ລິ້ງ ສຳຫລັບເຂົ້າຫາ

ວັນອາທິດ, ໐໓ ມີນາ ໒໐໒໔

ເກົາຫຼີໃຕ້ ກ່າວວ່າ ການທົດລອງຍິງ ລູກສອນໄຟ ຈາກເຮືອດຳນ້ຳ ຂອງເກົາຫຼີເໜືອ ເປັນເລື້ອງທີ່ຮ້າຍແຮງ


ພາບຜູ້ນຳເກົາຫຼີເໜືອ Kim Jong Un ຢືນຢູ່ເທິງຫໍຄອຍເຮືືອ
ດຳນ້ຳ ເວລາໄປກວດກາເບິ່ງກອງທັບເຮືອ ຂອງກອງທັບ
ປະຊາຊົນເກົາຫຼີເໜືອ
ພາບຜູ້ນຳເກົາຫຼີເໜືອ Kim Jong Un ຢືນຢູ່ເທິງຫໍຄອຍເຮືືອ ດຳນ້ຳ ເວລາໄປກວດກາເບິ່ງກອງທັບເຮືອ ຂອງກອງທັບ ປະຊາຊົນເກົາຫຼີເໜືອ

ເກົາຫຼີ​ໃຕ້ ​ໄດ້​ສະ​ແດງ​ຄວາມ​ເປັນ​ຫ່ວງ ​ກ່ຽວ​ກັບ​ການ​ທົດ​ລອງ​
ຍິງ​ລູກ​ສອນ​ໄຟ​ຂີ​ປະ​ນາ​ວຸດ​ຈາກ​ເຮືອ​ດຳ​ນ້ຳ ຂອງ​ເກົາຫຼີ​ເໜືອ​
ນັ້ນ ​ໂດຍ​ເອີ້ນ​ວ່າ ມັນ​ເປັນ​ເລື້ອງ “ທີ່ຮ້າຍ​ແຮງ ແລະ​ພາ​ໃຫ້
ເປັນ​ຫ່ວງ​”
​ແລະ​ຮຽກຮ້ອງ​ໃຫ້​ພຽງ​ຢາງ ​ຢຸດຄວາມ​ພະຍາຍາມ
​ທີ່​ຈະ​ພັດທະນາ​ລູກ​ສອນ​ໄຟ​ດັ່ງກ່າວ​ນັ້ນ.

​ເກົາຫຼີ​ເໜືອ​ໄດ້​ປະກາດ​ໃຫ້​ຮູ້​ໃນ​ວັນ​ເສົາ​ມື້ກ່ອນ​ນີ້​ວ່າ ຕົນ​ໄດ້​ທົດ​
ລອງ​ຍິງ​ລູກ​ສອນ​ໄຟ​ຂີ​ປະ​ນາ​ວຸດ​ຈາກ​ເຮືອ​ດຳ​ນ້ຳ ​ຢ່າງ​ສຳ​ເລັດ​ຜົນ
​ແຕ່​ບໍ່​ໄດ້​ບອກເວລາ​ ວັນ​ທີ ຫຼື​ສະຖານ​ທີ່ບ່ອນທົດ​ລອງ ໃຫ້​ຮູ້​ຢ່າງ
​ແນ່ນອນ ຫຼື​ວ່າ ລູກ​ສອນ​ໄຟ​ດັ່ງກ່າວຍິງ​ໄດ້ໄລຍະ​ໄກ​ປານ​ໃດ.

ບັນດາ​ນັກວິ​ເຄາະ ມີ​ຄວາມ​ເຫັນ​ແຕກ​ຕ່າງ​ກັນ​ກ່ຽວ​ກັບ​ວ່າ ​ເກົາຫຼີ​ເໜືອ​ໄດ້ທຳ​ຄວາມ​ຄືບ​ໜ້າຫຼາຍ​ສ່ຳໃດ​ແທ້ ​ໃນ​ໂຄງການ​ພັດທະນາລູກ​ສອນ​ໄຟ​ທີ່​ຍິງ​ຈາກ​ເຮືອ​ດຳ​ນ້ຳ​ນີ້ ​ໂດຍ​ອ້າງເຖິງ​ກອງ​ເຮືອ​ດຳ​ນ້ຳ​ທີ່​ເກົ່າ​ແກ່​ຂອງ​ປະ​ເທດ​.

ທ່ານ Kim Min-seok ​ໂຄສົກ​ປະຈຳ​ກະຊວງ​ປ້ອງ​ກັນ​ປະ​ເທດ​ເກົາຫຼີໃຕ້ ກ່າວ​ຕໍ່​ບັນດາ​
ນັກ​ຂ່າວ​ໃນ​ວັນ​ເສົາ​ຜ່ານ​ມາ​ນີ້​ວ່າ ມີ​ການ​ເຊື່ອກັນ​ວ່າມັນ​ໃຊ້​ເວລາ 4 ຫາ 5 ປີ​ ເພື່ອ​ພັດ
ທະນາ​ເທັກ​ໂນ​ໂລ​ຈີ​ດັ່ງກ່າວ.

ແຕ່​ວ່າ ເຈົ້າ​ໜ້າ​ທີ່​ປ້ອງ​ກັນ​ປະ​ເທດ​ທ່ານ​ນຶ່ງ​ທີ່​ບໍ່​ບອກ​ຊື່​ໃຫ້​ຮູ້ ກ່າວ​ໃນ​ວັນ​ຈັນ​ມື້​ນີ້​ວ່າ ​ເກົາຫຼີເໜືອ​
ສາມາດ​ພັດທະນາ​ເຮືອ​ດຳ​ນ້ຳ​ທີ່ສາມາດປະຕິບັດ​ງານຢ່າງ​ເຕັມ​ສ່ວນ ໃນ​ການ​ຍິງ​ລູກ​ສອນ​ໄຟ
​ຂີ​ປະ​ນາ​ວຸດ​ນັ້ນໄດ້ ພາຍໃນ​ສອງ​ຫຼື​ສາມ​ປີ.

North Korea Missile
please wait
Embed

No media source currently available

0:00 0:00:30 0:00

XS
SM
MD
LG