜັບສະໜູນ.
ທ່ານນາງ Hillary Clinton ຜູ້ສະມັກແຂ່ງຂັນ ເປັນ ປະທານາທິ ບໍດີ ສະຫະລັດ ກຳລັງທັກທາຍກັບ ຜູ້ສະໜັບສະໜູນ.

ລາຍ​ງານ​ ທີ່​ສົ່ງ​ເຖິງ ຜູ້​ພິພາກສາ ສານ​ລັດຖະບານ​ກາງ ກ່າວ​ວ່າ
ການ​ທົບ​ທວນຄືນ​ ອີ​ແມລ ຂອງ​ອ​ະດີດ ລັດຖະມົນຕີ ຕ່າງປະ​
ເທດ ທ່ານ​ນາງ Hillary Clinton ​ໄດ້​ພົບ​ເຫັນ​ວ່າ ຈຳນວນຫລາຍ
ເຖິງ 305 ອີ​ແມ​ລ ​ອາດ​ບັນຈຸຂໍ້​ມູນ​ລັບ.

ກະຊວງ​ຕ່າງປະ​ເທດ ​ໄດ້​ສົ່ງລາຍ​ງານດັ່ງກ່າວ​ໃນ​ວັນ​ຈັນ​ວານ​ນີ້
​ ຫລັງ​ຈາກ​ການ​ທົບ​ທວນ​ຂອງ ບັນດາ​ເຈົ້າ​ໜ້າ​ທີ່​ສື​ບລັບ ທີ່​ໄດ້​ຖືກ
ແຕ່ງຕັ້ງ​ໃຫ້​ວິ​ເຄາະ​ອີ​ແມ​ລ ຈາກ​ໜ່ວຍ​ຄອມ​ພິວ​ເຕີ​ສ່ວນ​ໂຕ ທີ່​ທ່ານ
​ນາງ​ໄດ້​ໃຊ້​ສົ່ງ ​ແລ​ະຮັບ​ຂ່າວ​ຕ່າງໆ ​ໃນ​ຂະນະ​ທີ່​ທ່ານ​ນາງ​ຢູ່​ໃນ​ໜ້າ
​ທີ່ເປັນ ລັດຖະມົນຕີ ຕ່າງປະ​ເທດ. ປັດຈຸບັນ​ນີ້ ທ່ານ​ນາງ​ເປັນ​ຜູ້ນຳ​
ໜ້າຜູ້​ສະມັກ​ແຂ່ງຂັນ​ເປັນ ປະທານາທິບໍດີ ພັກ​ເດ​ໂມ​ແຄຣັດ.

ຫ້ອງການ​ສືບສວນ ກ່າວ​ວ່າ ຈຳນວນ 305 ອີ​ແມ​ລ ອາດ​ເປັນ​ຂໍ້​ມູນ​ລັບ ປະມານ 5 ​ເປີ​ເຊັນ​
ໄດ້​ຖືກ​ວິ​ເຄາະ​ແລ້ວ.

ການ​ຟ້ອງ​ຮ້ອງ​ຕ້ານ ກະຊວງ​ຕ່າງປະ​ເທດ ບັງຄັບ​ໃຫ້​ທວນຄືນ​ ອີ​ແມ​ລ ຢູ່​ໃນ ຄອມ​ພິວ​ເຕີ
​ສ່ວນ​ໂຕຂອງ ທ່ານ​ນາງ Clinton. ບັນດາ​ອີ​ແມ​ລ ທີ່​ພົບ​ເຫັນ​ວ່າ ອາດ​ເປັນຄວາມ​ລັບນັ້ນ
ຈະ​ຖືກ​ສະ​ເໜີໄປ​ຫາ​ຫ້ອງການລັດຖະບານ​ກາງ​ອື່ນໆ ​ເພື່ອ​ຊັ່ງ​ຊາ​ຕໍ່​ໄປ​ອີກ.

