ລິ້ງ ສຳຫລັບເຂົ້າຫາ

site logo
ວັນເສົາ, 21 ພຶດສະພາ 2022

ເກົາຫຼີໃຕ້ ຈະລ່າປາວານ ໂດຍໃຊ້ ການຄົ້ນຄວ້າ ວິທະຍາສາດ ເປັນຂໍ້ອ້າງ


ພວກປະທ້ວງຕໍ່ຕ້ານການຈັບປາວານຖືປ້າຍທີ່ຂຽນວ່າ "Beep your horn for the Whales" ຢູ່ຕໍ່ໜ້າຕຶກອາຄານ ທີ່ ຄະນະກໍາມະການດ້ານການຈັບປາວານສາກົນ ປະຊຸມກັນຢູ່ໃນນະຄອນປານາມາ ໃນວັນທີ 04 ກໍລະກົດ, 2012.

ເກົາຫຼີໃຕ້ເວົ້າວ່າຕົນມີແຜນການທີ່ຈະລ່າປາວານ ພາຍໃຕ້ລະບຽບການທີ່ອານຸຍາດໃຫ້
ຈັບປາວານ​ໄດ້ ເພື່ອໃຊ້ໃນການຄົ້ນຄວ້າວິທະຍາສາດເທົ່ານັ້ນ.

ເກົາຫຼີໃຕ້ໄດ້ປະກາດເຈດຈໍານົງຂອງຕົນ ໃນວັນພຸດວານນີ້ ທີ່ກອງປະຊຸມຂອງຄະນະກໍາ
ມາ​ທິການດ້ານການຈັບປາວານສາກົນ ໃນປະເທດປານາມາ.

ການປະກາດດັ່ງກ່າວ ໄດ້ຖືກປະນາມໃນທັນທີ ໂດຍປະເທດທີ່ຕໍ່ຕ້ານການຈັບປາວານ ຊຶ່ງ
ລວມມີອັອສເຕຣເລຍ ແລະນີວຊີແລນ.

ເກົາຫຼີໃຕ້ເວົ້າວ່າ ການລ່າປາວານທີ່ມີສີດໍາຄໍ້າ ຈະມີຂຶ້ນຢູ່ໃກ້ຝັ່ງທະເລຂອງເກົາ ຫລີ ແຕ່ກໍບໍ່
ໄດ້ເວົ້າລະອຽດວ່າ ຕົນມີແຜນຈະຈັບປາດັ່ງກ່າວນີ້ຫລາຍປານໃດ.

ທ່ານ Joon-Sukkang, ຫົວໜ້ານໍາພາຄະນະຜູ້ແທນເກົາຫລີ​ໃຕ້ເວົ້າວ່າໂຄງການນີ້ແມ່ນຈໍາ
ເປັນຕ້ອງມີ ເພື່ອຈະຊອກຫາຄໍາຕອບຕໍ່ຄໍາຖາມກ່ຽວກັບປາວານ ທີ່ມີສີດໍາຄໍ້າ ທີ່ການຄົ້ນ
ຄວ້າ​ແບບ​ທຳ​ມະ​ດາໆ ບໍ່ສາມາດແກ້ໄຂໄດ້ນັ້ນ.

ຄະນະກໍາມະການດ້ານການຈັບປາວານສາກົນ ໃຫ້ຢຸດລ່າປາວານ ເພື່ອໃຊ້ໃນທາງການຄ້າ
ໃນປີ 1986 ຍ້ອນເປັນຫ່ວງຕໍ່ການມີຊີວິດລອດຂອງປາ ຊະນິດນີ້. ແຕ່ວ່າ ກໍອະນຸຍາດໃຫ້
ມີການຈັບປາວານທີ່ມີຈໍານວນຈໍາກັດ ເພື່ອໃຊ້ ໃນການຄົ້ນຄວ້າ. ຜ່ານມາ ມີແຕ່ຍີ່ປຸ່ນເທົ່ານັ້ນ ທີ່ໄດ້ສືບຕໍ່ການປະຕິບັດ ພາຍໃຕ້ ຂໍ້ຍົກເວັ້ນດັ່ງກ່າວ.

ພວກຕໍານິການຈັບປາວານ ໄດ້ຕິຕຽນການກ່າວອ້າງວ່າເປັນການຄົ້ນຄວ້າຂອງ ຍີ່ປຸ່ນ ໂດຍ
ກ່າວວ່າ ຊີ້ນປາວານທີ່ຫາມາໄດ້ຈາກການລ່ານັ້ນ ແມ່ນເອົາໄປຂາຍໃຫ້ຊາວຍີ່ປຸ່ນກິນ.

XS
SM
MD
LG