ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ປະທານແຄວ້ນ Catalonia ເວົ້າວ່າ ທ່ານ ຢາກເຈລະຈາກັບ ລັດຖະບານ ​ສະ​ເປ​ນ


ທ່ານນາງ Soraya Saenz de Santamaria ຮອງນາຍົກ
ລັດຖະມົນຕີສະເປນກ່າວໃນກອງປະຊຸມຖະແຫລງຂ່າວ ທີ່ພະລາດຊະວັງ Moncloa ໃນນະຄອນ Madrid ຂອງ ສະເປນໃນວັນທີ 16 ຕະລາ, 2017.
ທ່ານນາງ Soraya Saenz de Santamaria ຮອງນາຍົກ ລັດຖະມົນຕີສະເປນກ່າວໃນກອງປະຊຸມຖະແຫລງຂ່າວ ທີ່ພະລາດຊະວັງ Moncloa ໃນນະຄອນ Madrid ຂອງ ສະເປນໃນວັນທີ 16 ຕະລາ, 2017.

ປະທານແຄວ້ນ Catalonia ຂອງ​ສະ​ເປ​ນ​ໄດ້​ຕອບໄປ ຕໍ່​ເສັ້ນຕາຍໃນ​ວັນ​ຈັນ​ມື້ນີ້ ທີ່
​ກໍານົດ​ໃຫ້ໂດຍລັດຖະບານ​ຂອງ​ສະ​ເປ​ນ ວ່າທ່ານ​ຍັງ​ຈະ​ສືບຕໍ່ຢາກ​ແບ່ງ​ແຍກ​ດິນ​ແດນ​
ຫລືບໍ່ນັ້ນ ​ໄດ້​ເວົ້າວ່າ ​ທ່ານ​ຢາກ​ມີ​ການ​ໂອ້​ລົມ​ກັບລັດ​ຖະບານ Madrid.

ຢູ່​ໃນ​ຈົດໝາຍທີຂຽນ​ໃນ​ວັນ​ຈັນ​ມື້ນີ້ ທ່ານ Carles Puigdemont ​ໄດ້​ບອກ​ປະທານາ
ທິບໍດີ​ຂອງ​ສະ​ເປ​ນ ທ່ານ Mariano Rajoy ວ່າ​ ພວກ​ສະໜັບສະໜູນ ການ​ແບ່ງ​ແຍກ
​ດິນ​ແດນ​ຢາກ​ຢຸດ​ຂັ້ນຕອນ ​ເລີ້ມກ້າວ​ໄປ​ຫາ​ການ​ປະກາດ​ເອກະລາດ​ໄວ້​ ເປັນເວ​ລາ
​ສອງ​ເດືອນ. ທ່ານ Puigdemont ຂຽນວ່າ ສໍາລັບ​ສອງ​ເດືອນ​ຂ້າງໜ້າ ຈຸດປະສົງ​ຫລັກ​
ຂອງ​ພວກ​ເຮົາ​ ແມ່ນ​ຢາກ​ມີ​ການ​ພົບ​ປະ​ກັບ​ທ່ານ.”

ພາຍຫລັງ​ທີ່​ມີ​ການ​ລົງ​ປະຊາ​ມະຕິ ​ໃຫ້​ມີ​ຄວາມເປັນ​ເອກະລາດ​ໃນ​ວັນ​ທີ 1 ຕຸລາ​ຜ່ານ
​ມານັ້ນ ທ່ານ Puigdemont ​ເວົ້າ​ໃນ​ອາທິດ​ແລ້ວນີ້ວ່າ ທ່ານ​ໄດ້​ກະກຽມ Catalonia
​ໃຫ້ເປັນ "ປະ​ເທດ​ທີ່​ມີ​ເອກະລາດ," ​ເຖິງ​ແມ່ນ​ວ່າ​ສານ ​ຈະ​ໄດ້​ກໍານົດ​ໄວ້​ວ່າ ການເຮັດ​
ແບບ​ນີ້ ​ແມ່ນ​ບໍ່ຖືກຕ້ອງ​ຕາມ​ລັດຖະທໍາ​ມະນູນ ກໍຕາມ.

ທ່ານ Carles Puigdemont ປະທານຂອງແຄວ້ນ Catalonia ເຊັນເອກະສານປະກາດເປັນເອກະລາດ ທີ່ສະພາຂອງແຄວ້ນດັ່ງກ່າວຢູ່ນະຄອນ Barcelona ຂອງສະເປນໃນວັນທີ 10 ຕຸລາ, 2017.
ທ່ານ Carles Puigdemont ປະທານຂອງແຄວ້ນ Catalonia ເຊັນເອກະສານປະກາດເປັນເອກະລາດ ທີ່ສະພາຂອງແຄວ້ນດັ່ງກ່າວຢູ່ນະຄອນ Barcelona ຂອງສະເປນໃນວັນທີ 10 ຕຸລາ, 2017.

​ແຕ່​ທ່າ​ນ Puigdemont ​ເວົ້າ​ໃນ​ທັນທີ​ທັນ​ໃດ​ວ່າ ທ່າ​ນ​ໄດ້ຢຸດ​ແຮງ​ພັກ​ດັນ​ໃນ​ການ​ແບ່ງ​
ແຍກ​ດິນ​ແດນ​ໄວ້ ​ເພື່ອ​ໃຫ້​ມີ​ການ​ເຈລະ​ຈາ ​ກັບ​ລັດຖະບານ Madrid.

