ກະຊວງຕ່າງປະເທດສະຫະລັດ ສະແດງຄວາມເປັນຫ່ວງ ກ່ຽວກັບການຫາຍໂຕໄປຂອງທ່ານສົມບັດ ສົມພອນ. ຫ້ອງການຂອງທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ໄດ້ອອກຖະແຫຼງການ ຕໍ່ສື່ມວນຊົນ ໃນວັນພຸດວານນີ້ວ່າ:
“ສົມບັດ ສົມພອນ ຜູ້ນໍາສັງຄົມພົນລະເຮືອນຂອງລາວ ທີ່ຫາຍໂຕໄປໄດ້ ນຶ່ງເດືອນຜ່ານມາແລ້ວນັ້ນ. ລາຍງານດັ່ງກ່າວເວົ້າວ່າ ທ່ານສົມບັດ ໄດ້ ຫາຍໂຕໄປເມື່ອຕອນແລງຂອງວັນທີ່ 15 ທັນວາ ຜ່ານມານີ້ ຫຼັງຈາກຜູ້ ກ່ຽວຖືກຕໍາຫຼວດສັ່ງໃຫ້ຢຸດລົດ ທີ່ປ້ອມຕໍາຫຼວດແຫ່ງນຶ່ງໃນນະຄອນຫຼວງ ວຽງຈັນ. ພວກເຮົາຂໍຮຽກຮ້ອງໃຫ້ລັດຖະບານລາວຈົ່ງດໍາເນີນ ການສືບ ສວນສອບສວນຕໍ່ເຫດການນີ້ຢ່າງມີຄວາມໂປ່ງໃສ ແລະໃຫ້ກະທໍາທຸກສິ່ງຢ່າງໃນອໍານາດຂອງລັດຖະບານລາວ ເພື່ອໃຫ້ທ່ານສົມບັດ ໄດ້ກັບຄືນໄປ ຢູ່ນໍາຄອບຄົວຂອງທ່ານ ໂດຍທັນທີແລະປອດໄພ.
ນັບຕັ້ງແຕ່ທ່ານສົມບັດ ຈົບການສຶກສາຂອງທ່ານທີ່ສະຫະລັດ ທ່ານສົມບັດ ໄດ້ປະຕິບັດງານຢ່າງບໍ່ອິດເມື່ອຍ ເພື່ອຊຸກຍູ້ສົ່ງເສີມການພັດທະນາແບບ ຍືນຍົງຢູ່ໃນລາວ ແລະທ່ານສົມບັດ ຍັງໄດ້ດົນຈິດດົນໃຈ ພວກຜູ້ນໍາໜຸ່ມນ້ອຍລຸ້ນໃໝ່. ທ່ານສົມບັດ ໄດ້ກໍ່ຕັ້ງສູນອົບຮົມຮ່ວມພັດທະນາ ຫຼື Participatory Development Training Center ທີ່ເປັນສູນໃຫ້ການ ອົບຮົມເຍົາວະຊົນລາວ ແລະບັນດາຜູ້ນໍາທ້ອງຖິ່ນຂອງລັດຖະບານໃນການ ພັດທະນາຊຸມຊົນ ແລະການລົດຜ່ອນຄວາມທຸກຈົນ. ການຫາຍໂຕໄປ ຂອງທ່ານສົມບັດຄັ້ງນີ້ ແມ່ນໄດ້ສ້າງຄວາມເປັນຫ່ວງອັນໃຫຍ່ຫຼວງ ຈາກ ຄອບຄົວ ໝູ່ເພື່ອນ ແລະເພື່ອນຮ່ວມງານຂອງທ່ານຢູ່ໃນທົ່ວໂລກ. ພວກເຮົາຂໍຮຽກຮ້ອງໃຫ້ທ່ານສົມບັດໄດ້ກັບຕ່າວຄືນບ້ານໂດຍທັນທີ ແລະສົ່ງຄວາມຮູ້ສຶກຫ່ວງໃຍ ແລະຄໍາພາວະນາວິ່ງວອນຂອງພວກເຮົາ ໄປຍັງຄອບຄົວ ແລະຄົນຮັກແພງຂອງທ່ານດ້ວຍ.”
“ສົມບັດ ສົມພອນ ຜູ້ນໍາສັງຄົມພົນລະເຮືອນຂອງລາວ ທີ່ຫາຍໂຕໄປໄດ້ ນຶ່ງເດືອນຜ່ານມາແລ້ວນັ້ນ. ລາຍງານດັ່ງກ່າວເວົ້າວ່າ ທ່ານສົມບັດ ໄດ້ ຫາຍໂຕໄປເມື່ອຕອນແລງຂອງວັນທີ່ 15 ທັນວາ ຜ່ານມານີ້ ຫຼັງຈາກຜູ້ ກ່ຽວຖືກຕໍາຫຼວດສັ່ງໃຫ້ຢຸດລົດ ທີ່ປ້ອມຕໍາຫຼວດແຫ່ງນຶ່ງໃນນະຄອນຫຼວງ ວຽງຈັນ. ພວກເຮົາຂໍຮຽກຮ້ອງໃຫ້ລັດຖະບານລາວຈົ່ງດໍາເນີນ ການສືບ ສວນສອບສວນຕໍ່ເຫດການນີ້ຢ່າງມີຄວາມໂປ່ງໃສ ແລະໃຫ້ກະທໍາທຸກສິ່ງຢ່າງໃນອໍານາດຂອງລັດຖະບານລາວ ເພື່ອໃຫ້ທ່ານສົມບັດ ໄດ້ກັບຄືນໄປ ຢູ່ນໍາຄອບຄົວຂອງທ່ານ ໂດຍທັນທີແລະປອດໄພ.
ນັບຕັ້ງແຕ່ທ່ານສົມບັດ ຈົບການສຶກສາຂອງທ່ານທີ່ສະຫະລັດ ທ່ານສົມບັດ ໄດ້ປະຕິບັດງານຢ່າງບໍ່ອິດເມື່ອຍ ເພື່ອຊຸກຍູ້ສົ່ງເສີມການພັດທະນາແບບ ຍືນຍົງຢູ່ໃນລາວ ແລະທ່ານສົມບັດ ຍັງໄດ້ດົນຈິດດົນໃຈ ພວກຜູ້ນໍາໜຸ່ມນ້ອຍລຸ້ນໃໝ່. ທ່ານສົມບັດ ໄດ້ກໍ່ຕັ້ງສູນອົບຮົມຮ່ວມພັດທະນາ ຫຼື Participatory Development Training Center ທີ່ເປັນສູນໃຫ້ການ ອົບຮົມເຍົາວະຊົນລາວ ແລະບັນດາຜູ້ນໍາທ້ອງຖິ່ນຂອງລັດຖະບານໃນການ ພັດທະນາຊຸມຊົນ ແລະການລົດຜ່ອນຄວາມທຸກຈົນ. ການຫາຍໂຕໄປ ຂອງທ່ານສົມບັດຄັ້ງນີ້ ແມ່ນໄດ້ສ້າງຄວາມເປັນຫ່ວງອັນໃຫຍ່ຫຼວງ ຈາກ ຄອບຄົວ ໝູ່ເພື່ອນ ແລະເພື່ອນຮ່ວມງານຂອງທ່ານຢູ່ໃນທົ່ວໂລກ. ພວກເຮົາຂໍຮຽກຮ້ອງໃຫ້ທ່ານສົມບັດໄດ້ກັບຕ່າວຄືນບ້ານໂດຍທັນທີ ແລະສົ່ງຄວາມຮູ້ສຶກຫ່ວງໃຍ ແລະຄໍາພາວະນາວິ່ງວອນຂອງພວກເຮົາ ໄປຍັງຄອບຄົວ ແລະຄົນຮັກແພງຂອງທ່ານດ້ວຍ.”
