ເກົາຫລີໃຕ້ ກ່າວວ່າ ຕົນໄດ້ທົດລອງລູກສອນໄຟຂີປະນາວຸດ
ທີ່ສາມາດໂຈມຕີ ເປົ້າໝາຍໃດໆກໍໄດ້ ຢູ່ໃນເກົາຫລີເໜືອ ໃນ
ອັນທີ່ເບິ່ງກັນວ່າເປັນການຕອບໂຕ້ຕໍ່ ການທ້າທາຍທາງທະ
ຫານໂດຍພຽງຢາງ ເມື່ອໄວໆມານີ້.
ບັນດາເຈົ້າໜ້າທີ່ປ້ອງກັນປະເທດຂອງເກົາຫຼີໃຕ້ກ່າວວ່າ ປະ
ທານາທິບໍດີ Park Geun-hye ໄດ້ໄປເບິ່ງດ້ວຍຕົນເອງ
ການຍິງທີ່ປະສົບຜົນສຳເລັດໃນວັນພຸດມື້ນີ້ ຢູ່ທີ່ບ່ອນຍິງແຫ່ງ
ນຶ່ງ ທາງພາກໃຕ້ ຂອງເກົາຫລີໃຕ້.
ລູກສອນໄຟນີ້ ມີລັດສະໝີຍິງໄດ້ 500 ກິໂລແມັດ ແລະສາມາດ
ຍິງ ໃສ່ເປົ້າໝາຍໃດໆກໍໄດ້ຢູ່ໃນເກົາຫລີເໜືອ ອີງຕາມເຈົ້າໜ້າທີ່ ຜູ້ທີ່ກ່າວເພີ້ມເຕີມວ່າ
ເທັກໂນໂລຈີ ດັ່ງກ່າວຈະນຳເຂົ້າປະຈຳການ ໃນທ້າຍປີນີ້.
ອາວຸດຊະນິດນີ້ ໄດ້ຖືກພັດທະນາໂດຍ ໂຊລ ຫລັງຈາກໄດ້ມີການຕົກລົງກັບ ສະຫະລັດ
ໃນປີ 2012 ທີ່ໄດ້ເພີ້ມລັດສະໝີຂອງລູກສອນໄຟຂີປະນາວຸດຂອງ ເກົາຫລີໃຕ້ຂຶ້ນເປັນ
ເກືອບສາມເທົ່າ.
ເກົາຫລີໃຕ້ໄດ້ຂະຫຍາຍ ຄັງລູກສອນໄຟຂີປະນາວຸດ ເພື່ອເປັນການຕອບໂຕ້ຕໍ່ການຂົ່ມ
ຂູ່ທີ່ເພີ້ມທະວີຂຶ້ນ ໂດຍໂຄງການນິວເຄລຍ ແລະລູກສອນໄຟຂອງ ເກົາ ຫລີເໜືອ.
ຫວ່າງມໍໆມານີ້ ເກົາຫລີເໜືອ ກ່າວວ່າ ຕົນໄດ້ປະສົບຄວາມສຳເລັດ ໃນການທົດລອງລູກ
ສອນໄຟຂີປະນາວຸດ ຍິງຈາກເຮືອດຳນໍ້າ ທີ່ຈະເພີ້ມລັດສະໝີຂອງ ລູກສອນໄຟຂີປະນາ
ວຸດເກົາຫລີເໜືອ ອອກໄປຢ່າງຫຼວງຫຼາຍນັ້ນ.
ພຽງຢາງຍັງກ່າວໃນເດືອນແລ້ວນີ້ວ່າ ຕົນໄດ້ປະສົບຜົນສຳເລດດ້ານເທັກໂນໂລຈີທີ່ຈຳ
ເປັນ ເພື່ອຕິດຕັ້ງຫົວລະເບີດນິວເຄລຍຂະນາດນ້ອຍ ໃສ່ລູກສອນໄຟ ຂີປະນາວຸດ ທີ່ສາ
ມາດຍິງໄດ້ໃນໄລຍະໄກ.
ບັນດານັກວິເຄາະຕ່າງປະເທດ ແລະນັກວິເຄາະທງາທະຫານຈຳນວນຫລວງ ຫລາຍ ພາ
ກັນກ່າວວ່າ ການກ່າວອ້າງເອົາດັ່ງກ່າວ ມີທ່າທາງວ່າເປັນການເວົ້າໂຍກເກີນຄວາມຈິງ
ແຕ່ກໍເຕືອນວ່າ ພຽງຢາງກຳລັງທຳຄວາມຄືບໜ້າຢູ່ໃນທັງສອງດ້ານ.
