ລັດຖະບານຊູດານໃຕ້ ໄດ້ກ່າວວ່າ ຕົນຈະນຳສະເໜີຕໍ່ສະພາ
ແຫ່ງຊາດ ໃນວັນອັງຄານມື້ນີ້ ຂໍ້ຕົກລົງສັນຕິພາບ ທີ່ໄດ້ລົງນາມ
ໃນເດືອນແລ້ວນີ້ ລະຫວ່າງຝ່າຍລັດຖະບານ ແລະຝ່າຍກະບົດ
ທີ່ຈົງຮັກພັກດີຕໍ່ອະດີດຮອງປະທານາທິບໍດີ Riek Machar
ເພື່ອຍຸຕິການປະທະກັນມາໄດ້ເກືອບ 2 ປີແລ້ວນັ້ນ.
ລັດຖະມົນຕີກະຊວງຖະແຫຼງຂ່າວ ທ່ານ Michael Makuei
ໄດ້ກ່າວ ຫຼັງຈາກທີ່ໄດ້ຮັບເອກກະສານແລ້ວ ທາງສະພາຈະ
ປະກອບຄະນະກຳມະການ ເພື່ອສຶກສາ ແລະຮັບຮອງເອົາ
ຂໍ້ຕົກລົງນີ້. ພວກກະບົດ ໄດ້ກ່າວວ່າພວກເຂົາເຈົ້າມີທ່າທາງວ່າ
ຈະໃຫ້ສັດຕະຍາບັນຕໍ່ຂໍ້ຕົກລົງດັ່ງກ່າວ ໃນວັນອັງຄານມື້ນີ້.
ທ່ານ Makuei ໄດ້ບອກກັບ VOA ໃນວັນຈັນວານນີ້ວ່າ ການຊັກຊ້າໃດໆຕໍ່ການຮັບຜ່ານ
ຂອງລັດຖະບານນັ້ນ ຄວນຖິ້ມໂທດໃສ່ ຄະນະພັດທະນາລະຫວ່າງລັດຖະບານຫຼື IGAD ຊຶ່ງເປັນກຸ່ມຈັດຕັ້ງພູມີພາກ ທີ່ໄກ່ເກ່ຍການເຈລະຈາສັນຕິພາບ.
ທ່ານໄດ້ກ່າວ ຫຼັງຈາກ ປະທານາທິບໍດີ Salva Kiir ໄດ້ລົງນາມໃນຂໍ້ຕົກລົງ ໃນວັນທີ 26 ສິງຫາ ຜ່ານມານີ້ ກຸ່ມ IGAD ໄດ້ນຳເອົາໜ້າຂອງເອກກະສານໄປ ໂດຍປັດສະຈາກການ
ລົງນາມຂອງປະທານາທິບໍດີ ທີ່ຈະຕ້ອງລົງນາມນັ້ນ.
ທ່ານ ກ່າວວ່າ: “ວັນອັງຄານນີ້ ລັດຖະບານາຈະຈັດຕາລະລາງສົ່ງຂໍ້ຕົກລົງທີ່ວ່ານີ້ ໄປໃຫ້ ສະພາແຫ່ງຊາດ. ຫຼັງຈາກຈັດຕາຕະລາງແລ້ວ ສະພາແຫ່ງຊາດ ຈະປະກອບຄະນະກຳ ມະການ ເພື່ອສຶກສາເບິ່ງຂໍ້ຕົກລົງ ແລ້ວຈະຮ່າງບົດບັນຍັດສຸດທ້າຍ ເພື່ອຈະຮັບຜ່ານຂໍ້ຕົກ ລົງນີ້”
ທ່ານ Makuei ໄດ້ກ່າວວ່າ ລັດຖະບານຊູດານໃຕ້ ຈະໃຫ້ສັດຕະຍາບັນຕໍ່ຂໍ້ຕົກລົງໃນອີກບໍ່ເທົ່າໃດມື້ຕໍ່ໜ້ານີ້ ແຕ່ວ່າ ຄະນະ IGAD ຄວນຈະມີການຖິ້ມໂທດໃສ່ ຕໍ່ການຊັກຊ້າໃດໆ ໃນການຈັດຕັ້ງປະຕິບັດເອກກະສານນີ້.
