ລິ້ງ ສຳຫລັບເຂົ້າຫາ

logo-print

ສຫລ ກ່າວວ່າ ກຸ່ມລັດອິສລາມ ​ກໍ່ຄວາມ​ຮຸນ​ແຮງ​ ຕໍ່ພວກ​ສາສະໜາ​ ​ແລະ​ຊົນ​ກຸ່ມ​ນ້ອຍ


ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ Rex Tillerson ກຳລັງອອກຈາກການໃຫ້ຄຳຖະແຫຼງ ກ່ຽວກັບລາຍ​ງານ​ປະຈຳ​ປີ​ຂອງ​ກະຊວງການ​ຕ່າງປະ​ເທດ​ ວ່າດ້ວຍ​ເສ​ລີ​ພາບ ​ໃນ​ການ​ນັບຖື​ສາສະໜາ, 15 ສິງຫາ, 2017, ທີ່ກະຊວງການ​ຕ່າງປະ​ເທດ ວໍຊີງຕັນ.

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ Rex Tillerson ​ໄດ້​ຈຳ​ແນ​ກອອກ
7 ປະ​ເທດ ​ພວກທີ່ພໍເບິ່ງເຫັນໄດ້ວ່າ ພາກັນລະ​ເມີດ​ເສຣີພາບທາງດ້ານສາສະໜາ, ​
ແຕ່​ ​ໄດ້​ຕຳນິແຮງທີ່ສຸດ ກຸ່ມຫົວຮຸນແຮງ​ລັດ​ອິສລາມ ທີ່​ໄດ້​ສ້າງຄວາມ​ຮຸນ​ແຮງ​ ຕ້ານພວກ​ສາສະໜາ​ ​ແລະ​ຊົນ​ເຜົ່າກຸ່ມ​ນ້ອຍທັງຫຼາຍ. ຄວາມ​ເຫັນ​ຂອງ​ທ່ານ Tillerson ​ໄດ້​ມີ​ຂຶ້ນ​
ໃນ​ວັນ​ອັງຄານ​ວານ​ນີ້ ເວລາ​ກະຊວງການ​ຕ່າງປະ​ເທດ ​ນຳ​ເຜີຍ​ແຜ່ ລາຍ​ງານ​ປະຈຳ​ປີ​
ຂອງ​ຕົນ​ ກ່ຽວ​ກັບ​ເສ​ລິ​ພາບ​ໃນ​ການ​ນັບຖື​ສາສະໜາ ຊຶ່ງ​ວັນນະ​ສອນ ຈະມີ​ລາຍ​ລະອຽດ
​ຂອງລາຍ​ງານ​ຈາກ Mariama Diallo ນັກ​ຂ່າວ VOA ມາສະ​ເໜີ​ທ່ານໃນ​ອັນ​ດັບ​ຕໍ່​ໄປ.

ອີງ​ຕາມ​ລາຍ​ງານ​ຂອງ​ກະຊວງການ​ຕ່າງປະ​ເທດແລ້ວແມ່ນວ່າ ຄວາມ​ໂຫດຮ້າຍ​ທີ່ກະທຳ​ຂຶ້ນໂດຍກຸ່ມ​ລັດ​ອິສລາມ ແມ່ນ​ນຶ່ງ​ໃນ​ການ​ຂົ່ມຂູ່ທີ່​ໃຫຍ່​ຫຼວງທີ່ສຸດ ຕໍ່​ເສ​ລິິພາບ​ໃນ​ການ​ນັບຖື​ສາສະໜາ.

ທ່ານ Rex Tillerson ລັດຖະມົນຕີ​ການ​ຕ່າງປະ​ເທດ​ສະຫະລັດ ກ່າວ​ວ່າ: “​ເປັນ​ການ
ຈະ​ແຈ້ງ​ແລ້ວ​ວ່າ ກຸ່ມ​ລັດ​ອິສລາມ ຫຼື ISIS ​ເປັນ​ຜູ້​ຮັບຜິດຊອບ​ໃນ​ການ​ຂ້າ​ລ້າງ​ເຜົ່າ​ພັນ
ຊາວ Yazidis, ຊາວ​ຄຣິສ ​ແລະ​ຊາວ Shia ມຸສລິ​ມ ​ໃນ​ຂົງ​ເຂດ​ທີ່​ພວກ​ເຂົາ​ຄວບ​ຄຸມ
ຫຼື ​ເຄີຍ​ໄດ້​ຍຶດຄອງ. ນອກຈາກນີ້ແລ້ວ ISIS ຍັງ​ເປັນ​ຜູ້​ຮັບຜິດຊອບ​ໃນ​ການ​ກໍ່​ອາ​ຊະ
ຍະ​ກຳ​ຕ້ານ​ມະນຸດຊາດນຳ ​ທັງ​ກວດ​ລ້າງ​ຊົນຊາດດັ່ງກ່າວນີ້ໂດຍກົງນຳ​ ​ຊຶ່ງ ໃນ​ບາງ​
ກໍລະນີ ​ກໍແມ່ນຕໍ່​ຊາວ Sunni ມຸສລິ​ມ, ຊາວ​ເຄີ​ດ ​ແລະ​ຊົນຊາດ​ກຸ່ມ​ນ້ອຍ​ອື່ນໆ.”

ເຊີນຊົມ ຖ້ອມຖະແຫຼງຂອງທ່ານ Tillerson ກ່ຽວກັບການປະຫັດປະຫານຂອງກຸ່ມ ISIS

Tillerson: 'ISIS Responsible For Genocide'
please wait

No media source currently available

0:00 0:02:15 0:00

ລັດຖະມົນຕີ​ການ​ຕ່າງປະ​ເທດ Rex Tillerson ​ກ່າວ​ວ່າ ການ​ປະ​ຫັດ​ປະຫານສາສະໜາ ​
ແລະ​ການບໍ່​ຜ່ອນສັ້ນຜ່ອນຍາວຕໍ່ກັນ ແມ່ນຍັງຢູ່ຫ່າງ​ໄກ​ຫຼາຍຈາກຄວາມຈິງ​ໃນສະຖານ​ທີ່
​ອື່ນໆ ໂດຍ​ທີ່​ 80 ເປີ​ເຊັນ ຂອງ​ປະຊາກອນ​ໂລກ ຍັງ​ຕົກ​ຢູ່​ພາ​ຍ​ໃຕ້ຂໍ້​ຈຳກັດຮັດແຄບ

ຫຼື​ບໍ່ ກໍ​ແມ່ນ​ຢູ່​ທ່າມກາງ​ຂອງ​ຄວາມ​ເປັນ​ບໍລະ​ປັກ ທີ່​ຈຳ​ກັດ​ເສ​ລິິພາບ​ທາງ​ສາສະໜາ
ຂອງ​ພວກ​ເຂົາ​ເຈົ້າ.

ທ່ານ Tillerson ກ່າວ​ຕໍ່​ໄປວ່າ “ຢູ່​ໃນ​ອິຣ່ານ, ພວກ Baha’i ຊາວ​ຄຣິສ ​ແລະ​ຊົນ​ກຸ່ມ​
ນ້ອຍ​ອື່ນໆ ​ແມ່ນຈະ​ຖືກ​ປະ​ຫັດ​ປະຫານ ​ຍ້ອນ​ຄວາມເຊື່ອ​ຖືຂອງ​ພວກ​ເຂົາ​ເຈົ້າ. ອິຣ່ານ
ຍັງສືບ​ຕໍ່​ສົ່ງ​ຜູ້ຄົນໄປຕາຍ ພາຍ​ໃຕ້​ກົດໝາຍຄົນນອກສາສະໜາ​ທີ່​ຄຸມ​ເຄືອ​ແລະ​ບໍ່​ຊັດ​ເຈນ.”

ລາຍ​ງານ​ຂອງກະຊວງການ​ຕ່າງປະ​ເທດ ​ໄດ້​ຮຽກຮ້ອງ​ໃຫ້​ຫຼາຍໆ​ປະ​ເທດ ​ເຊັ່ນ Saudi
Arabia ທີ່​ເປັນ​ພັນທະ​ມິດ​ໃກ້ຊິດກັບ​ສະຫະລັດ ​ໃຫ້​ຮັບ​ເອົາ​ການມີ​ເສ​ລິິພາບ​ໃນ​ການ​ນັບຖື​ສາສະໜາ ສຳ​ຫຼັບ​ປະຊາຊົນຂອງ​ຕົນທຸກໆຄົນ.

ກຸ່ມລັດອິສລາມ ຈໍ່ປືນ ໃສ່ຫົວຊາວອິຕິໂອເປຍ ທີ່ນັບຖືສາສະໜາຄຣິສ ໃນ Wilayat Fazzan, ລີເບຍ, ພາບນິ່ງທີ່ເອົາມາຈາກວີດີໂອ ທີ່ໄດ້ມາທາງສື່ສັງຄົມທາງອິນເຕີແນັດ 19 ເມສາ 2015.
ກຸ່ມລັດອິສລາມ ຈໍ່ປືນ ໃສ່ຫົວຊາວອິຕິໂອເປຍ ທີ່ນັບຖືສາສະໜາຄຣິສ ໃນ Wilayat Fazzan, ລີເບຍ, ພາບນິ່ງທີ່ເອົາມາຈາກວີດີໂອ ທີ່ໄດ້ມາທາງສື່ສັງຄົມທາງອິນເຕີແນັດ 19 ເມສາ 2015.

