ມັນເປັນໄປໄດ້ ແຕ່ຍັງບໍ່ທັນໄດ້ຮັບການຢືນຢັນວ່າ ນາຍົກລັດ
ຖະມົນຕີ ຍີ່ປຸ່ນ ທ່ານ Shinto Abe ແລະປະທານາທິບໍດີ ເກົາ
ຫລີໃຕ້ ທ່ານນາງ Park Geun-hye ຈະພົບປະກັນໃນວັນທີ
2 ເດືອນພະຈິກນີ້ ໃນລະຫວ່າງກອງປະຊຸມສຸດຍອດສາມຝ່າຍ
ເທື່ອທຳອິດ ຂອງບັນດາຜູ້ນຳຈາກ ຈີນ ຍີ່ປຸ່ນ ແລະເກົາຫລີໃຕ້
ທີ່ຈະຈັດຂື້ນ ນັບແຕ່ປີ 2012 ເປັນຕົ້ນມາ.
ທຳນຽບປະທານາທິບໍດີ ເກົາຫລີໃຕ້ ໄດ້ປະກາດກ່ຽວກັບການ
ພົບປະສອງຝ່າຍດັ່ງກ່າວ ໃນວັນຈັນວານນີ້. ທ່ານ Abe ຈະ
ເດີນທາງໄປນະຄອນໂຊລ ໃນວັນທີ 1 ແລະທີ 2 ເດືອນພະ
ຈິກ ເພື່ອປະຊຸມສຸດຍອດສາມຝ່າຍ ແຕ່ຍັງບໍ່ທັນໄດ້ໃຫ້ຄຳ
ຕອບ ຕໍ່ການຮ້ອງຂໍ ຂອງທ່ານນາງ Park ໃນການປະຊຸມໜຶ່ງ
ຕໍ່ໜຶ່ງ ກັບທ່ານນາງ ຢູ່ນອກກອງປະຊຸມສຸດຍອດດັ່ງກ່າວ.
ໜັງສືພິມ ຍີ່ປຸ່ນ ສະບັບໜຶ່ງໄດ້ສະເໜີແນະວ່າ ໂຕກຽວ ແລະໂຊລ ຍັງເຈລະຈາກັນກ່ຽວ
ກັບວ່າ ຈະຮັບມືກັບບັນຫາໂຕ້ຖຽງ ກ່ຽວກັບເລື້ອງ “ພວກແມ່ຍິງບຳເລີ” ຢ່າງໃດ.
ປະທານາທິບໍດີ Park ທີ່ເຂົ້າກຳຕຳແໜ່ງໃນປີ 2013 ມາຮອດປັດຈຸບັນນີ້ ໄດ້ປະຕິເສດ
ທີ່ຈະພົບປະຢ່າງເປັນທາງການ ກັບນາຍົກລັດຖະມົນຕີ Abe ຈົນກວ່າວ່າ ທ່ານໄດ້ “ຂໍ
ຂະມາໂທດຢ່າງຈິງໃຈ" ແລະຈ່າຍເງິນຊົດເຊີຍແກ່ພວກແມ່ຍິງ ບຳເລີຊາວເອເຊຍຫລາຍ
ພັນຄົນ ທີ່ໄດ້ຖືກບັງຄັບໃຫ້ເປັນໂສເພນີ ໂດຍກອງທັບຍີ່ປຸ່ນ ທີ່ໄດ້ເຂົ້າຢຶດຄອງສ່ວນໃຫຍ່
ຂອງເອເຊຍ ຈົນກວ່າສົງຄາມໂລກຄັ້ງທີສອງ ສິ້ນສຸດລົງ.
ການໃຫ້ຄວາມສະໜັບສະໜູນ ຕໍ່ພວກຊາດນິຍົມໃນຍີ່ປຸ່ນ ຂອງທ່ານ Abe ໄດ້ກໍ່ໃຫ້ມີ
ການປະທ້ວງຢູ່ໃນເກົາຫລີໃຕ້ ແລະຈີນ ໂດຍການສະເໜີແນະວ່າ ບັນດາແມ່ຍິງສ່ວນ
ຫລາຍ ບໍ່ໄດ້ຖືກບັງຄັບ ແຕ່ໄດ້ສະໝັກເຮັດວຽກເປັນໂສເພນີໃຫ້ແກ່ ທະຫານ ເພື່ອຜົນ
ປະໂຫຍດທາງການເງິນ.
ແຕ່ໃນເດືອນສິງຫາຜ່ານມານີ້ ທ່ານນາງ Park ໄດ້ສະແດງໃຫ້ເຫັນວ່າ ທ່ານນາງຈະເບິ່ງ
ຂ້າມເຖິງການລະເບີດຂອງທ່ານ Abe ແລະຈະເນັ້ນໜັກໃສ່ຄຳໝັ້ນສັນຍາຂອງທ່ານ ທີ່
ຈະໃຫ້ການເຄົາລົບຕໍ່ການຂໍຂະມາໂທດຜ່ານມາຂອງຍີ່ປຸ່ນ ຮວມທັງຖະແຫລງການຂອງ
ທ່ານ Kono ປີ 1993 ທີ່ໄດ້ສະເໜີ ຂໍຂະມາໂທດ ແລະສະແດງຄວາມເສົ້າເສຍໃຈຕໍ່ພວກ
ແມ່ຍິງບຳເລີທັງຫລາຍນັ້ນ.
