ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄຸກໃນພາກໃຕ້ ຂອງ ສະຫະລັດ ຈະເປັນສະຖານທີ່ ສຳລັບ ນັກໂທດ ກວນທານາໂມ


ທາງເຂົ້າຄ້າຍຄຸມຂັງເລກ 5 ແລະ ເລກ 6 ທີ່ສູນກັກຂັງອ່າວ ກວນທານາໂມ ຂອງທະຫານ ສະຫະລັດ, ທີ່ຖານທັບເຮືອ ອ່າວກວນທານາໂມ. ຄິວບາ.
ທາງເຂົ້າຄ້າຍຄຸມຂັງເລກ 5 ແລະ ເລກ 6 ທີ່ສູນກັກຂັງອ່າວ ກວນທານາໂມ ຂອງທະຫານ ສະຫະລັດ, ທີ່ຖານທັບເຮືອ ອ່າວກວນທານາໂມ. ຄິວບາ.

ທີ​ມງານ​ຂອງ​ເຈົ້າ​ໜ້າ​ທີ່ກະຊວງປ້ອງກັນປະເທດສະຫະລັດໄດ້​ເລີ່​ມການ​ ສຳ​ຫຼວດ​ເບິ່ງຄຸກທະຫານແຫ່ງນຶ່ງ ທີ່ມີຄວາມ​ປອດໄພ ຂະໜາດ​ກາງ​ໃນ​ເມືອງ Charleston ລັດ South Carolina, ​ເພື່ອ​ໃຫ້​ສາມາ​ດຮອງ​ຮັບນັກ​ໂທດ​ເຊິ່ງ ປະຈຸ​ບັນ​ນີ້​ຖືກຄວບ​ຄຸມ​ຕົວ ​ຢູ່​ໃນ​ສະຖ​ານທີ່ກັກ​ຂັງ​ ທີ່​ອ່າວກວນ​ທາ​ນາ​ໂມ, ປະ​ເທດ ຄິວ​ບາ.

ຄຸກທະຫານ ສະຫະລັດ, ເມືອງ Charleston, ລັດ South Carolina
ຄຸກທະຫານ ສະຫະລັດ, ເມືອງ Charleston, ລັດ South Carolina

ທີ​ມງານ ໄດ້ດຳ​ເນີນ​ການກວດ​ສອບໃນ​ວັນ​ພຸດ ​ແລະວັນ​ພະຫັດມື້ນີ້ ຢູ່ຄຸກທະຫານ​ ທີ່​ສະຖານີ​ອາ​ວຸດກອງ​ທັບ​ເຮືອ ໃນ​ເມືອງ Charleston, ​ອີ​ງຕາມ​ໂຄສົກກະຊວງ​ປ້ອງ​ກັນ​ປະ​ເທດ ພັນໂທ Gary Ross.

ທ່ານ Ross ກ່າວ​ວ່າ “ການກວດ​ສອບ​ສະຖານ​ທີ່ໃນຄັ້ງ​ນີ້ ​ແມ່ນ​ມີ​ຄວາມ​ຈຳ​ເປັນ​ເພື່ອພິຈາ ລະນາກ່ຽວກັບຄວາມ​ເປັນ​ໄປ​ໄດ້​ໃນການຍ້າຍບ່ອນ​ຄຸມ​ຂັງ​ພວກ​ນັກໂທ​ດ ໃນຈຳນວນທີ່​ຈຳກັດໃນ​ ສະຫະລັດ, ​ແລະ ​ເພື່ອ​ປະ​ເມີນ​ລາຄາ​ກ່ຽວກັບ​ການ​ຍົກຍ້າຍດັ່ງກ່າວ.”

ທ່ານບໍ່​ໄດ້​ກ່າວ​ວ່າ ​ມີ​ສະຖານ​ທີ່ອື່ນ​ຢູ່​ບ່ອນ​ໃດ​ແດ່​ຈະ​ຖືກ​ດຳ​ເນີນ​ການ ກວດ​ສອບ​ໃນ​ອະນາ​ຄົດ.

ນັກໂທດທີ່ຖານທັບ ກວນທານາໂມ ຂອງ ສະຫະລັດ
ນັກໂທດທີ່ຖານທັບ ກວນທານາໂມ ຂອງ ສະຫະລັດ

ທີມງານ​ປ້ອງ​ກັນ​ປະ​ເທດ ໄດ້​ເຂົ້າ​ໄປ​ກວດ​ສອບ​ໃນ​ສະຖານ​ຄຸມ​ຂັງ​ ທີ່​ເມືອງ Leavenworth, ລັດ Kansas ​ໃນ​ຕົ້ນ​ເດືອນນີ້. ການກວດ​ສອບ​ສະຖານ​ທີ່​ຄຸມ​ຂັງ​ແມ່ນ​ໄດ້​ເລີ່​ມ​ຂຶ້ນໃນ​ວັນ​ທີ 13 ສິງຫາ​ທີ່​ຜ່ານ​ມາ.

ສະຖານ​ທີ່​ຄຸມ​ຂັງ​ໃນ​ ສະຫະລັດ ​ແມ່ນ​ຕ້ອງການ​ທີ່​ຈະ​ຮອງ​ຮັບ​ນັກໂທດ​ປະມານ 50 ຄົນ, ອີງ​ຕາມ​ເຈົ້າ​ໜ້າທີ່ປ້ອງ​ກັນ​ປະ​ເທດ ສະຫະລັດ. ປະຈຸ​ບັນ​ນີ້​ມີ​ນັກ​ໂທ​ດປະມານ 116 ຄົນ​ທີ່​ຖືກ​ຄວບ​ຄຸ​ມຕົວ​ຢູ່​ໃນສະຖານ​ທີ່ກັກ​ຂັງ ຂອງກອງທັບເຮືອ ຢູ່ ອ່າວກວນ​ທາ​ນາ​ໂມ. ນັກໂທດ​ອື່ນໆ​ອີກ​ຫຼາຍ​ຄົນ​ ແມ່ນ​ມີ​ສິດທີ່​ຈະ​ຖືກ​ສົ່ງ​ໄປ​ຍັງ​ປະ​ເທດ​ອື່ນ.

ຕີນຂອງນັກໂທດ ຖືກລ່າມໂສ້ຕິດກັບພື້ນ ຢູ່ພາຍໃນຄ້າຍຄຸມຂັງຄວາມປອດໄພສູງເລກ 6 ທີ່ ຖານທັບນາວິກະໂຍທິນ ສະຫະລັດ ໃນອ່າວກວນທານາໂມ. 27 ເມສາ, 2010.
ຕີນຂອງນັກໂທດ ຖືກລ່າມໂສ້ຕິດກັບພື້ນ ຢູ່ພາຍໃນຄ້າຍຄຸມຂັງຄວາມປອດໄພສູງເລກ 6 ທີ່ ຖານທັບນາວິກະໂຍທິນ ສະຫະລັດ ໃນອ່າວກວນທານາໂມ. 27 ເມສາ, 2010.

ປະ​ທາ​ນາ​ທິບໍດີ ​ ​ໂອບາ​ມາ ​ໄດ້ຖືວ່າ ການ​ປິ​ດສະຖານ ທີ່​ກັກ​ຂັງຢູ່ອ່າວ ກວນ​ທາ​ນາ​ໂມ​ເປັນ​ບູລິ​ມະ​ສິດ​ສູງ​ສຸດ, ຖ້າມກາງ​ການ​ຄັດຄ້ານ​ ທັງຈາກ ​ພັກ Republican ​ແລະ​ ພັກ​ເດໂມແຄຣັດ ​ຢູ່ໃນ​ສະພາ.

Guantanamo Transfers
please wait
Embed

No media source currently available

0:00 0:00:30 0:00

XS
SM
MD
LG