ບັນດາເຈົ້າໜ້າທີ່ໃນ ສະເປນ ແລະ ໂມຣົກໂກ ໄດ້ຈັບ 14 ຄົນ
ໃນວັນອັງຄານມື້ນີ້ ທີ່ເຂົາເຈົ້າກ່າວວ່າ ເປັນພາກສ່ວນນຶ່ງ ຂອງ
ຕາໜ່າງເກັບເກນເອົາພວກນັກລົບ ເພື່ອເຂົ້າຮ່ວມກຸ່ມລັດອິສ
ລາມໃນ ອີຣັກ ແລະ ຊີເຣຍ.
ກະຊວງພາຍໃນສະເປັນ ກ່າວວ່າ ການຈັບກຸມໄດ້ມີຂື້ນໃນ
ເມືອງ San Martin de la Vega ທາງພາກໃຕ້ຂອງນະຄອນ
ຫລວງ Madrid ແລະອີກຫ້າແຫ່ງຢູ່ທາງພາກເໜືອຂອງໂມຣົກ
ໂກ ທີ່ເມືອງ Casablanca, Fez, Nador, Al Hoceima
ແລະ Driouech.
ກະຊວງພາຍໃນບໍ່ໄດ້ໃຫ້ລາຍລະອຽດຫຍັງເພີ້ມເຕີມ ກ່ຽວກັບບັນດາຜູ້ທີ່ຖືກຈັບ ແລະການ
ກ່າວຫາໃນກິດຈະການຂອງເຂົາເຈົ້າ.
ສະເປນ ໄດ້ຈັບຜູ້ຕ້ອງສົງໄສວ່າ ເປັນພວກຫົວຮຸນແຮງຫລາຍສິບຄົນ ໃນໄລຍະ ສອງສາມ
ປີທີ່ຜ່ານມານີ້ ຮວມທັງໃນເດືອນມີນາ ເວລາເຈົ້າໜ້າທີ່ແປດຄົນທີ່ເຂົາ ເຈົ້າກ່າວວ່າ ໄດ້
ປະຕິບັດງານໂຄສະນາຊວນເຊື່ອ ໃຫ້ແກ່ກຸ່ມລັດອິສລາມຢູ່ໃນ ສະເປນ.
ທະຫານຂອງປະເທດດັ່ງກ່າວ ຍັງໄດ້ເຂົ້າຮ່ວມໃນການປະຕິບັດງານໂຈມຕີທາງອາກາດ
ຂອງແນວໂຮມ ພາຍໃຕ້ການນຳພາຂອງສະຫະລັດ ຕໍ່ພວກຫົວຮຸນແຮງ ລັດອິສລາມ ໃນ
ລະຍະໜຶ່ງປີທີ່ຜ່ານມານີ້.
