ໃນວັນພຸດມື້ນີ້ ສຣີລັງກາເວົ້າວ່າ ໄພນໍ້າຖ້ວມ ແລະດິນເຈື່ອນທີ່ເກີດມາຈາກຝົນຕົກໃນ
ລະດູລົມມໍລະສຸມ ເຮັດໃຫ້ຢ່າງໜ້ອຍ 202 ຄົນເສຍຊີວິດແລ້ວ.
ຂ່າວຫລ້າສຸດຈາກສູນຄວບຄຸມໄພພິບັດເວົ້າວ່າ ຍັງມີ 96 ຄົນທີ່ລາຍງານເວົ້າວ່າຍັງ
ຫາຍສາບສູນຢູ່ ໃນຂະນະທີ່ 80,000 ຄົນໄດ້ຍ້າຍໄປຢູ່ໃນບ່ອນພັກຊົ່ວຄາວ.
ຝົນໄດ້ເລີ້ມຕົກຢູ່ໃນປະເທດດັ່ງກ່າວ ໃນໄລຍະທ້າຍໆອາທິດແລ້ວນີ້ ໂດຍໄດ້ພາໃຫ້ເກີດ
ນໍ້າຖ້ວມ ແລະດິນເຈື່ອນໄດ້ທໍາລາຍອາຄານ ແລະບ້ານເຮືອນຫລາຍຮ້ອຍຫລັງ ແລະກໍ
ໄດ້ທັບຖົມຖະໜົນ ແລະດິນນາ ດິນສວນຕ່າງໆໄປໝົດ. ສະພາບດັ່ງກ່າວໄດ້ສົ່ງຜົນກະ
ທົບໃຫ້ແກ່ຜູ້ຄົນລວມທັງໝົດປະມານ 630,000 ຄົນ.
ກອງທັບບົກ, ກອງທັບເຮືອ ແລະກອງທັບອາກາດຂອງສຣີລັງກາ ໄດ້ເຮັດວຽກໜັກເພື່ອ
ຈັດສົ່ງເຄື່ອງຊ່ວຍເຫລືອໄປໃຫ້ ແລະຊ່ວຍກູ້ເອົາພວກທີ່ຕົກຢູ່ໃນໄພອັນຕະລາຍເຫລົ່ານັ້ນ.
ສະຫະປະຊາຊາດ, ສະຫະລັດ, ຈີນ, ຍີ່ປຸ່ນ, ປາກິສຖານ, ອອສເຕຣເລຍ ແລະອິນເດຍ
ແມ່ນອົງການແລະປະເທດຈໍານວນນຶ່ງ ທີ່ໄດ້ໃຫ້ຄໍາໝັ້ນສັນຍາວ່າຈະໃຫ້ການຊ່ວຍ
ເຫລືອໃນດ້ານ ການບັນເທົາທຸກແກ່ປະເທດດັ່ງກ່າວ.