ທ່ານ​ນາງ Clinton ​ໄດ້​ເນັ້ນ​ໜັກ​ວ່າ ທ່ານ ບໍ່ເຄີ​ຍ​ໄດ້​ສົ່ງ​ລາຍ​ລະ​ອຽດທີ່​ເປັນ ຄວາມ​ລັບ
​ແລະ​ທ່ານ​ນາງ ບໍ່​ເຄີຍ​ໄດ້​ຮັບລາຍ​ລະ​ອຽດຈາກ​ຄົນ​ອຶ່ນໆ ທີ່​ໄດ້​ໝາຍ​ໄວ້​ວ່າ​ເປັນຄວາມ​ລັບ
​ຢູ່ໃນ​ເວລາ​ນັ້ນ.

​ອະດີດ​ລັດຖະມົນຕີ​ຕ່າງປະ​ເທດ​ ​ໄດ້ມອບ​ສົ່ງ​ອີ​ແມ​ລ ທີ່ຢູ່​ໃນ​ຄອມ​ພິວ​ເຕີສ່ວນ​ໂຕ ຕື່ມ​ໃນ​
ອາທິດ​ແລ້ວ​ນີ້. ທ່ານ​ນາງ ​ໄດ້​ຖືກ​ກົດ​ດັນ​ຈາກ ບັນດາ​ສະມາຊິກ​ພັກ ​ຣີພັບ​ບລິ​ກັນ ​ໃຫ້ເປີດ
​ເຜີຍ​ອີ​ເມລ​ອອກ​ມາໃນ​ເ​ດືອນມີນາ. ບັນດາ​ຜູ້​ຕິຕຽນ ​ໄດ້​ກ່າວ​ຫາ​ທ່ານ​ນາງ​ວ່າ ພະຍາຍາມ
​ຊຸກ​ເຊຶ່ອງ ການ​ສົນທະນາ ທີ່​ມີ​ການ​ຂັດ

​ແຍ້​ງກັນ​ຢູ່​ໃນ​ບັນຊີອີ​ແມ​ລສ່ວນ​ໂຕ ຮວມທັງຄວາມ​ເປັນ​ຫ່ວງ​ຕ່າງໆ ກ່ຽວ​ກັບ​ການ​ໂຈມ​ຕີ
ຂອງ​ພວກ​ກໍ່​ການ​ຮ້າຍ ​ທີ່​ຮ້າຍ​ແຮງຢູ່ ກົງສຸນ ສະຫະລັດ ທີ່​ເມືອງ Bengazi ປະ​ເທດ
Libya ​ໃນ​ປີ 2012.

ທ່ານ​ນາງ Clinton ກ່າວ​ວ່າ ທ່ານໄດ້​ສົ່ງຄືນກວ່າ 55,000 ໜ້າ​ຂອງ​ອີ​ແມ​ລ ​ໃຫ້​ແກ່
ກະຊວງ​ຕ່າງປະ​ເທດ ​ແລະ​ໄດ້​ອະນຸຍາດ​ໃຫ້ ກະຊວງ ​ເປີດເຜີຍ​ແກ່​ສາທາລະນະຊົນ.

ຫ້ອງການ​ສັນຕິ​ບານ​ກາງ ​ໄດ້​ເລີ້ມ​ທຳການ​ສືບສວນ ​ກ່ຽວ​ກັບ​ຄວາມ​ປອດ​ໄພ ຢູ່​ໃນ​ຄອມ
​ພິມ​ເຕີ ອີ​ແມ​ລສ່ວນ​ໂຕ​ຂອງ ທ່ານ​ນາງ Clinton ຫລັງ​ຈາກ ຜູ້​ກວດກາ​ທົ່ວ​ໄປ​ຂອງ ປະຊາ​
ຄົມ​ສື​ບລັບ ສະຫະລັດ ກ່າວ​ວ່າ ທ່ານ​ໄດ້​ພົບ​ເຫັນ​ຢ່າງ​ໜ້ອຍ ສີ່​ອີ​ແມ​ລ ທີ່​ເປັນຄວາມ​ລັບ​ໃນ
​ເວລາ​ທີ່​ຖືກ​ສົ່ງ ຮວມອີກ​ສອງອີ​ແມ​ລ ທີ່ເຫັນ​ວ່າ​ເປັນ "ຄວາມ​ຮັບ​ສຸດ​ຍອດ" ທີ່ຢູ່​ໃນ​ລະດັບ
ຄວາມ​ລັບ​ສຸງສຸດ​ຂອງ ລັດຖະບານ.

XS
SM
MD
LG