ເຮືອລຳນຶ່ງຂອງກອງທັບເຮືອເກົາຫຼີໃຕ້ ໄດ້ຍິງປືນເຕືອນ ໃນວັນ
ອັງຄານມື້ນີ້ ຫຼັງຈາກທີ່ ເຮືອລາດຕາເວນຂອງເກົາຫຼີເໜືອໄດ້ແລ່ນ
ຂ້າມເຂົ້າໄປໃນເຂດນ່ານນ້ຳ ຂອງເກົາຫລີໃຕ້ໃນເຂດທະເລເຫຼືອງ
ທີ່ເຄັ່ງຕຶງນັ້ນ ອີງຕາມລາຍງານຂອງເກົາຫຼີໃຕ້.
ກອງທັບເກົາຫຼີໃຕ້ ໄດ້ກ່າວວ່າ ເຮືອຂອງເກົາຫຼີເໜືອ ໄດ້ແລ່ນກັບ
ຄືນຢ່າງວ່ອງໄວ ເຂົ້າ ໄປໃນເຂດນ່ານນ້ຳຂອງຕົນ ໃນອັນທີ່ເອີ້ນ
ວ່າເສັ້ນແບ່ງຊາຍແດນທາງທະເລກ້ຳຕາເວັນຕົກຂອງປະເທດ ຫລັງຈາກໄດ້ມີການຍິງປືນເຕືອນ.
ຍັງບໍ່ທັນມີຮ່ອງຮອຍສະແດງໃຫ້ເຫັນເທື່ອວ່າ ການລ່ວງລະເມີດ
ດັ່ງກ່າວຊຶ່ງໄດ້ເກີດຂຶ້ນປະມານເວລາ 10 ໂມງ 20 ຕອນເຊົ້າ ຕາມເວລາໃນທ້ອງຖິ່ນ ແມ່ນເປັນຄວາມຕັ້ງໃຈຫຼືບໍ່. ລັດຖະບານເກົາຫຼີເໜືອ ຍັງບໍ່ທັນໄດ້ໃຫ້ຄວາມເຫັນແຕ່ຢ່າງໃດ ຕໍ່
ເຫດການໃນຄັ້ງນີ້.
ການລ່ວງລ້ຳດັ່ງກ່າວ ບໍ່ແມ່ນເລື້ອງທີ່ຜິດປົກກະຕິ ນັບຕັ້ງແຕ່ເກົາຫຼີເໜືອ ບໍ່ເຄີຍຍອມຮັບ ເສັ້ນແບ່ງເຂດແດນໃນທະເລເຫຼືອງ ທີ່ໄດ້ກຳນົດໂດຍອົງການສະຫະປະຊາຊາດ ໃນຕອນເສັດສິ້ນລົງ ຂອງສົງຄາມເກົາຫຼີ.
ເຫດການນ້ອຍໆໃນເຂດຊາຍແດນ ບາງຄັ້ງມັນສາມາດພາໃຫ້ເກີດການປະທະກັນຢ່າງຈິງຈັງໄດ້ ຢ່າງເຊັ່ນໃນປີ 2010 ເວລາເຮືອເກົາຫຼີເໜືອ ໄດ້ຍິງໂຈມຕີເກາະ Yeonpyeong ຊຶ່ງໄດ້ສັງຫານ 4 ຄົນ ນັ້ນ.
ໃນທາງເທັກນິກແລ້ວ ປະເທດທັງສອງຍັງຖືວ່າຢູ່ໃນສະພາບສົງຄາມກັນຢູ່ ນັບຕັ້ງແຕ່ບັນຫາ
ຂັດແຍ້ງໃນຊຸມປີ 1950 ໄດ້ສິ້ນລົງດ້ວຍການສະຫງົບເສິກ ແທນທີ່ຈະເປັນຂໍ້ຕົກລົງສັນຕິ
ພາບ.