ການ​ໃຊ້​ຖ້ອຍ​ຄໍາ​ທີ່​ບໍ່ກົງກັນ​ເຮັດ​ໃຫ້​ທ່ານ Rajoy ​ໃຫ້ເວລາ​ແກ່​ທ່ານ Puigdemont
ຈົນ​ຮອດ 10 ໂມງ ​ເຊົ້າຕາມ​ເວລາ​ທ້ອງ​ຖິ່ນ ຫຼື 8 ໂມງ ຕາມເວລາມາດຕະຖານສາກົນ
ຂອງ​ວັນ​ຈັນ​ມື້ນີ້ ​ເພື່ອ​ໃຫ້​ຄວາມ​ກະຈ່າງ​ແຈ່ງ ​ກ່ຽວກັບ​ຈຸດ​ຢືນ​ຂອງ​ທ່ານ ​ໂດຍ​ການ​ໃຫ້​
ຄໍາ​ຕອບບອກ​ຢ່າງ​ງ່າຍໆວ່າ "ແມ່ນ" ຫລື "ບໍ່​ແມ່ນ" ​ເທົ່າ​ນັ້ນ. ທ່ານ Rajoy ​ເວົ້າວ່າ
Madrid ພ້ອມ​ແລ້ວ​ທີ່​ຈະ​ຢຸດ​ການ​ໃຫ້​ເຂດ​ດັ່ງກ່າວ​ປົກຄອງ​ຕົນ​ເອງ​ໄວ້ ​ແລະ​ເລີ້ມການ​
ຄວບ​ຄຸມ​ໂດຍ​ກົງ ຖ້າ​ຫາກທ່ານ Puigdemont ຕັດສິນ​ໃຈ​ ທີ່​ຈະ​ສືບຕໍ່ກົດ​ດັນ​ ໃຫ້​ມີ​
ການ​ແບ່ງ​ແຍກ​ດິນ​ແດນ​ຢູ່.

​ເຈົ້າໜ້າທີ່​ສະ​ເປ​ນ ກ່າວ​ວ່າ ພວກ​ເຂົາ​ເຈົ້າ ຈະ​ບໍ່ພິຈາລະນາ​ຫຍັງໝົດ ນອກເໜືອ​ໄປ​
ຈາກ​ຄໍາ​ຕອບ​ທີ່ງ່າຍໆ ວ່າ "ບໍ່" ​ເທົ່າ​ນັ້ນ ຊຶ່ງ​ເປັນ​ການສະ​ແດງໃຫ້​ເຫັນ​ວ່າ ການ​ພັກ​ດັນ
​ໃຫ້ເປັນ​ເອກະ​ລາດ​ຍັງ​ຈະ​ສືບຕໍ່ມີ​ຂຶ້ນ ​ແລ້ວ ​ພວກເຂົາ​ເຈົ້າກໍຈະ​ໄດ້​ເລີ້ມ​ເອົາ​ບາດກ້າວ
ທໍາລາຍ​ສິດ​ໃນ​ການ​ປົກຄອງ​ຕົນ​ເອງ​ຂອງ​ເຂດ Catalonia. ຍັງ​ບໍ່​ເປັນ​ທີ່​ຈະ​ແຈ້ງຂາວ
​ເທື່ອ​ວ່າ Madrid ຈະຕອບ​ໂຕ້​ຕໍ່​ຄໍາ​ຕອບ​ຂອງ​ຜູ້​ນໍາ​ເຂດທີ່​ສົ່ງ​ໃຫ້ໃນ​ວັນຈັນ​ມື້ນີ້ວ່າ​ແນວ​ໃດ.

​ເຂດ Catalonia ຊຶ່ງ​ເປັນ​ເຂດ​ທີ່​ອຸດົມ​ຮັ່ງມີ​ທີ່​ສຸດ​ຂອງ​ສະ​ເປ​ນ ​ທີ່​ມີ​ປະຊາຊົນ​ຫລາຍ​ເຖິງ
7.5 ລ້ານ​ຄົນ​ອາ​ໄສ​ຢູ່ນັ້ນ ມີ​ພາສາ​ຂອງ​ຕົນ​ເອງ ​ແລະ​ມີ​ວັດທະນະ​ທໍາ ທີ່​ແຕກ​ຕ່າງ ​ແລະ
​ມີ​ຄວາມ​ແຕກ​ແຍກ​ ທີ່​ພາໃຫ້ຢາກ​ເປັນເອກະລາດ​ຢ່າງ​ເລິກເຊິ່ງ.

ລັດຖະບານຂອງ Catalonia ​ເວົ້າວ່າ 90 ​ເປີ​ເຊັນ​ຂອງ​ຊາວ Catalonia ​ແມ່ນ​ລົງ​ຄະ​ແນນ
​ສຽງ​ເຫັນ​ດີ​ ໃຫ້​ແຍກອອກ​ເປັນ​ເອກະລາດ ​ບໍ່ຂຶ້ນກັບ​ສະ​ເປ​ນ​ໃນການ​ລົງ​ປະຊາ​ມັດຕິ​ດ​ໃນ
​ວັນ​ທີ 1 ຕຸລາ​ຜ່ານ​ມານັ້ນ. ພວກ​ທີ່​ຕ້ານ​ການ​ແຍກ​ເປັນ​ເອກະລາດ​ພາກັນຂວ້າມບາດ​ການ
​ລົງ​ຄະ​ແນນ​ສຽງດັ່ງກ່າວ ຊຶ່ງ​ໄດ້​ຮັດ​ໃຫ້​ຜົນ​ການ​ລົງ​ຄະ​ແນນ​ຍັງ​ເຫລື​ອ​ແຕ່ປະມານ 43 ​ເປີ​ເຊັນ​ເທົ່ານັ້ນ.

XS
SM
MD
LG