ເຈົ້າໜ້າທີ່ຊູດານໃຕ້ ໄດ້ປ່ອຍນັກຂ່າວຄົນນຶ່ງໃນວັນພະຫັດຜ່ານມານີ້ ທີ່ໄດ້ຖືກກັກຂັງ
ປາດສະຈາກການກ່າວຫາ ນັບແຕ່ເດືອນສິງຫາ ປີ 2014 ເປັນຕົ້ນມາ.
ໜ່ວຍປະຕິບັດງານ ຮັກສາຄວາມປອດໄພແຫ່ງຊາດ ໄດ້ຈັບ ທ່ານ George Livio ທີ່
ໄດ້ເຮັດວຽກໃຫ້ແກ່ສະຖານີວິທະຍຸ Miraya ທີ່ອອກອາກາດໃນຄື້ນ FM ພາຍໃຕ້ຄວາມ
ອຸບປະຖຳຂອງອົງການສະຫະປະຊາຊາດແລະໄດ້ກັກຂັງ ທ່ານ ໃນສະຖານທີ່ໆບໍ່ມີການ
ເປີດເຜີຍແຫ່ງນຶ່ງ.
ສະຫະປະຊາຊາດຍັງບໍ່ໄດ້ໃຫ້ເຫດຜົນໃດໆ ໃນທັນທີເທື່ອ ກ່ຽວກັບການປ່ອຍໂຕທ່ານ
Livio ເຖິງແມ່ນວ່າ ຄະນະປະຕິບັດງານຂອງສະຫະປະຊາຊາດໃນຊູດານໃຕ້ໄດ້ກົດດັນ
ໃຫ້ປ່ອຍໂຕທ່ານ ແລະປ່ອຍພະນັກງານອື່ນໆ ອີກສອງຄົນ ນັບແຕ່ພວກເຂົາເຈົ້າໄດ້ຖືກ
ຈັບ ໃນປີ 2014.
ກຸ່ມປົກປ້ອງສິດທິມະນຸດຫລາຍກຸ່ມ ຮວມທັງອົງການນິລະໂທດກຳສາກົນ ໄດ້ຍື່ນຄຳຂໍ
ຮ້ອງໃຫ້ປະທານາທິບໍດີ Salva Kiir ເຂົ້າແຊກແຊງ ແລະປ່ອຍໂຕທ່ານ Livio.
ລາຍການ South Sudan in Focus ຂອງວີໂອເອ ໄດ້ຕິດຕໍ່ໄປຫາ ທ່ານ Gelego
Livio ທີ່ເປັນບິດາ ຂອງນັກຂ່າວ ໂດຍທາງໂທລະສັບ ຢູ່ນະຄອນ Khartoum ໃນວັນ
ສຸກວານນີ້.
ທ່ານ Livio ກ່າວວ່າ “ຂ້າພະເຈົ້າໄດ້ຮັບຂ່າວ ມື້ວານນີ້ ປະມານຫ້າໂມງເຄິ່ງຂອງຕອນ
ແລງວານນີ້. ລາວໄດ້ຖືກປ່ອຍໂຕອາດຈະເປັນປະມານຕອນທ່ຽງ.”
ທ່ານ Livo ໄດ້ກ່າວຕໍ່ South Sudan in Focus ຂອງວີໂອເອວ່າທ່ານບໍ່ເຄີຍຮູ້ສາເຫດ
ກ່ຽວກັບການຈັບລູກຊາຍທ່ານຈາກລັດຖະບານເລີຍ ແຕ່ໄດ້ຍິນວ່າລັດຖະບານເຊື່ອວ່າ
ລາວໄດ້ “ຮ່ວມືກັບທ່ານ Riek Machar” ອະດີດຮອງປະທານາທິບໍດີ ຜູ້ທີ່ໄດ້ຫລົບໜີ
ໄປຈາກເມືອງ Juba ບໍ່ດົນ ຫລັງຈາກໄດ້ເກີດ ການຕໍ່ສູ້ກັນຢ່າງດຸເດືອດ ໃນເດືອນກໍລະ
ກົດ ຢູ່ໃນນະຄອນຫລວງ.
ທ່ານ Livio ຜູ້ເປັນພໍ່ກ່າວວ່າ ທ່ານແລະພັນລະຍາຂອງທ່ານ ໄດ້ຮັບອະນຸຍາດໃຫ້ໄປ
ຢ້ຽມຢາມລູກຊາຍເຂົາເຈົ້າ ໃນເດືອນມີນາ ປີ 2016.
ທ່ານກ່າວວ່່າ George Livio ໄດ້ຖືກກັກຂັງໄວ້ ຢູ່ທີ່ໂຮງໝໍເມືອງ Juba.
ທ່ານ Livo ກ່າວວ່າ ທ່ານໄດ້ຮູ້ເລື່ອງນີ້ ຈາກລຸງຄົນນຶ່ງ ຢູ່ໃນເມືອງ Juba ວ່າລູກຊາຍ
ຂອງທ່ານ ໄດ້ຖືກປ່ອຍໂຕ ໃນວັນພະຫັດທີ່ຜ່ານມານີ້.
ພໍ່ຂອງລາວກ່າວວ່າ “ພວກເຮົາ ແມ່ຂອງລາວ ແລະຂ້າພະເຈົ້າ ໄດ້ມີຄວາມຕື່ນເຕັ້ນ ຕື່ນ
ເຕັ້ນທີ່ສຸດ ໃນຕອນແລງວານນີ້. ບັດນີ້ ພວກເຮົາຢາກໄດ້ຍິນສຽງຂອງລາວແທ້ໆ.”
