ອະດີດ ຜູ້ບັນຊາການ ທະຫານສູງສຸດ ຂອງສຣີລັງກາ ທີ່ຖືກຂັງຄຸກ ຢູ່ໃນເວລານີ້ ໄດ້ທວງເອົາ ອິສະລະພາບ ຂອງທ່ານ ໃນການຖະແຫລງ ຕໍ່ສາທາລະນະ ເທື່ອທຳອິດ ນັບແຕ່ທ່ານ ໄດ້ຖືກຈັບ ໃນເດືອນກຸມພາ ຜ່ານມາ. ອະດີດນາຍພົນ SERATH FONSEKA ໄດ້ຖືກຍາມ ຄຸມໂຕໄປ ຂະນະທີ່ທ່ານ ເຂົ້າໄປນັ່ງ ຢູ່ບ່ອນນັ່ງຂອງທ່ານ ໃນລະຫວ່າງ ພິທີເປີດ ກອງປະຊຸມ ສະພາແຫ່ງຊາດ ໃນວັນພະຫັດມື້ນີ້. ທ່ານໄດ້ຮຽກຮ້ອງ ໃຫ້ປະຊາຊົນ ສຣີລັງກາ ມີອິສະລະພາບ ແລະເວົ້າວ່າ ທ່ານເປັນຜູ້ເຄາະຮ້າຍ ຈາກການກະທຳ ທີ່ບໍ່ເປັນທຳ ຂອງລັດຖະບານ ອະດີດ ຜູ້ບັນຊາການ ທະຫານສູງສຸດ ຂອງສຣີລັງກາ ໄດ້ລົງສະມັກ ແຂ່ງກັບ ປະທາທິບໍດີ ສຣີລັງກາ ທ່ານມະຮິນດາ ຣາຊະພັກ ແຕ່ບໍ່ປະສົບ ຄວາມສຳເລັດ ໃນການເລືອກຕັ້ງ ປະທານາທິບໍດີ ເມື່ອເດືອນມັງກອນ ຕົ້ນປີນີ້. ທ່ານ FONSEKA ຖືກກ່າວຫາວ່າ ວາງແຜນ ທີ່ຈະຫລິ້ນການເມືອງ ໃນຂະນະທີ່ ຍັງຮັບໃຊ້ ຢູ່ໃນກອງທັບ ແລະລະເມີດ ກົດລະບຽບ ໃນການຊື້ອຸບປະກອນ ທາງທະຫານ ແຕ່ທ່ານໄດ້ປະຕິເສດ ຕໍ່ທັງສອງຂໍ້ຫານີ້.
ວັນສຸກ, ໐໔ ຕຸລາ ໒໐໒໔
