ລິ້ງ ສຳຫລັບເຂົ້າຫາ

ນາຍົກລັດຖະມົນຕີ ທີ່ໄດ້ຮັບເລືອກຕັ້ງໃໝ່ ຂອງສະເປນ ກ່າວວ່າ ບັນຫາເສດຖະກິດ ຄືສັດຕູຂອງທ່ານ

  • ສິງ ບູຣົມມະວົງ

ນາຍົກລັດຖະມົນຕີທີ່ຖືກເລືອກຕັ້ງໃໝ່ຂອງສະເປນ ທ່ານ ມາເຣຍໂນ ຣາຈອຍ (Mariano Rajoy)

ນາຍົກລັດຖະມົນຕີທີ່ຖືກ​ເລືອກ​ຕັ້ງໃໝ່​ຂອງ​ສະ​ເປ​ນ ທ່ານ ມາ​ເຣຍ​ໂນ ຣາຈອຍ (Mariano
Rajoy) ກ່າວວ່າ ສັດ​ຕູພວກ​ດຽວຂອງ​ທ່ານ ຈະ​ແມ່ນໄພ​ຫວ່າງ​ງານ, ໜີ້ສິນ​ທີ່​ມີຢ່າງເຫລື​ອ
ຫລາຍ, ​ສະພາບເສດຖະກິດ​ທີ່​ບໍ່​ໄປ​ບໍ່ມາ ຫລືບໍ່ກ້າວໜ້າ​ນັ້ນ.

ພ້ອມກັບ​ບັດຄະ​ແນນ​ສຽງທີ່​ນັບ​ໝົດ​ເກືອບແລ້ວນັ້ນ ປາກົດ​ວ່າ ທ່ານ ຣາຈອຍ ກັບ​ພັກມະ
ຫາຊົນ ຫລື Popular Party ທີ່ນິຍົມ​ແນວທາງ​ເດີ​ມຂອງ​ທ່ານ ​ໄດ້ຊະນະ​ພັກ​ສັງຄົມ​ນິຍົມ
ທີ່ກໍາອໍານາດຢູ່​ເວລາ​ນີ້ ໃນ​ການ​ເລືອກ​ຕັ້ງ​ລັດຖະສະພາ ​ທີ່​ມີຂຶ້ນ​ໃນ​ວັນ​ອາທິດ​ວານ​ນີ້ ດ້ວຍ
ຄະ​ແນນສຽງ​ຖວ້ມລົ້ນ.

ພັກ Popular Party ຈະ​ຄອງ 187 ບ່ອນ​ນັ່ງ ຊຶ່ງເພີ້ມຂຶ້ນ 33 ບ່ອນ​ນັ່ງ. ສ່ວນ​ພັກ​ສັງ
ຄົມນິຍົມ​ແມ່ນ​ໄດ້ຮັບ 110 ບ່ອນ​ນັ່ງ ​ໂດຍ​ເສຍ​ບ່ອນ​ນັ່ງ​ໃນ​ສະພາ​ໄປ 59 ບ່ອນ.

ແຕ່​ຢ່າງ​ໃດ​ກໍ​ຕາມ ທ່ານ ຣາຈອຍ ​ໄດ້​ເຕືອນ​ປະຊາຊົນ​ສະ​ເປ​ນວ່າ ຢ່າ​ໄດ້​ຄາດ​ຫວັງວ່າ ​
ຈະ​ມີຄວາມ​ມະຫັດສະຈັນ​ເກີດ​ຂຶ້ນ ​ເວລາພັກ​ຂອງ​ທ່ານເຂົ້າບໍລິຫານເສດຖະກິດທີ່ ​ຢູ່​ໃນ​ສະ
ພາບ​ຫາຍະ​ນະ​ຂອງ​ປະ​ເທດ ​ໂດຍມີອັດຕາຫວ່າງ​ງານ 22% ​ແລະໄພ​ຄຸກ​ຄາມ​ຂອງສະພາບ​
ເສດຖະກິດຖົດ​ຖອຍ. ທ່ານບໍ່​ໄດ້​ໃຫ້​ລາຍ​ລະອຽດ ​ຫຍັງ​ຫລາຍ ​ກ່ຽວກັບ​ແຜນ​ເສດຖະກິດ​
ຂອງ​ທ່ານ ອາດຈະ​ມີ​ຄື​ແນວ​ໃດ​ນັ້ນ.

ທ່ານ ຣາຈອຍ ​ລົງ​ສະໝັກ​ເລືອກ​ຕັ້ງ​ ​ແຂ່ງ​ກັບຜູ້​ສະໝັກຈາກ​ພັກ​ສັງຄົມ​ນິຍົມ ທ່ານ ອາລ​
ເຟຣດ​ໂດ​ເພີ​ເຣ ຣັບບໍ​ຄາ​ບາ (Alfredo Perez Rubalcaba). ນາຍົກລັດຖະມົນຕີ
ທ່ານ ໂຮ​ເຊ ລູຍອີສ ໂຣດຣິກ​ເກ ຊາ​ປາ​ເທ​ໂຣ (Jose Luis Rodriguez Zapatero)
ໄດ້ຕັດສິນ​ໃຈບໍ່ລົງສະໝັກແຂ່ງຂັນ ​ຍາດເອົາ​ຕໍາ​ແໜ່ງ​ເປັນສະ​ໄໝທີ​ສາມອີກ ຍ້ອນ​ວ່າ
ຄະ​ແນນນິຍົມ​ຂອງ​ທ່ານ​ຕໍ່າຫລາຍ.

XS
SM
MD
LG