ຍານອະວະກາດສຳລັບບັນຈຸນັກບິນ ແມ່ນກຳລັງເດີນທາງໄປຍັງສະຖານີອະວະກາດ
ສາກົນ ແຕ່ຍານອະວະກາດນີ້ ບໍ່ມີນັກບິນໄປນຳ.
ຫາກແຕ່ວ່າ ມັນໄດ້ບັນຈຸ ຫຸ່ນອັນນຶ່ງແທນ ທີ່ມີຊື່ວ່າ ຣິບປລີ ທີ່ໝາຍເຖິງ ຜູ້ທີ່ສະແດງນຳ
ໃນຮູບເງົາເລື້ອງ ແອລ້ຽນ (Alien).
ທ້າວ ຣິບປລີ ແມ່ນໄດ້ຖືກຕິດຕັ້ງ ອຸປະກອນເຊັນເຊີ ໃສ່ເຕັມໂຕ ເພື່ອຕິດຕາມກວດກາ
ເບິ່ງວ່າ ພວກມະນຸດ ຈະຮູ້ສຶກແນວໃດ ໃນການບິນຂຶ້ນສູ່ອະວະກາດ ຢູ່ໃນຍານອະວະ
ກາດນັ້ນ.
ຍານອະວະກາດ Space X Crew Dragon ດັ່ງກ່າວ ທີ່ບັນຈຸຢູ່ເທິງຫົວຈະຫຼວດ
Falcon 9 ໄດ້ຖະຍານຂຶ້ນຈາກຖານສົ່ງຢ່າງສຳເລັດຜົນ ທີ່ສູນກາງອະວະກາດ
ເຄນເນດີ ຂອງລັດຟລໍຣີດາ ເມື່ອຕອນເຊົ້າໆວັນເສົາມື້ນີ້.
ຍານອະວະກາດ Dragon ຫຼື ມັງກອນ ໄດ້ບັນຈຸເຄື່ອງຂອງສຳພາລະ ແລະອຸປະກອນ
ກວດສອບ ແມ່ນມຸ້ງໜ້າໄປສູ່ ສະຖານີອະວະກາດສາກົນ ແລະຄາດວ່າຈະໄປຮອດ
ໃນຕອນເຊົ້າວັນອາທິດມື້ອື່ນນີ້.
ມັນຈະໃຊ້ເວລາ 5 ວັນ ຢູ່ສະຖານີດັ່ງກ່າວ ບ່ອນທີ່ພວກນັກບິນອະວະກາດ ຈະທຳ
ການທົດສອບຕ່າງໆ ແລະກວດກາເບິ່ງໂຕຖັງຂອງຍານອະວະກາດ ມັງກອນ.
ອົງການການບິນ ແລະອະວະກາດແຫ່ງຊາດ ຫຼື NASA ຂອງສະຫະລັດ ໄດ້ມອບເງິນ
ຫຼາຍລ້ານໂດລາ ໃຫ້ແກ່ ບໍລິສັດ Space X ແລະ ບໍລິສັດ ໂບອິງ ເພື່ອອອກແບບ ແລະ
ດຳເນີນການຍານອະວະກາດ ເພື່ອສົ່ງນັກບິນອະວະກາດທັງຫຼາຍ ຂຶ້ນສູ່ວົງໂຄຈອນ
ຈາກດິນແດນຂອງອາເມຣິກາ ໃນໄລຍະເວລາພາຍໃນປີນີ້.
ມັນຍັງບໍ່ທັນເປັນທີ່ຈະແຈ້ງໃນທັນທີເທື່ອວ່າ ເປົ້າໝາຍດັ່ງກ່າວນັ້ນ ຈະໄດ້ຮັບການ
ບັນລຸຜົນໄດ້ ຫຼືບໍ່.
