ສະຫະປະຊາຊາດ ຕ້ອງການຢາກຈະເປີດການເຈລະຈາສັນຕິ
ພາບຮອບໃໝ່ກ່ຽວ ກັບຊີເຣຍ ໃນວັນຈັນຈະມາເຖິງນີ້ ແຕ່ວ່າ
ຍັງມີເຫລືອຢູ່ພຽງບໍ່ເທົ່າໃດມື້ ແລະຍັງບໍ່ທັນມີການຕົກລົງກັນ
ໃດໆເທື່ອວ່າ ໃຜຄວນທີ່ຈະເຂົ້າຮວມ ຢູ່ໃນກອງປະຊຸມດັ່ງ
ກ່າວແລະຍັງມີຄວາມສົງໄສຢູ່ວ່າການເຈລະຈາຈະເລີ້ມຕາມ
ໝາຍກຳນົດຫລືບໍ່.
ທ່ານ Staffan de Mistura ທູດພິເສດ ສະຫະປະຊາຊາດ
ຮັບຜິດຊອບກ່ຽວ ກັບເລື້ອງຊີເຣຍ ໄດ້ປະກາດໃນເດືອນແລ້ວ
ນີ້ວ່າ ທ່ານຕ້ອງການຢາກຈະເລີ້ມເຈ ລະຈາ ໃນວັນທີ 25
ເດືອນມັງກອນ ທີ່ນະຄອນ Geneva.
ທ່ານໄດ້ຮັບການສະໜັບສະໜູນຈາກກຸ່ມ 17 ປະເທດ ຮວມທັງສະຫະລັດ ແລະຣັດເຊຍ
ແຕ່ວ່າບັນດາປະເທດເຫຼົ່ານີ້ ຍັງບໍ່ທັນໄດ້ຕັດສິນໃຈເທຶື່ອວ່າກຸ່ມໃດແດ່ ໃນຈຳນວນຫລາ
ຍໆກຸ່ມຕໍ່ຕ້ານລັດຖະບານ ທີ່ສູ້ລົບຢູ່ໃນຊີເຣຍ ຈະມີຜູ້ຕາງໜ້າຢູ່ທີ່ໂຕະເຈລະຈາ.
ຮອງໂຄສົກ ສະຫະປະຊາຊາດ ທ່ານ Farhan Haq ກ່າວໃນວັນຈັນວານນີ້ວ່າ ບັດເຊີນ
ຈະບໍ່ຖືກສົ່ງອອກໄປເທື່ອ ຈົນກວ່າການຕັດສິນໃຈເຫລົ່ານັ້ນໄດ້ມີການຕົກ ລົງກັນແລ້ວ.
ທ່ານກ່າວວ່າ ສະຫະປະຊາຊາດ ຍັງສືບຕໍ່ເພັ່ງເລັງໃສ່ວັນທີ 25 ເດືອນມັງກອນ ເປັນມື້
ເລີ້ມຕົ້ນຂອງການເຈລະຈາແລະເລຂາທິການໃຫຍ່ສະຫະ ປະຊາຊາດ ທ່ານ Ban
Ki-moon ກຳລັງຮຽກຮ້ອງໃຫ້ບັນດາປະເທດມະຫາອຳນາດຈົ່ງ “ເພີ້ມຄວາມພະຍາ
ຍາມຂຶ້ນເປັນສອງເທົ່າ” ເພື່ອໃຫ້ບັນລຸຂໍ້ຕົກລົງ.
ທ່ານ Haq ກ່າວວ່າ ສະຫະປະຊາຊາຊາດຍັງມີຄວາມຫວັງແລະຄາດວ່າ ການຢຸດຍິງ
ໃນຊີເຣຍ ຈະມີຂຶ້ນພ້ອມໆກັບການເລີ້ມເຈລະຈາສັນຕິພາບ.
