ຍານອະວະກາດ Dragon ຫຼືມັງກອນ ທີ່ສ້າງໂດຍເອກກະຊົນ ແລະເປັນຂອງບໍລິສັດເອກ
ກະຊົນ Space X ພວມມຸ່ງໜ້າໄປສູ່ສະຖານີອະວະກາດນາໆຊາດໃນວັນສຸກມື້ນີ້ ເພື່ອທຳ
ການເຊື່ອມຕໍ່ຄັ້ງປະຫວັດສາດ.
ເຈົ້າໜ້າທີ່ຄວບຄຸມພາກພື້ນດິນໄດ້ຕິດຈັກຂອງຍານອະວະກາດບັນທຸກສຳພາລະທີ່ບໍ່ມີຄົນ
ຂັບດັ່ງກ່າວ ໃນຕອນເຊົ້າຂອງວັນສຸກມື້ນີ້ ເພື່ອໃຫ້ຍານເຂົ້າສູ່ທິດທາງມຸ່ງໜ້າໄປຍັງສະຖາ
ນີອະວະກາດນາໆຊາດ. ເມື່ອໃດຍານລຳນີ້ ຫາກໄປຮອດແລ້ວ ນັກບິນອະວະກາດສອງ
ຄົນ ຂອງສະຖານີອະວະກາດນາໆຊາດກໍຈະໃຊ້ແຂນທີ່ເປັນຫຸ່ນຍົນຂອງສະຖານີໄປເກາະ
ເອົາຍານອະວະກາດ Dragon ແລະເຊື່ອມຕໍ່ເຂົ້າໃສ່ບ່ອນຈອດ.
ຍານ Dragon ຈະຈອດຢູ່ທີ່ສະຖານີອະວະກາດນາໆຊາດເປັນເວລານຶ່ງອາທິດ ເພື່ອໃຫ້
ເຈົ້າໜ້າທີ່ໆຢູ່ເທິງສະຖານີອະວະກາດນາໆຊາດ ສາມາດຂົນເອົາສຳພາລະ ທີ່ໜັກກວ່າ
500 ກິໂລອອກໄປແລະຂົນເອົາອຸບປະກອນທີ່ໃຊ້ແລ້ວເຂົ້າໄປໃສ່ຍານເພື່ອສົ່ງກັບຄືນມາ
ຍັງໂລກ.
ເຈົ້າໜ້າທີ່ຄວບຄຸມພາກພື້ນດິນ ພ້ອມກັບອົງການອະວະກາດຂອງສະຫະລັດຫຼື NASA
ແລະບໍລິສັດ Space X ໄດ້ປະສົບຄວາມສຳເລັດໃນການທົດສອບເບິ່ງລະບົບຕ່າງໆທີ່ຢູ່
ເທິງຍານ ຂະນະທີ່ຍານລຳນີ້ຢູ່ຫ່າງຈາກສະຖານີອະວະກາດນາໆຊາດ 2 ກິໂລແມັດເຄິ່ງ.
ນີ້ແມ່ນເທື່ອທຳອິດ ທີ່ບໍລິສັດເອກກະຊົນໄດ້ສົ່ງຍານອະວະກາດລຳລຽງສຳພາລະຂຶ້ນໄປ
ຍັງສະຖານີອະວະກາດນາໆຊາດຊຶ່ງເປັນການເລີ່ມຕົ້ນຍຸກໃໝ່ຂອງໂຄງການອະວະກາດ
ສະຫະລັດ. ອົງການ NASA ໄດ້ຫັນໄປໃຊ້ບໍລິສັດ Space X ແລະບໍລິສັດອື່ນໆເພື່ອລຳ
ລຽງສຳພາລະ ແລະໃນທີ່ສຸດນັກບິນອະວະກາດໄປຍັງສະຖານີອະວະກາດນາໆຊາດນັ້ນ
ແມ່ນເພື່ອຮັບໜ້າທີ່ແທນຝູງຍານອະວະກາດໄປກັບທີ່ອອກບຳນານແລ້ວໃນເວລານີ້.
ເບິ່ງວີດີໂອຂອງອົງການ NASA: