ກະຊວງປ້ອງກັນປະເທດເກົາຫຼີໃຕ້ ກ່າວວ່າ ເກົາຫຼີເໜືອ ປາກົດວ່າ
ໄດ້ສຳເລັດຜົນໃນຂັ້ນ “ສຳຄັນ” ໃນດ້ານເທັກໂນໂລຈີ ເພື່ອເຮັດ
ໃຫ້ອາວຸດນິວເຄລຍມີຂະໜາດນ້ອຍລົງ ຊຶ່ງມັນສາມາດນຳໄປປະ
ກອບໃສ່ຫົວຂີປະນາວຸດໄດ້ນັ້ນ.
ກະຊວງດັ່ງກ່າວ ໄດ້ປະກາດຂ່າວເລື້ອງນີ້ ໃນສຳນວນເອກະສານ
ຂາວ ທີ່ເປີດເຜີຍໃນວັນອັງຄານມື້ນີ້. ກະຊວງກ່າວຕື່ມວ່າ ເກົາຫຼີ
ເໜືອ ຍັງບໍ່ໄດ້ສະແດງອອກມາເທື່ອ ຄວາມສາມາດໃນດ້ານ
ການຫຍໍ້ລົງດັ່ງກ່າວນັ້ນ.
ກະຊວງປ້ອງກັນປະເທດ ກ່າວວ່າ ພຽງຢາງ ໄດ້ມີທາດ plutonium
ຊະນິດນຳມາໃຊ້ເປັນອາວຸດ ຈຳນວນ 40 ກິໂລກຣາມ ໂດຍການນຳເອົາແທ່ງພະລັງນິວເຄລຍ ທີ່ໝົດຄຸນແລ້ວນັ້ນ ມາຜ່ານຂະບວນການກັ່ນອີກເທື່ອໜຶ່ງ. ໂຊລ ກ່າວວ່າ ເກົາຫຼີເໜືອ ແມ່ນກຳລັງທຳງານ ໃນໂຄງການກັ່ນທາດ uranium ໃຫ້ສົມບູນຂຶ້ນ.
ເປັນທີ່ເຊື່ອກັນວ່າ ເກົາຫຼີເໜືອນັ້ນ ມີຄວາມອາດສາມາດ ປະດິດສ້າງຂີປະນາວຸດ ທີ່ຈະ
ຍິງໄປເຖິງ ດິນແດນຂອງສະຫະລັດໄດ້. ພວກເຂົາໄດ້ທຳການທົດລອງ ຂີປະນາວຸດ
ລະຍະຍາວ ຫຼາຍໆຄັ້ງມາແລ້ວ.
ອົງການຂ່າວ Yonhap ຂອງເກົາຫຼີໃຕ້ ໄດ້ອ້າງເຖິງຄຳເວົ້າຂອງ ເຈົ້າໜ້າທີ່ກະຊວງປ້ອງ
ກັນປະເທດ ທີ່ບໍ່ລະບຸຊື່ຄົນໜຶ່ງ ທີ່ກ່າວວ່າ ເປັນທີ່ເຊື່ອກັນວ່າ ເກົາຫຼີເໜືອ ໄດ້ເພີ້ມໄລຍະ
ຄວາມໄກ ຂອງຂີປະນາວຸດໜຶ່ງ ໃນຈຳນວນຂີປະນາວຸດທັງຫຼາຍຂອງຕົນນັ້ນ ຈາກ 7,000
ກິໂລແມັດ ໄປເປັນ 10,000 ກິໂລແມັດ ແຕ່ ບໍ່ມີຫລັກຖານໃດ ຢັ້ງຢືນໄດ້ວ່າ
ພຽງຢາງໄດ້ນຳເອົາຂີປະນາວຸດດັ່ງກ່າວນັ້ນ ມາໃຊ້ໃນກອງທັບ.
