ລິ້ງ ສຳຫລັບເຂົ້າຫາ

logo-print

ປ. ສ​ຣີ​ລັງ​ກາ ວ່າ ທ່ານໄດ້​ປົດ ​ຕຳ​ແໜ່ງ ​ນາ​ຍົກ ຍ້ອນ​ວ່​າ ມີ​ການ ​ວາງ​ແຜນ ​ລອບ​ສັງ​ຫານ​ທ່ານ


ນາ​ຍົກ​ລັດ​ຖະ​ມົນ​ຕີ ຣາ​ນີ​ລ ວິກ​ເຄ​ຣ​ເມ​ຊິງ​ແງທີ່​ຖືກ​ປົດ ອອກ ຈາກຕຳ​ແໜ່ງ ເຂົ້າ​ຮ່ວມກອງ​ປະ​ຊຸມ​ນັກ​ຂ່າວ ຢູ່​ເມືອງ​ໂຄ​ລອມ​ໂບ ຂອງ​ ສ​ຣີ​ລັງ​ກາ ໃນ​ວັນ​ທີ 27 ຕຸ​ລາ, 2018.

ປະ​ທາ​ນາ​ທິ​ບໍ​ດີ​ສ​ຣີ​ລັງ​ກາ ທ່ານ ໄມ​ທ​ຣີ​ພາ​ລາ ສີ​ຣິ​ເສ​ນາ ເວົ້າ​ວ່າ ທ່ານ​ໄດ້​ປົດ​ຕຳ​ແໜ່ງ
​ນາ​ຍົກ​ລັດ​ຖະ​ມົນ​ຕີ ຍ້ອນ​ວ່​າ ມີ​ການ​ວາງ​ແຜນ​ລອບ​ສັງ​ຫານ​ທ່ານ.

ປະ​ທາ​ນາ​ທິ​ບໍ​ດີໄດ້ກ່າວ ​ຕໍ່​ປວງ​ຊົນ​ໃນ​ຊາດ​ໃນ​ແລງວັນ​ອາ​ທິດ​ວານນີ້ ໂດຍ​ອະ​ທິ​ບາຍວ່າ
​ເພື່ອປ້ອງ​ກັນ​ການ​ຕັດ​ສິນ​ໃຈ​ຂອງ​ທ່ານ ​ໃນ​ການປົດນາ​ຍົກ​ລັດ​ຖະ​ມົນ​ຕີ ຣາ​ນີ​ລ ວິກ​ເຄ​ຣ​
ເມ​ຊິງ​ແງ (Ranil Wickremesinghe) ອອກ, ຍຸບ​ລັດ​ຖະ​ບານ ແລະ​ຍຸບ​ສະ​ພາ.

ທ່ານ​ກ່າວ​ວ່າ ນັກ​ສືບ​ຜູ້​ນຶ່ງໄດ້ບອກ​ຕຳ​ຫລວດ​ວ່າ ລັດ​ຖະ​ມົນ​ຕີ​ປະ​ຈຳ​ລັດ​ຖະ​ບານ ມີ​
ສ່ວນ​ຮ່ວມ​ໃນ​ການ​ວາງ​ແຜນ​ລອບ​ສັງ​ຫານ​ທ່ານ. ທ່ານ ສີ​ຣິ​ເສ​ນາບໍ່​ໄດ້​ເປີດ​ເຜີຍ​ຊື່​ຂອງ​
ລັດ​ຖະ​ມົນ​ຕີ​ຄົນ​ນັ້ນ ແຕ່​ກໍ​ໄດ້​ເວົ້າ​ວ່າ ທ່ານບໍ່​ມີ​ທາງ​ເລືອກ ຈຶ່ງ​ຈຳ​ເປັນ​ຕ້ອງ​ໄດ້​ປົດ​ຕຳ​
ແໜ່ງ​ທ່ານວິກ​ເຄ​ຣ​ເມ​ຊິງ​ແງ (Wickremesinghe)ອອກ.

ທ່ານ ສີ​ຣິ​ເສ​ນາໄດ້ ແຕ່ງ​ຕັ້ງ ທ່ານມາ​ຫິນ​ດາ ຣາ​ຊາ​ປາກ​ເຊ (Mahinda Rajapakse)
ອະ​ດີດ​ປະ​ທາ​ນາ​ທິ​ບໍ​ດີ ແລະ​ເປັນ​ຊາຍ​ທີ່​ເຂັ້ມ​ແຂງ ເປັນ​ນາ​ຍົກ​ລັດ​ຖະ​ມົນ​ຕີ ​ຄົນ​ໃໝ່ ແລະ
​ມອບໝາຍ​ໃຫ້​ທ່ານ​ຕັ້ງ​ລັດ​ຖະ​ບານ​ໃໝ່​ຂຶ້ນມາ.

