ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຊູດານໃຕ້ສະເຫລີມ ສະຫລອງວັນຄົບຮອບ ປີທໍາອິດແຫ່ງການປະກາດ ເອກະລາດຂອງຕົນ


ປະທານາທິບໍດີ Salva Kiir ຂອງຊູດານໃຕ້ ກ່າວຄໍາປາໃສໃນຄືນກ່ອນມື້ເປີດພິທີ ສະເຫລີມສະຫລອງວັນຄົບ ຮອບປີທໍາອິດແຫ່ງການປະກາດເອກະລາດຂອງປະເທດ ທີ່ສູນວັດທະນາທໍາ Nyakuron ທີ່ນະຄອນຫລວງຈູບາ ໃນວັນທີ 8 ກໍລະກົດ, 2012
ປະທານາທິບໍດີ Salva Kiir ຂອງຊູດານໃຕ້ ກ່າວຄໍາປາໃສໃນຄືນກ່ອນມື້ເປີດພິທີ ສະເຫລີມສະຫລອງວັນຄົບ ຮອບປີທໍາອິດແຫ່ງການປະກາດເອກະລາດຂອງປະເທດ ທີ່ສູນວັດທະນາທໍາ Nyakuron ທີ່ນະຄອນຫລວງຈູບາ ໃນວັນທີ 8 ກໍລະກົດ, 2012

ເລຂາທິການໃຫຍ່ສະຫະປະຊາຊາດ ທ່ານ ພັນ ກິມູນ ໄດ້ສະແດງຄວາມຊົມເຊີຍຕໍ່ຊູ
ດານໃຕ້ ເນື່ອງໃນໂອກາດສະເຫລີມສະຫລອງວັນຄົບຮອບປີທໍາອິດແຫ່ງການປະກາດ
ເອກະລາດຂອງປະເທດດັ່ງກ່າວ ໂດຍໄດ້ກ່າວວ່າ ປະຊາຊົນຂອງປະເທດນັ້ນ ໄດ້ “ເສຍ
ສະລະຢ່າງຫລວງຫລາຍ”
ແລະດຽວນີ້ ແມ່ນພາກັນສາມາດ “ຍ່າງຢູ່ເທິງເວທີສາກົນ
ຢ່າງມີຄວາມພາກພູມໃຈ.”
​ໄດ້​ແລ້ວ.

ຫົວໜ້າຂອງຫ້ອງການສະຫະປະຊາຊາດປະຈໍາຊູດານໃຕ້ ທ່ານ Hilde Johnson ໄດ້ນໍາ ເອົາຄໍາຖະແຫລງດັ່ງກ່າວຂອງທ່ານ ພັນ ກີ​ມູນ ໄປກ່າວຢູ່ໃນພິທີສະຫລອງ ທີ່ຈະຈັດຂຶ້ນ
ໃນວັນຈັນມື້ນີ້ ຢູ່ນະຄອນຫລວງຈູບາ. ປະທານາທິບໍດີ Salva Kiir ກໍມີແຜນທີ່ຈະໄປ ກ່າວຄໍາປາໃສໃນພິທີນັ້ນເຊັ່ນກັນ.

ພ້ອມ​ດຽວ​ກັນ​ນີ້ ທ່ານພັນໄດ້ເຕືອນວ່າ ຊູດານໃຕ້ຍັງຈະຕ້ອງໄດ້ຜ່ານຜ່າຄວາມຫຍຸ້ງຍາກ
ຫລາຍຢ່າງຢູ່ ແຕ່ກໍເວົ້າວ່າ ຢ່າງໃດກໍຕາມ ສະຫະປະຊາຊາດຈະສືບຕໍ່ໃຫ້ການ ສະໜັບສະ ໜູນແກ່ລັດຖະບານຊູດານໃຕ້ ແລະຈະດໍາເນີນການເພື່ອຊ່ວຍແກ້ໄຂບັນຫາ ທຸກຢ່າງທີ່ຍັງ
ຄ້າງຄາຢູ່ ກັບຊູດານ ປະເທດເພື່ອນບ້ານນັ້ນ.

ຊູດານໃຕ້ ໄດ້ແຍກຕົວອອກມາຈາກປະເທດຊູດານ ລຸນຫລັງທີ່ມີການລົງປະຊາມະຕິ ທີ່ເປັນ ສ່ວນນຶ່ງຂອງຂໍ້ຕົກລົງສັນຕິພາບ ປີ 2005 ທີ່ໄດ້ເຮັດໃຫ້ສົງຄາມກາງເມືອງ ທີ່ດໍາເນີນມາ ເປັນເວລາ 21 ປີນັ້ນ ສິ້ນສຸດລົງ.

XS
SM
MD
LG