ທ່ານ Tillerson ກ່າວຕື່ມ​ອີກ​ວ່າ: “ລັດຖະບານ​ບໍ່ຮັບຮູ້​ສິດທິ​ຂອງ​ພວກ​ທີ່​ບໍ່​ເປັນມຸສລິມ
ໃນ​ການປະຕິບັດທາງສາສະໜາຂອງ​ພວກ​ເຂົາ​ເຈົ້າ ທັງໄດ້ລົງໂທດແບບຕ່າງໆທາງ
ອາຍາ ລວມທັງການຕັດສິນໃສ່ຄຸກນຳ ພ້ອມ​ທັງ ​ການ​ຂ້ຽນ​ຕີ ​ແລະ​ປັບ​ໃໝ ຍ້ອນຖືວ່າ
ນອກສາສະໜາ ​ບໍ່ມີສາສະໜາ​ ຖືວ່າ​ດູ​ໝິ່ນ ​ແລະ​ໂຈມຕີການຕີຄວາມ​ໝາຍ​ຂອງ​ສາ
ສະໜາ​ອິສລາມ​.”

ນອກຈາກນີ້ແລ້ວ ທ່ານ Tillerson ຍັງ​ໄດ້ຕຳ​ໜິຕິຕຽນ ​ເທີ​ກີ Bahrain ຊູ​ດານ
ປາ​ກິ​ສຖານ ​ແລະ​ຈີນນຳ ຊຶ່ງ​ທ່ານ​ກ່າວ​ວ່າ “ສະມາຊິກ​ຂອງສາສະໜາ Falun Gong
ສິບ​ກວ່າ​ຄົນ ​ໄດ້​ເສຍ​ຊີວິດໃນບ່ອນຄຸມຂັງ​. ນະ​ໂຍບາຍ​ທີ່​ຈຳກັດ​ຮັດ​ແຄບຕໍ່ ​
ການສະ​ແດງ​ອອກ​ ​ແລະການ​ປະຕິບັດ ຂອງ​ຊາວ​ວີ​ເກີ ມຸສລິ​ມ ​ແລະ​ຊາວ​ທີ​ເບັດ
​ທີ່​ນັບຖື​ສາສະໜາ​ພຸດ ​ແມ່ນໄດ້ມີ​ເພີ່ມ​ຂຶ້ນ.”

​ເຖິງ​ແມ່ນ​ວ່າ​ຈະ​ມີ​ການ​ທ້າ​ທາຍ​ຢ່າງ​ຕໍ່​ເນື່ອງ​ກໍ​ຕາມ ລາຍ​ງານນີ້ ຍັງ​ໄດ້​ເປີດ​ເຜີຍ​ວ່າ ມີ
​ເກືອ​ບ 200 ປະ​ເທດ ​ແລະ​ຖືກ​ຈັດ​ໃຫ້​ມີ​ຜົນ​ບັງຄັບ​ໃຊ້​ໂດຍ​ລັດຖະສະພາ ທີ່​ໃຫ້ຂໍ້ສັງເກດ
​ວ່າ ເສ​ລິິພາບ​ໃນ​ການ​ນັບຖື​ສາສະໜາ ​ແມ່ນ​ມີການຂະຫຍາຍ​ກວ້າງອອກໄປ ​ໃນ​ຫຼາຍ​
ປະ​ເທດ​ເຊັ່ນ ຫວຽດນາມ ​ແລະ​ສະຫະພາບ​ອາຣັບ ອິມິ​ເຣັສ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ຊົນກຸ່ມນ້ອຍ ຊາວ Yazidi ທີ່ພາກັນອົບພະຍົບລົບໄພຈາກຄວາມຮຸນແຮງ ຂອງກອງກຳລັງກຸ່ມລັດອິສລາມ ໃນເມືອງ Sinjar, Iraqi Kurdistan, ພາກັນເດີນທາງ ໄປສູ່ ເມືອງຊາຍແດນ Elierbeh, ຊີເຣຍ ທີ່ປົກຄອງໂດຍ Al-Hasakah, 11 ສິງຫາ 2014.
ຊົນກຸ່ມນ້ອຍ ຊາວ Yazidi ທີ່ພາກັນອົບພະຍົບລົບໄພຈາກຄວາມຮຸນແຮງ ຂອງກອງກຳລັງກຸ່ມລັດອິສລາມ ໃນເມືອງ Sinjar, Iraqi Kurdistan, ພາກັນເດີນທາງ ໄປສູ່ ເມືອງຊາຍແດນ Elierbeh, ຊີເຣຍ ທີ່ປົກຄອງໂດຍ Al-Hasakah, 11 ສິງຫາ 2014.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG