ເກົາຫຼີໃຕ້ໄດ້ສົ່ງສານສະບັບນຶ່ງໄປຍັງເກົາຫຼີເໜືອ ສະເໜີໃຫ້ມີ
ການພົບປະກັນໃນລະດັບສູງ ເພື່ອໂອ້ລົມສົນທະນາກັນເລື້ອງ
ຕ່າງໆທີ່ມີຜົນປະໂຫຍດຮ່ວມກັນ ຮວມທັງການທ້ອນໂຮມພວກ
ຄອບຄົວ ທີ່ໄດ້ພັດພາກຈາກກັນຍ້ອນສົງຄາມເກົາຫຼີນັ້ນນຳ.
ສານສະບັບທີ່ສົ່ງໄປໃນວັນຈັນມື້ນີ້ ສະເໜີໃຫ້ມີການພົບປະກັນ
ໃນວັນທີ 19 ສິງຫາເດືອນນີ້ ທີ່ໝູ່ບ້ານຢຸດຍິງ ປັນມູນຈອມ.
ການພົບປະກັນຄືນລະຫວ່າງຄອບຄົວຂອງສອງເກົາຫຼີຄັ້ງຫຼ້າສຸດ
ແມ່ນມີຂຶ້ນໃນເດືອນກຸມພາຕົ້ນປີນີ້ ຊຶ່ງເປັນຄັ້ງທຳອິດໃນຮອບ 3 ປີປາຍຜ່ານມາ.
ປະທານາທິບໍດີ Park Geun-hye ແຫ່ງເກົາຫຼີໃຕ້ ໄດ້ສະເໜີໃຫ້ສອງຝ່າຍທີ່ເປັນຄູ່
ປໍລະປັກກັນ ຈັດການພົບປະລະຫວ່າງພວກຄອບຄົວຢ່າງສະໝ່ຳສະເໝີ ເພາະວ່າ
ເວລາຍັງເຫຼືອໜ້ອຍຫຼາຍສຳລັບພວກປະຊາຊົນສູງອາຍຸ ທີ່ໄດ້ຖືກພັດພາກຈາກກັນ
ຍ້ອນການເມືອງແລະສົງຄາມທີ່ເກີດຂຶ້ນໃນຕົ້ນຊຸມປີ 1950 ນັ້ນ.
ໄດ້ມີການພົບປະລະຫວ່າງຄອບຄົວຫຼາຍຄັ້ງ ນັບແຕ່ໂຄງການນີ້ໄດ້ເລີ້ມຂຶ້ນທຳອິດໃນ
ປີ 1985 ແຕ່ຄວາມຖີ່ຂອງການພົບປະກັນນັ້ນ ແມ່ນປ່ຽນແປງ ໄປຕາມສະພາບການ
ຂອງສາຍພົວພັນລະຫວ່າງສອງເກົາຫຼີ.
ວີດີໂອ ກ່ຽວກັບການເຕົ້າໂຮມກັນຄືນ ລະຫວ່າງຄອບຄົວຊາວເກົາຫຼີເມື່ອຕົ້ນປີນີ້:
