ຟິລິບປີນ ໄດ້ນຳອອກເຜີຍເຜ່ ຮູບພາບໃນວັນພຸດວານນີ້ ໃນອັນທີ່ ເບິ່ງຄືວ່າ ກຳປັ່ນຈີນກຳລັງສ້າງເກາະທຽມຂຶ້ນ ໃນທະເລຈີນໃຕ້ທີ່ມີການຜິດຖຽງກັນ ຊຶ່ງມີຂຶ້ນບໍ່ດົນກ່ອນກອງປະຊຸມສຸດຍອດ ຂອງບັນດາປະເທດອາຊຽນ.
ຮູບພາບດັ່ງກ່າວໄດ້ສະແດງໃຫ້ເຫັນເຖິງການມີໜ້າຂອງກຳປັ່ນຈຳນວນຫຼວງຫຼາຍ ແລະໃນອັນທີ່ ຟິລິບປີນ ກ່າວວ່າ ເປັນຫຼັກຖານຂອງການກໍ່ສ້າງ “ສົດໆໃໝ່ໆ” ຂອງເກາະທຽມທີ່ສ້າງຂຶ້ນ ໃກ້ໆກັບເກາະ Scarborough Shaol. ຮູບພວກນີ້ ໄດ້ນຳອອກເຜີຍແຜ່ ກ່ອນໜ້າກອງປະຊຸມປະຈຳປີ ຂອງ 10 ປະເທສະມາຊິກ ASEAN.
“ພວກເຮົາຍັງຄົງຕັ້ງໜ້າເປັນຫວ່ງເປັນໃຈ ຢ່າງແຂງຂັນ ກ່ຽວກັບການກໍ່ສ້າງທີ່ວ່ານີ້ ແລະ ຮັບຊາບເຖິງຄວາມເປັນຫວ່ງເປັນໃຍ ທີ່ສະແດງອອກໂດຍບັນດາຜູ້ນຳບາງທ່ານ ທີ່ກັບມາອ້າງເອົາເປັນກຳມະສິດ,” ຊຶ່ງທ່ານໄດ້ອ່ານຖະແຫຼງການຮ່ວມ ໃນກອງປະຊຸມສຸດຍອດ.
ການທີ່ຈີນ ໄດ້ປະຕິເສດ ຕໍ່ການກ່າວຫາທີ່ວ່ານີ້ ແລະກ່າວວ່າ “ຕົນພຽງແຕ່ຮັກສາກຳປັ່ນ ລາດຕະເວນຈຳນວນນຶ່ງ ເພື່ອຄວາມຄຸມລາດຕະເວນຕາມກົດໝາຍ” ໃນຂົງເຂດ ອີງຕາມສະຖານທູດຈີນ ໃນນະຄອນຫຼວງມະນີລາ.
ສະຫະລັດ ເຊື່ອຄືກັນວ່າ ການມີໜ້າຂອງກຳປັ່ນຈີນ ໃກ້ໆເກາະ Scarborough Shaol ນັ້ນ ແມ່ນຍັງມີຈຳນວນເທົ່າເດີມ ໃນຮອບຫຼາຍເດືອນທີ່ຜ່ານມາ ແຕ່ວ່າຍັງຈະດຳເນີນສືບຕໍ່ສັງເກດການໃນຂົງເຂດ ແລະຕິດຕາມເບິ່ງຢ່າງໃກ້ຊິດກັບລັດຖະບານຟິລິບປີນ ຊຶ່ງເຈົ້າໜ້າທີ່ຂັ້ນສູງຂອງທຳນຽບຂາວໄດ້ບອກກັບ VOA ເຊັ່ນນັ້ນ.
