ໃນຂະນະດຽວກັນ ລັດຖະມົນຕີຖະແຫລງຂ່າວຂອງຊູດານໃຕ້ ປະກາດວ່າ ຈີນໄດ້ອະນຸມັດເງິນກູ້ຢືມ ໃຫ້ແກ່ຊູດານໃຕ້ 8 ພັນລ້ານໂດລາ ເພື່ອໃຊ້ເປັນທຶນດໍາເນີນໂຄງການກໍ່ສ້າງໂຄງລ່າງພື້ນຖານທີ່ສໍາຄັນຕ່າງໆ.
ໃນຖະແຫລງການສະບັບນຶ່ງເມື່ອວັນເສົາວານນີ້ ທ່ານ Barnaba Marial Benjamin ກ່າວວ່າ ເງິນກູ້ຢືມກ້ອນນີ້ ຈະນໍາໃຊ້ເຂົ້າໃນພາກສ່ວນໂຄງ ການກະເສດ ໂທລະຄົມມະນາ ຄົມ ແລະເຂຶ່ອນໄຟຟ້ານໍ້າຕົກ.
ການປະກາດໃຫ້ເງິນກູ້ຢືມດັ່ງກ່າວ ມີຂື້ນບໍ່ເທົ່າໃດມື້ ຫລັງຈາກທ່ານ Salva Kiir ປະທານາທິບໍດີຊູດານໃຕ້ ໄດ້ໄປຢ້ຽມຢາມຈີນເທື່ອທໍາອິດ ໃນອາທິດນີ້. ແຕ່ ທ່ານ ເຄຍ ຕ້ອງໄດ້ຕັດການຢ້ຽມຢາມຂອງທ່ານໃຫ້ສັ້ນລົງ ຍ້ອນມີລາຍງານຂ່າວວ່າ ປະເທດຊູດານ ຂູ່ແຂ່ງທາງພາກເໜືອຂອງຊູດານໃຕ້ ໄດ້ຖິ້ມລະເບີດໃສ່ຫລາຍເປົ້າຢູ່ພາຍໃນເຂດຊາຍແດນຂອງຊູດານໃຕ້.
ຈີນກໍາລັງພະຍາຍາມຮັກສາຄວາມສໍາພັນແບບເປັນກາງກັບທັງສອງຊູດານ ໃນຂະນະທີ່ສອງປະເທດນີ້ ກໍາລັງໃກ້ຈະເກີດສົງຄາມກັນນັ້ນ.
ສົງຄາມລະຫວ່າງສອງຊູດານ ຈະສ້າງຜົນກະທົບຢ່າງສໍາຄັນຕໍ່ການລົງທຶນ ຂອງຈີນຢູ່ໃນຂົງເຂດ ແລະສ້າງອັນຕະລາຍໃຫ້ແກ່ພວກ
ບັນດາເຈົ້າໜ້າທີ່ຊູດານກ່າວວ່າ ຈີນມີຫລາຍກວ່າ 100 ບໍລິສັດ ແລະ ຄົນງານອີກ 10,000 ຄົນ ທໍາງານຢູ່ໃນປະເທດຂອງພວກຕົນ.
ທີ່ປັກກິ່ງ ທ່ານ ເຄຍ ໄດ້ຮັບຄໍາໝັ້ນສັນຍາການສະໜັບສະໜຸນດ້ານການເງິນ ໂຮມທັງຮັບ ປາກໃຫ້ກູ້ຢືມເງິນຈາກທະນາຄານ ແລະການຊ່ວຍເຫລືອດ້ານມະນຸດສະທໍາຈາກຝ່າຍຈີນ.