ເກົາຫລີໃຕ້ກ່າວວ່າ ຕົນຈະໂຈະທຸກກິດຈະກຳຢູ່ທີ່ເຂດອຸດສາ
ຫະກຳ ທີ່ຕົນໄດ້ດຳເນີນງານຮ່ວມກັບເກົາຫລີເໜືອ ເພື່ອເປັນ
ການຕອບໂຕ້ຕໍ່ການທົດລອງນິວເຄລຍ ແລະຍິງລູກສອນໄຟ
ເມື່ອໄວໆມານີ້ຂອງເກົາຫຼີເໜືອ.
ລັດຖະມົນຕີທ້ອນໂຮມຊາດຂອງເກົາຫຼີໃຕ້ທ່ານ Hong Yong-
pyo ກ່າວຕໍ່ພວກນັກຂ່າວໃນວັນພຸດມື້ນີ້ວ່າ ເກົາຫລີໃຕ້ ໄດ້ເອົາ
ບາດກ້າວດັ່ງກ່າວ ເພື່ອປ້ອງກັນບໍ່ໃຫ້ພຽງຢາງ ໃຊ້ກຳໄລ ຈາກ
ເຂດອຸດສາຫະກຳຮ່ວມ Kaesong ສະໜັບສະໜຸນ ໂຄງການ
ນິວເຄລຍແລະລູກສອນໄຟຂີປະນາວຸດຂອງຕົນ.
ທ່ານ Hong ເວົ້າວ່າ ຄວາມຈິງແລ້ວ ສະຖານະການຍັງສືບຕໍ່ ໂດຍປາສະຈາກການປ່ຽນ
ແປງໃດໆ ບໍ່ໄດ້ໝາຍຄວາມວ່າສະພາບການຍັງຈະຄືເກົ່າ ແຕ່ກັບໝາຍຄວາມວ່າ ຄວາມ
ສາມາດທາງດ້ານນິວເຄລຍຂອງເກົາຫຼີເໜືອແມ່ນສູງຕື່ມຂຶ້ນຊຶ່ງອາດຈະນຳໄປສູ່ໄພພິບັດ
ທີ່ຮ້າຍແຮງ. ຖ້າເກົາຫລີເໜືອຫາກຖືກປະປ່ອຍໄວ້ດັ່ງທີ່ເປັນຢູ່ ພ້ອມກັບອາວຸດນິວເຄລຍ
ແລະການພັດທະນາລູກສອນໄຟແລ້ວ ສະຖານະການ ອາດຈະນຳໄປສູ່ ພື້ນຖານທີ່ບໍ່ມີ
ຄວາມກ້ຳເກິ່ງ ແລະເປັນໄພຂົ່ມຂູ່ບໍ່ພຽງແຕ່ຕໍ່ແຫຼມເກົາຫລີເທົ່ານັ້ນແຕ່ຍັງເປັນໄພຂົ່ມຂູ່ຕໍ່
ຄວາມໝັ້ນຄົງຢູ່ໃນເຂດເອເຊຍຕາເວັນອອກນຳດ້ວຍ. ນອກນັ້ນແລ້ວ ປະເທດຕ່າງໆທີ່ຢູ່
ໃນຂົງເຂດນີ້ ຈະຖືກບັງຄັບ ໃຫ້ເອົາມາດຕະການ ເພື່ອຄວາມຢູ່ລອດຂອງຕົນເອງ ແລະ
ຄວາມໝັ້ນຄົງ. ແລະກໍມີຄວາມວິຕົກກັງວົນວ່ານີ້ອາດຈະນຳໄປສູ່ປາກົດການໂດມີໂນໃນ
ດ້ານນິວເຄລຍ.
ທ່ານ Hong ກ່າວວ່າ ມີການແຈ້ງໃຫ້ເກົາຫຼີເໜືອຊາບແລ້ວ ກ່ຽວກັບການຕັດສິນໃຈຂອງ
ເກົາຫຼີໃຕ້ທີ່ຈະອັດເຂດອຸດສາຫະກຳຮ່ວມ Kaesong ທີ່ຕັ້ງເລິກເຂົ້າໄປ ໃນເກົາຫຼີເໜືອ
ຫ່າງຈາກເຂດຊາຍແດນປະມານ 10 ຫລັກກິໂລແມັດ. ບັນດາຜູ້ຈັດການຂອງເກົາຫລີໃຕ້
ທັງໝົດຢູ່ທີ່ເຂດອຸດສາຫະກຳດັ່ງກ່າວ ໄດ້ຖືກຮຽກໂຕໃຫ້ກັບຄືນປະເທດແລ້ວ.
ເຂດອຸດສາຫະກຳດັ່ງກ່າວນີ້ ເລີ້ມເປີດເປັນເທື່ອທຳອິດໃນປີ 2004 ໃນຖານະທີ່ເປັນສັນ
ຍາລັກການຮ່ວມມືຂ້າມຊາຍແດນແລະການສ້າງຄວາມປອງດອງຊາດ. ມີບໍລິສັດເກົາຫຼີ
ໃຕ້ ປະມານ 124 ບໍລິສັດເປີດກິດຈະການຂອງຕົນຢູ່ເຂດອຸດສາຫະກຳຮ່ວມ Kaesong
ທີ່ໄດ້ວ່າຈ້າງພວກຄົນງານເກົາຫຼີເໜືອ ຫຼາຍກວ່າ 53,000 ຄົນ. ເຂດອຸດສາຫະກຳນີ້ໄດ້
ກາຍເປັນແຫລ່ງລາຍຮັບທີ່ສຳຄັນ ສຳລັບຊາວເກົາຫຼີ ເໜືອທີ່ທຸກຍາກ ແຕ່ກໍເຄີຍປິດມາ
ແລ້ວກ່ອນໜ້ານີ້ ເທື່ອທຳອິດແມ່ນໃນປີ 2013 ເວລາເກົາຫຼີເໜືອຖອນຄົນງານຂອງຕົນ
ແລະປິດເຂດອຸດສາຫະກຳນີ້ເປັນເວລາ 5 ເດືອນໃນລະຫວ່າງທີ່ເກີດຄວາມເຄັ່ງຕຶງຂ້າມ
ຊາຍແດນ.
