ລິ້ງ ສຳຫລັບເຂົ້າຫາ

ເກົາຫລີ​ໃຕ້​ອາດ​ຮັບ​ເອົາ​ອາວຸດ​ນີວ​ເຄລຍ ຈາກ​ສະຫະລັດ

  • ວັນນະສອນ ແກ້ວດາຣາ

ເກົາຫລີ​ໃຕ້​ອາດ​ຮັບ​ເອົາ​ອາວຸດ​ນີວ​ເຄລຍ ຈາກ​ສະຫະລັດ

ລັດຖະມົນຕີ​ປ້ອງ​ກັນ​ປະ​ເທດ​ເກົາຫລີ​ໃຕ້​ກ່າວ​ວ່າ ປະ​ເທດ​
ຂອງ​ທ່ານ​ອາດຈະພິຈາລະນາ​ໃຫ້​ສະຫະລັດ​ມາ​ຕິດ​ຕັ້ງ
ອາວຸດ​ນີວ​ເຄລຍ ຢູ່​ໃນ​ດິນ​ແດນ​ຂອງ​ຕົນ​ເປັນ​ຄັ້ງ​ທໍາ​ອິດ
ໃນ​ຮອບ 19 ປີ ກໍ​ໄດ້.

ທ່ານ Kim Tae-young ລັດຖະມົນຕີ​ປ້ອງ​ກັນ​ປະ​ເທດ
ໄດ້​ຍົກ​ຄວາມ​ອາດ​ສາມາດເປັນ​ໄປ​ໄດ້​ນີ້​ຂຶ້ນ​ມາ​ໃນ​ວັນ​ຈັນ
ມື້​ນີ້ ​ໃນ​ລະຫວ່າງ​ການ​ພົບ​ປະ​ຫາລື​ກັບຄະນະ​ກໍາມາ​ທິການ
ສະພາ​ຈຸ​ນຶ່ງ​ກ່ຽວ​ກັບ​ການ​ເພີ່ມ​ທະວີການ ​ເຄື່ອນ​ໄຫວ​ດ້ານ​
ນີວເຄລຍຄັ້ງ​ຫລ້າ​ສຸດ​ຂອງ​ເກົາຫລີ​ເໜືອ ຊຶ່ງ​ທ່ານ​ກ່າວ​
ຕໍ່​ໄປ​ວ່າ ​ເລື້ອງ​ນີ້ສາມາດ​ຍົກ​ຂຶ້ນ​ມາ​ໂອ້​ລົມກັນ​ໄດ້ ເວລາ
ຄະນະ​ກໍາມາ​ທິການ​ຮ່ວມ​ທະຫານລະຫວ່າງ​ສະຫະລັດ​ແລະ
ເກົາຫລີ​ໃຕ້​ພົບ​ປະກັນ​ໃນ​ເດືອນ​ໜ້າ​ນີ້ ເພື່ອ​ສົນທະນາ​ກັນ ເລື້ອງ​ໂຄງການ​ນີວ​ເຄລຍຂອງ​ເກົາຫລີເໜືອ​ນັ້ນ.

ສະຫະລັດ​ໄດ້​ຍົກຍ້າຍ​ພວກ​ອາວຸດ​ນີວ​ເຄລຍ​ຂອງ​ຕົນ​ ທີ່​ໄດ້​
ເອົາ​ໄປ​ຕິດ​ຕັ້ງ​ໃຫ້ເກົາຫລີ​ໃຕ້ຈຸສຸດທ້າຍ ອອກໄປໃນ​ເດືອນ​
ທັນວາ​ປີ 1991. ​ໂຄ​ສົກ​ປະ​ຈໍາ​ກະຊວງ​ປ້ອງ​ກັນ​ປະ​ເທດເກົາ​ຫລີ​ໃຕ້​ກ່າວ​ຕໍ່​ວີ​ໂອ​ເອວ່າ ກ່ອນ
ໜ້າ​ເວລາ​ນີ້ ​ເກົາຫລີ​ໃຕ້​ບໍ່​ເຄີຍ​ໄດ້​ພິຈາລະນາ​ ທີ່​ຈະນໍາອາວຸດ​ນີວ​ເຄລຍຂອງ​ສະຫະລັດ ກັບ​
ຄືນ​ມາ ​ປະ​ເທດ​ນີ້​ຈັກ​ເທື່ອ.

ຂ່າວສານ AP ອ້າງ​ຄໍາ​ເວົ້າ​ຂອງ​ກະຊວງ​ປ້ອງ​ກັນ​ປະ​ເທດ​ເກົາຫລີ​ໃຕ້ວ່າ ຜົນ​ສະທ້ອນຂອງ
ການ​ຕິດ​ຕັ້ງອາວຸດ​ທີ່​ວ່າ​ນີ້ ສ່ວນ​ໃຫຍ່ຈະ​ເປັນ​ເລື້ອງຈິດຕະວິທະຍາຍ້ອນວ່າ ​ເກົາຫລີ​ໃຕ້ກໍ​ໄດ້​
ຮັບ​ການ​ປົກ​ປ້ອງ​ຄຸ້ມ​ຄອງ​ຈາກ​ຄັນ​ຮົ່ມ​ນີວເຄລຍຂອງ​ສະຫະລັດ​ຢູ່​ແລ້ວ.

XS
SM
MD
LG