ເຈົ້າໜ້າທີ່ກຣີສ ແລະຄະນະກວດກາຂອງຢູໂຮບ ເລີ້ມການ
ເຈລະຈາທີ່ຕົກຢູ່ໃນສະພາບບໍ່ໄປບໍ່ມານັ້ ຄືນອີກໃນວັນອັງ
ຄານມື້ນີ້ ທີ່ນະຄອນປາຣີ ກ່ຽວກັບການປະຕິຮູບ ທາງດ້ານ
ການເງິນຂອງກຣີສ ກ່ອນສ່ວນໃຫຍ່ຂອງການຊ່ອຍເຫລືອ
ທາງດ້ານການເງິນ ເພື່ອກອບກູ້ເສດຖະກິດຂອງນາໆຊາດ
ສິ້ນສຸດລົງໃນທ້າຍປີນີ້.
ພວກຜູ້ນຳກີສ ບໍ່ເຫັນພ້ອມກັບອົງການກອງທຶນສາກົນ ຫຼື IMF
ຄະນະກຳມາທິການຢູໂຣບ ແລະທະນາຄານກາງຢູໂຣບ ເຖິງ
ຄວາມຈຳເປັນຂອງການປະຕິຮູບ ເພີ້ມຕື່ມຫຼືບໍ່ ແລະຕ້ອງການ
ຖອນຕົວອອກຈາກມາດຕະການປະຢັດ ທີ່ບໍ່ໄດ້ຮັບ ຄວາມນິຍົມ ທີ່ທວງໃຫ້ເອົາ ໂດຍອັນທີ່ເອີ້ນວ່າ ກຸ່ມ Troika ນັ້ນ.
ຫຼັງຈາກທີ່ໄດ້ຈ່າຍເງິນເກີນງົບປະມານ ແລະການບໍລິຫານຈັດການທີ່ບໍ່ດີ ມາເປັນເວລາ ຫຼາຍໆປີແລ້ວນັ້ນ ນະຄອນ Athens ແມ່ນຕົກຢູ່ໃນສະພາວະຝືດເຄືອງທາງການເງິນຢ່າງຮ້າຍແຮງ ເກືອບວ່າ 5 ປີ ມາແລ້ວ.
ນັບຕັ້ງແຕ່ປີ 2010 ເປັນຕົ້ນມາ ລັດຖະບານໄດ້ກາງຕໍ່ເກືອບ 300 ພັນລ້ານໂດລ່າ ຈາກກອງທຶນຊ່ອຍກູ້ເສດຖະກິດ ຂອງບັນດາປະເທດສະມາຊິກຢູໂຣບ ແລະກອງທຶນສາກົນໃນຂະນະ
ທີ່ໄດ້ ເອົາມາດຕະການຕັດຮອນການໃຊ້ຈ່າຍງົບປະມານ ແລະຂຶ້ນພາສີ ພາຍໃຕ້ການຄວບຄຸມ ດູແລຂອງບັນດາເຈົ້າໜີ້ທັງຫຼາຍນີ້.
