ໃນວັນສຸກມື້ນີ້ິ ເກົາຫລີໃຕ້ ໄດ້ໃຫ້ການຢືນຢັນເຖິງການເສຍຊິ
ວິດ ຂອງຜູ້ເຄາະຮ້າຍຄົນທີສີ່ ທີ່ຕິດພະຍາດລະບົບຫາຍໃຈ
ຮ້າຍແຮງຈາກພາກຕາເວັນອອກກາງ ຫລື MERS ຊຶ່ງໄດ້ລະ
ບາດ ແລະຕິດແປດໃສ່ຫລາຍສິບຄົນ ຢູ່ໃນປະເທດດັ່ງ ກ່າວ.
ບັນດາເຈົ້າໜ້າທີ່ການແພດ ກ່າວວ່າ ຜູ້ຊາຍອາຍຸ 76 ປີໄດ້
ເສຍຊີວິດໃນວັນພະຫັດວານນີ້.
ປະມານ 1,600 ຄົນໄດ້ຖືກແຍກໄວ້ຕ່າງຫາກ ຢູ່ໃນເກົາຫລີ
ໃຕ້ ສ່ວນຫຼາຍແມ່ນ ຢູ່ຕາມບ້ານເຮືອນ ແຕ່ສ່ວນນຶ່ງແມ່ນຢູ່
ຕາມ ສະຖາບັນການແພດຕ່າງໆ. ການແຜ່ລະບາດຍັງໄດ້
ບັງຄັບໃຫ້ປິດໂຮງຮຽນຫລາຍຮ້ອຍແຫ່ງ ແລະມະຫາວິທະຍາໄລຕ່າງໆໃນປະເທດນຳ
ດ້ວຍ.
ປະທານາທິບໍດີ ເກົາຫລີໃຕ້ ທ່ານນາງ Park Geun-hye ໄດ້ສັ່ງໃຫ້ເຮັດທຸກຢ່າງເພື່ອ
ຍຸດຕິການແຜ່ລະບາດ ຊຶ່ງໄດ້ເລີ້ມຂື້ນເມື່ອສອງອາທິດກ່ອນ ທີ່ໄດ້ນຳເຂົ້າມາໃນປະເທດ
ໂດຍຜູ້ຊາຍຄົນນຶ່ງ ທີ່ໄດ້ເດີນທາງກັບຄືນມາຈາກເຮັດທຸລະກິດ ຢູ່ພາກຕາເວັນອອກກາງ.
ພະຍາດ MERS ແມ່ນເຊື້ອໄວຣັສ ທີ່ພົວພັນກັບເຊື້ອທີ່ໄດ້ຕິດແປດໃສ່ຫລາຍພັນຄົນໃນ
ປີ 2003 ໃນການລະບາດ ຂອງໂຣກລະບົບຫາຍໃຈຢ່າງຮ້າຍແຮງ ຫລືໂຣກ SARS ຊຶ່ງ
ໃນເວລານີ້ຍັງບໍ່ສາມາດປິ່ນປົວບໍ່ໄດ້ ຫລືມີວັກຊິນປ້ອງກັນ ໃດໆເລີຍ. ໂຣກນີ້ມີລາຍ
ງານວ່າ ເກີດເທື່ອທຳອິດຢູ່ໃນປະເທດ ຊາອຸດີ ອາຣາເບຍ ໃນປີ 2012 ແລະນັບແຕ່ນັ້ນ
ມາ ໄດ້ແຜ່ລາມອອກໄປສູ່ປະເທດອື່ນໆ.
