ບັນດາລັດຖະບານຂອງປະເທດ ໃນເອເຊຍຕາເວັນອອກສຽງ
ໃຕ້ ຍັງສືບຕໍ່ສະແດງຄວາມບໍ່ເຕັມໃຈທີ່ຈະຮັບເອົາເຮືອທີ່ບັນ
ທຸກແຮງງານເຄື່ອນຍ້າຍ ແລະອົບພະຍົບ ທີ່ຖືກປ່ອຍປະໄວ້
ໃນທະເລ ໂດຍພວກຄ້າມະນຸດ ຊຶ່ງໄດ້ເຮັດໃຫ້ວິກິດການດ້ານມະນຸດສະທຳທີ່ຮ້າຍແຮງຢູ່ແລ້ວນັ້ນ ຊຸດໂຊມລົງຕື່ມອີກ.
ບັນດານັກເຄື່ອນໄຫວ ກະປະມານວ່າ ມີຫຼາຍເຖິງ 8,000 ຄົນ
ໃນອັນ ທີ່ເອີ້ນກັນວ່າ ອົບພະຍົບທາງເຮືອ ແມ່ນຍັງພາກັນ
ລ່ອງລອຍຢູ່ໃນທະເລ ແລະຫຼາຍໆຄົນປາດສະຈາກອາຫານ
ແລະນ້ຳ ທີ່ພຽງພໍ ຫຼັງຈາກປະເທດໄທ ປາບປາມຂະບວນການ
ຄ້າມະນຸດຢ່າງກວ້າງຂວາງ ທີ່ໄດ້ລົບກວນເຄືອຂ່າຍການຂົນ
ສົ່ງຂອງ ພວກອາຊະຍາກອນດັ່ງກ່າວ.
ປະເທດມາເລເຊຍ ອິນໂດເນເຊຍ ແລະໄທ ແມ່ນ 3 ປະເທດ
ທີ່ພວກແຮງງານເຄື່ອນຍ້າຍແລະອົບພະຍົບ ໄດ້ພະຍາຍາມເດີນທາງເຂົ້າໄປ ແລະປະເທດ
ເຫຼົ່ານັ້ນກ່າວວ່າ ແຮງງານເຄື່ອນຍ້າຍທີ່ໝົດຄວາມຫວັງ ບໍ່ແມ່ນຄວາມຮັບຜິດ ຊອບຂອງ
ຕົນ ແລະປະຕິເສດ ຕໍ່ຄຳຂໍຮ້ອງຂອງສະຫະປະຊາຊາດ ແລະບັນດາ ກຸ່ມປົກປ້ອງສິດທິມະ
ນຸດ.
ພວກອົບພະຍົບໂຣຮິງຢາ ແລະບັງກລາແດັສ ຫລາຍກວ່າ 700 ຄົນ ໄດ້ໄປເຖິງອິນໂດ
ເນເຊຍ ໃນວັນສຸກມື້ນີ້ ຫລັງຈາກໄດ້ຮັບການຊ່ວຍເຫລືອຈາກພວກ ເຮືອຫາປາ ເວລາ
ເຮືອເຂົ້າເຈົ້າຫລົ້ມຢູ່ນອກຝັ່ງຂອງແຂວງ Aceh.
ມີອົບພະຍົບເກືອບ 600 ຄົນກໍໄດ້ຖືກກູ້ໄພໃນວັນອາທິດແລ້ວໂດຍກອງທັບເຮືອອິນໂດ
ເນເຊຍ. ບັນດາເຈົ້າໜ້າທີ່ກ່າວວ່າ ພວກຄົນອົບພະຍົບທາງເຮືອເຫລົ່ານັ້ນ ເວລານີ້ໄດ້
ຮັບການຊ່ວຍເຫລືອດ້ານອາຫານ ແລະທີ່ພັກເຊົາຢູ່ໃນເຂດພາກເໜືອ Aceh ໃນຂະ
ນະທີ່ລັດຖະບານ ປືກສາຫາລືກັບສະຫະປະຊາຊາດແລະການຈັດ ຕັ້ງສາກົນຕ່າງໆ.
ຮອງລັດຖະມົນຕີ ກະຊວງພາຍໃນມາເລເຊຍ ທ່ານ Wan Junaidion ກ່າວໃນວັນພະ
ຫັດມື້ນີ້ ວ່າ ປະເທດຂອງທ່ານ ຕ້ອງ “ສົ່ງຂໍ້ຄວາມອັນຖືກຕ້ອງວ່າ: ປະເທດຕົນບໍ່ຍິນດີຕ້ອນຮັບພວກເຂົາເຈົ້າ.” ສ່ວນບັນດາເຈົ້າໜ້າທີ່ມາເລເຊຍຄົນອື່ນໆກ່າວວ່າ ການລາດ
ຕະເວນທາງທະເລ ແລະອາກາດ ແມ່ນໄດ້ເພີ້ມຂຶ້ນອີກ ເພື່ອສະກັດກັ້ນ “ການລ່ວງລ້ຳທີ່
ຜິດກົດໝາຍ.”
ເມື່ອຕົ້ນອາທິດນີ້ ມີອົບພະຍົບທາງເຮືອ ຫຼາຍກວ່າ 1,000 ຄົນ ທີ່ຖືກປ່ອຍປະໄວ້ ຢູ່ໃນ
ທະເລ ພາກັນລອຍເຂົ້າຝັ່ງ ມາເລເຊຍ. ບັນດາເຈົ້າໜ້າທີ່ກ່າວວ່າ ພວກອົບພະຍົບທາງ
ເຮືອດັ່ງກ່າວ ດຽວນີ້ໄດ້ຖືກຄຸມໂຕໄວ້ ຢູ່ຕາມຄ້າຍກັກຂັງຕ່າງໆ ໃນຂະນະທີ່ ມີການ
ກະກຽມ ທີ່ຈະສົ່ງພວກເຂົາເຈົ້າ ໄປບ່ອນອື່ນ.
ອົບພະຍົບ ເກືອບ 600 ຄົນ ຍັງໄດ້ຮັບການຊ່ອຍເຫຼືອ ໃນວັນອາທິດຜ່ານມາ ໂດຍ ກອງ
ທັບເຮືອ ອິນໂດເນເຊຍ. ບັນດາເຈົ້າໜ້າທີ່ ອິນໂດເນເຊຍ ກ່າວວ່າ ອົບພະຍົບທາງເຮືອ
ດັ່ງກ່າວ ດຽວນີ້ ໄດ້ຮັບອາຫານ ແລະ ທີ່ພັກອາໄສ ຢູ່ໃນຂົງເຂດ Aceh ເໜືອ ໃນຂະນະ
ທີ່ ລັດຖະບານ ປຶກສາຫາລືກັບອົງການສະຫະປະຊາຊາດ ແລະ ອົງການສາກົນອື່ນໆ.
ສ່ວນພວກເຮືອທີ່ບັນຈຸຫຼາຍຮ້ອຍຄົນ ໄດ້ຖືກກອງທັບເຮືອຂອງ ມາເລເຊຍ ແລະ ອິນໂດ
ເນເຊຍ ເຂົ້າສະກັດກັ້ນໄວ້ ແລະໄດ້ເອົາອາຫານແລະນ້ຳ ສຸກເສີນ ໃຫ້ແກ່ພວກເຂົາເຈົ້າ ຫຼັງຈາກນັ້ນ ໄດ້ສົ່ງພວກເຮືອດັ່ງກ່າວ ອອກໄປຈາກປະເທດພວກຕົນ.