ທ່ານ ຣາ​ຊາ​ປາກ​ເຊ ໄດ້​ທັບ​ມ້າງ ການ​ລຸກ​ຮື​ຂຶ້ນ​ ຂອງ​ກຸ່ມ​ເສືອ​ທະ​ມິນ ​ທີ່​ດຳ​ເນີນ​ມາ ເປັນ​
ເວ​ລາ​ຫລາຍ​ທົດ​ສະ​ວັດ​ໃນ​ສ​ຣີ​ລັງ​ກາ ຕອນ​ທີ່​ທ່ານ ກຳ​ຕຳ​ແໜ່ງ​ຢູ່ນັ້ນ ແຕ່​ວ່າ​ທ່ານ ໄດ້​ປະ​
ຕິ​ເສດ​ວ່າ ທ່ານບໍ່​ຮັບ​ຮູ້​ວ່າ​ທ່ານ​ໃຊ້​ອຳ​ນາດ​ແບບ​ຜິດພາດ ໃນ​ປາງ​ສົງ​ຄາມ​ກາງ​ເມືອງ ​ທີ່​ມີ
ການນອງ​ເລືອດນັ້ນ.

ໂຄ​ສົກ​ປະ​ຈຳ​ລັດ​ຖະ​ສະ​ພາ ທ່ານ ຄາ​ຣູ ຈາ​ຢາ​ສູ​ຣິ​ຢາ (Karu Jayasuriya) ໄດ້ເວົ້າ ​ຢູ່​ໃນ
​ຈົດ​ໝາຍ​ທີ່​ຂ​ຽນ​ຫາ​ທ່ານ​ປະ​ທາ​ນາ​ທິ​ບໍ​ດີ​ ໃນ​ວັນ​ອາ​ທິດ​ວານນີ້ວ່າ ທ່ານ ສືບ​ຕໍ່​ຮັບ​ຮູ້ທ່ານ
ວິກ​ເຄ​ຣ​ເມ​ຊິງ​ແງ (Wickremesinghe) ທີ່​ຖືກ​ປົດ​ຕຳ​ແໜ່ງນັ້ນ ແລະ​ເວົ້າ​ວ່າ ທ່ານ “ຍັງມີ
​ຄວາມ​ໝັ້ນ​ໃຈ​ຕໍ່​ສຽງ​ສ່ວນ​ຫລາຍ​ຂອງ​ລັດ​ຖະ​ສະ​ພາຢູ່.”

ສະ​ມາ​ຊິກ​ຂອງ​ລັດ​ຖະ​ບານ​ທ່ານວິກ​ເຄ​ຣ​ເມ​ຊິງ​ແງ ໄດ້ກ່າວ​ໃນ​ວັນ​ສຸກ​ຜ່ານ​ມາ​ວ່າ ການ​
ເຄື່ອນ​ໄຫວ​ດັ່ງ​ກ່າວ ແມ່ນ​ມີ​ຈຸດ​ປະ​ສົງ​ແນ​ໃສ່​ ກໍ່​ລັດ​ຖະ​ປະ​ຫານ.

ຂະ​ນະ​ດຽວ​ກັນ ມີ​ຄົນ​ນຶ່ງ​ຖືກ​ສັງ​ຫານ ແລະ 2 ຄົນ​ໄດ້​ຮັບ​ບາດ​ເຈັບ ຕອ​ນ​ທີ່ຄົນ​ຍາມ ໄດ້​ຍິງ
​ປືນ​ໃສ່​ພວກ​ສະ​ໜັບ​ສະ​ໜູນ​ທ່ານ ຣາ​ຈາ​ປາກ​ເຊ ທີ່​ພະ​ຍາ​ຍາມ​ພາ​ກັນ​ກັ້ນ​ກາງ ບໍ່​ໃຫ້​ລັດ​
ຖະ​ມົນ​ຕີ​ກະ​ຊວງນ້ຳ​ມັນ​ທີ່​ຖືກ​ປົດ​ຕຳ​ແໜ່ງນັ້ນ ເຂົ້າ​ໄປ​ໃນ​ຫ້ອງ​ການ​ຂອງ​ທ່ານ.

ທ່ານ​ນາງ ເຮ​ເທີ ນາວ​ເອີດ, ໂຄ​ສົກກະ​ຊວງ​ການ​ຕ່າງ​ປະ​ເທດ​ສະ​ຫະ​ລັດສົ່ງ​ຄຳ​ຖະ​ແຫລງ
​ການ​ອອກ ​ໃນ​ວັນ​ອາ​ທິດ​ວານນີ້ ໂດຍ​ຮຽກ​ຮ້ອງ​ໃຫ້​ທຸກ​ຝ່າຍ ຢຸດ​ການກໍ່​ຄວາມ​ຮຸນ​ແຮງ
ແລະ​ຮຽກ​ຮ້ອງ​ໃຫ້​ທ່ານ​ສີ​ຣິ​ເສ​ນາ ຮຽກ​ປະ​ຊຸມ​ລັດ​ຖະ​ສະ​ພາ​ຄືນ​ອີກ ຢ່າງ​ຮີບດ່ວນ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG