ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຊາວເກົາຫລີໃຕ້ປະທ້ວງສະພາ ທີ່ໃຫ້ສັດຕະຍາບານ ຂໍ້ຕົກລົງການຄ້າເສລີ ກັບສະຫະລັດ


ຊາວເກົາຫລີໃຕ້ປະທ້ວງຕໍ່ຕ້ານລັດຖະບານ ທີ່ໃຫ້ສັດຕະຍາກັນການຄ້າເສລີ ກັບສະຫະລັດ ທີ່ນະຄອນຫລວງໂຊລ
ຊາວເກົາຫລີໃຕ້ປະທ້ວງຕໍ່ຕ້ານລັດຖະບານ ທີ່ໃຫ້ສັດຕະຍາກັນການຄ້າເສລີ ກັບສະຫະລັດ ທີ່ນະຄອນຫລວງໂຊລ

ມີ​ປະຊາຊົນ​ຢ່າງ​ໜ້ອຍ 2,000 ຄົນ ​ໄດ້​ໄປ​ເຕົ້າ​ໂຮມ​ກັນ​ຢູ່​ທີ່​ເມືອງ​ຫລວງ ຂອງ​ເກົາ​ຫລີ​ໃຕ້
ໃນ​ຄໍ່າວັນ​ເສົາ​ວານ​ນີ້ ​ເພື່ອ​ປະ​ທ້ວງ​ການ​ໃຫ້​ສັດຕະຍາ​ບັນ​ຂອງ​ສະ​ພາ​ແຫ່ງ​ຊາດ ຕໍ່​ຂໍ້​ຕົກ
ລົງ​ການ​ຄ້າ​ເສລີ​ກັບ​ສະຫະລັດ.

ພວກ​ປະ​ທ້ວງ​ຢູ່​ໃນ​ນະຄອນຫລວງ​ໂຊ​ລຂອງ​ເກົາຫລີ​ໃຕ້ ​ໄດ້ຖືແລະ​ໄຕ້ທຽນ​ໄຂ​ແລະ​ພ້ອມ​
ກັບ​ຮ້ອງ​ໂຮ​ຄໍາ​ຂວັນ​ຕ່າງໆ​ທີ່​ຕໍ່ຕ້ານ​ຂໍ້​ຕົກລົງ​ດັ່ງກ່າວ ​ທີ່ພວກ ​ເຂົາ​ເຈົ້າຮູ້ສຶກ​ວ່າ​ ມັນ​ຈະ​ກະ
ທົບກະ​ເທືອ​ນຕໍ່ຊາວ​ເກົາຫລີໃຕ້​ທັງຫລາຍ ​ໂດຍສະ​ເພາະ​ພວກ​ຊາວນາ​ຊາວ​ສວນ​ແລະ​ພວກ​
ພໍ່ຄ້າ​ປີກ​ຍ່ອຍ. ພວກ​ປະ​ທ້ວງ​ໄດ້​ປະ​ທະ​ກັບ​ຕໍາຫລວດ ​ຢູ່​ທີ່​ຈະຕຸ​ລັດ​ໃຫຍ່​ຂອງ​ເມືອງ​ຫລວງ
ໂຊ​ລ.

ພວກ​ສະມາຊິກ​ສະພາ​ຝ່າຍ​ຄ້ານ​ໄດ້​ເຂົ້າຮ່ວມ​ກັບ​ການ​ໂຮມ​ຊຸມນຸມປະ​ທ້ວງ ​ໂດຍ​ໄດ້​ກ່າວ​ປະ
ນາມ​ລັດຖະບານ​ຂອງ​ປະທານາທິບໍດີ ລີ ມຽງ​ບັກ ​ແລະ ພັກ​ປົກຄອງ​ປະເທດ Grand
National Party ທີ່​ໄດ້​ຜັກ​ດັນ​ຂໍ້​ຕົກລົງ​ດັ່ງກ່າວ​ຜ່ານສະພາ​ແຫ່ງ​ຊາດ. ພວກ​ປະ​ທ້ວງ
ບາງ​ຄົນ​ໄດ້​ທວງ​ໃຫ້​ປະທາ ນາ​ທິບໍ​ດີ​ລາ​ອອກ ​ໂດຍ​ກ່າວ​ຫາ​ທ່ານ​ວ່າ ​ໄດ້​ເຊັນ​ຂໍ້​ຕົກລົງ​ທີ່​ໃຫ້
ປະ​ໂຫຍ​ດແກ່ສະຫະລັດ ຫລາຍ​ກ່ວາ​ເກົາຫລີ​ໃຕ້.

ພວກຄັດ​ຄ້ານ​ໄດ້​ອອກ​ມາ​ປະ​ທ້ວງ​ຕາມ​ຖະໜົນ​ຫົນທາງ ນັບ​ຕັ້ງ​ແຕ່​ສະພາ ​ໄດ້​ໃຫ້​ສັດຕະ​ຍາ​
ບັນ​ແກ່​ສັນຍາ​ການ​ຄ້າ​ເສລີ​ກັບ​ສະຫະ​ລັດ ​ເມື່ອວັນ​ອັງຄານ​ຜ່ານ​ມາ​ນີ້.

ທາງພວກ​ສະໜັບສະໜຸນ​ກ່າວ​ວ່າ ຂໍ້​ຕົກລົງ​ການ​ຄ້າ​ເສລີ​ນີ້ ​ແມ່ນ​ຈະ​ເພີ່ມ​ສິນຄ້າສົ່ງ​ອອກ
ແລະ​ສ້າງ​ໜ້າ​ວຽກ​ໃຫ້​ແກ່​ເກົາຫລີ​ໃຕ້.

ສະຫະລັດໄດ້​ຮັບຮອງ​ເອົາຂໍ້​ຕົກລົງ​ດັ່ງ​ກ່າ​ວທີ່ໄດ້​ມີ​ການ​ຊັກຊ້າມາ​ເປັນ​ເວລາ​ດົນ​ນານນັ້ນ
ເມື່ອເດືອນ​ຜ່ານ​ມາ ຫລັງ​ຈາກ​ຢຸດ​ຊະ​ງັກບໍ່​ໄປ​ບໍ່​ມາໄດ້​ສີ່​ປີ.

XS
SM
MD
LG