ນັກອາວະກາດ 3 ຄົນ ຈາກສະຖານີອາວະກາດສາກົນ ຫລື ISS ໄດ້ກັບມາຄືນມາຍັງ
ໂລກມະນຸດແລ້ວ.
ຍານອາວະກາດ Soyuz ທີ່ຢ່ອນລົງມາສູ່ຜືນໂລກຊ້າໆ ໂດຍໃຊ້ຈ້ອງອັນນຶ່ງນັ້ນ ໄດ້
ລົງສູ່ໜ້າດິນຢູ່ປະເທດ Kazakhstan ໃນຕອນບ່າຍຂອງວັນອາທິດມື້ນີ້ ພ້ອມກັບສະ
ມາຊິກຂອງໜ່ວຍຄົ້ນຄວ້າ Expedition 31 ຈາກສະຖານີອາວະກາດ ISS. ຍານອາ
ວະກາດ Soyuz ໄດ້ຖອນອອກຈາກສະຖານີຍານອາວະກາດ ໃນຕອນເຊົ້າຂອງວັນ
ອາທິດມື້ນີ້.
ພວກນັກອາວະກາດ ຊຶ່ງລວມມີ Don Petit ຄົນອາເມຣິກັນ, Oleg Kononenko,
ຄົນຣັດເຊຍ ແລະທ່ານ Andre Kuipers ຊາວໂຮນລັງ ໄດ້ກັບຄືນສູ່ໂລກມະນຸດ ພາຍຫລັງເສັດສິ້ນການປະຕິບັດງານເປັນເວລາ 6 ເດືອນ ຢູ່ໃນຍານອາວະກາດ ທີ່
ໂຄຈອນອ້ອມໂລກຢູ່ນັ້ນ.
ພວກນັກອາວະກາດດັ່ງກ່າວ ໄດ້ຮັບການດູແລຈາກທິມງານສະໜັບສະໜຸນທັນທີທີ່ ໄດ້ອອກຈາກຍານອາວະກາດທີ່ສ້າງໂດຍຣັດເຊຍນັ້ນແລ້ວ. ຍັງມີນັກອາວະກາດອີກ
3 ຄົນ ປະຈໍາການຢູ່ສະຖານີ ISS ຕໍ່ໄປ.
ໃນປັດຈຸບັນນີ້ ມີແຕ່ຣັດເຊຍປະເທດດຽວເທົ່ານັ້ນ ທີ່ທໍາການຂົນສົ່ງພວກນັກອາວະ
ກາດໄປຫາ ແລະມາຈາກສະຖານີອາວະກາດ ISS ນັບຕັ້ງແຕ່ສະຫະລັດໄດ້ຍຸດຕິ
ໂຄງການຍານອາວະກາດໄປກັບຂອງຕົນ ໃນເດືອນກໍລະກົດຜ່ານມາ.
