ບັນດາປະເທດເອເຊຍປາຊິຟິກ ກຳລັງປະເຊີນໜ້າກັບການທ້າທາຍທີ່ເກີດຈາກ ການ
ກໍ່ອາ ຊະຍາກໍາຄອມພິວເຕີ ແລະການລະເມີດດ້ານການຮັກສາຄວາມປອດໄພ ໃນ
ຂະນະທີ່ ການໂຈມຕີທາງຄອມພິວເຕີ ພາໃຫ້ການເສຍຫາຍທາງເສດຖະກິດເພີ້ມ
ທະວີຂຶ້ນ.
ບັນດາທຸລະກິດ ແລະລັດຖະບານຢູ່ໃນພາກພື້ນດັ່ງກ່າວເວົ້າວ່າ ຕ້ອງໄດ້ມີການປະຕິ
ຮູບທາງນະໂຍບາຍ ເພື່ອຕ້ານກັບຂໍ້ເສຍຢູ່ເບື້ອງຫລັງຂອງການວິວັດທະນາການດ້ານ
ເທັກໂນໂລຈີ ທີ່ປ່ຽແປງຢ່າງວອງໄວ ແລະເພີ່ມຄວາມສ່ຽງຕໍ່ອັນຕະລາຍໄດ້ງ່າຍຍ້ອນການກໍ່ອາຊະຍາ ກໍາທາງຄອມພິວເຕີ.
ສິງກະໂປໄດ້ເປັນຜູ້ນຳໜ້າຢູ່ໃນຂົງເຂດ ໃນດ້ານການເພີ້ມການຮັກສາຄວາມປອດໄພ
ທາງຄອມພິວເຕີ ຢູ່ໃນປະເທດສະມາຊິກຂອງສະມາຄົມບັນດາປະເທດໃນເຂດເອເຊຍ
ຕາເວັນ ອອກສຽງໃຕ້ ຫລື ASEAN ພ້ອມທັງໄດ້ສົ່ງເສີມການຊ່ວຍຂອງລັດຖະບານ
ໃນດ້ານ ສະໜອງຊັບພະຍາກອນທາງເທັກນິກ ພາຍໃນປະເທດທີ່ເປັນເກາະດອນ
ດັ່ງກ່າວ.
ໃນເດືອນຕຸລາ ປີ 2016 ສິງກະໂປໄດ້ເປັນເຈົ້າພາບໃນການເລີ້ມຕົ້ນເປີດກອງປະຊຸມລັດຖະມົນຕີ ASEAN ກ່ຽວກັບຄວາມປອດໄພທາງຄອມພິວເຕີ ຊຶ່ງໄດ້ປະກາດໂຄງ
ການລິເລີ້ມໃໝ່ ເພື່ອເພີ້ມຂີດຄວາມສາມາດຂອງ ASEAN ໃນການຮັບມືກັບໄພຂົ່ມ
ຂູ່່ທາງຄອມພິວເຕີ.
ບໍລິສັດ Honeywell ທີ່ຕັ້ງຢູ່ສະຫະລັດ ແລະໄດ້ຮັບການສະໜັບສະໜຸນໂດຍຄະນະ
ກຳ ມະການພັດທະນາເສດຖະກິດສິງກະໂປ (EDB) ກຳລັງຈະສ້າງສູນກາງອຸດສາຫະ
ກຳ ການຮັກສາຄວາມປອດໄພທາງຄອມພິວເຕີ ທີ່ດີເລີດແຫ່ງໃໝ່ຂຶ້ນ ສໍາລັບຂົງເຂດ
ເອເຊຍປາຊິຟິກ. ບໍລິສັດດັ່ງກ່າວຍັງຈະສະແດງໃຫ້ເຫັນການພັດທະນາຫ້ອງທົດລອງ
ແລະການໃຫ້ການເຝິກອົບຮົມການບໍລິການດ້ານຄວາມປອດໄພທີ່ກ້າວໜ້າ.
ໃນເດືອນມິຖຸນານີ້ ສິງກະໂປ ແລະອອສເຕຣເລຍ ໄດ້ເຊັນຂໍ້ຕົກລົງຮ່ວມມືເພື່ອສະກັດ
ກັ້ນ ການກໍ່ອາຊະຍາກໍາທາງຄອມພິວເຕີ ພ້ອມກັນນັ້ນອອສເຕຣເລຍ ຍັງເຊັນສັນຍາ
ເພື່ອເພີ້ມການຮ່ວມມືກັນກັບໄທ ແລະຈີນ ອີກດ້ວຍ.
ອ່ານຂ່າວນີ້ເພີ່ມເປັນພາສາອັງກິດ
