ປະທານາທິບໍດີ ເກົາຫຼີໃຕ້ ຮັບເອົາ ການລາອອກ ຂອງ ນາຍົກລັດຖະມົນຕີ (ວີດີໂອ)

ທຳນຽບປະທານາທິບໍດີ ​ປັກ​ເກິ​ນ​ເຮ ​ແຫ່ງ​ເກົາຫຼີ​ໃຕ້ ກ່າວ​ວ່າ
ທ່ານ​ນາງ​ຈະ​ຮັບ​ເອົາ​ການ​ລາ​ອອກ​ຈາກ​ຕຳ​ແໜ່​ງຂອງ​ນາຍົກ
ລັດຖະມົນຕີເກົາຫຼີໃຕ້ ​ແຕ່​ຈະ​ບໍ່​ໃຫ້​ລາ​ອອກ ​ຈົນ​ກວ່າ​ເລື້ອງ​
ເຮືອ​ຂ້າມ​ຟາກ Sewol ຫຼົ້ມຢູ່​ພາຍ​ໃຕ້​ການ​ຄວບຄຸມ​ເສຍ​
ກ່ອນ.

ນາຍົກລັດຖະມົນຕີ Chung Hong-won ​ໄດ້​ຍື່ນໃບ​ລາ​ອອກ​
ຈາກ​ຕຳແໜ່​ງ​ໃນ​ເຊົ້າ​ວັນ​ອາທິດ​ມື້​ນີ້ລຸນ​ຫຼັງ​ທີ່​ປະຊາ​ຊົນໄດ້ສະ
ແດງຄວາມບໍ່ພໍໃຈ ​ກ່ຽວ​ກັບ​ການ​ຮັບ​ມື​ຂອງ​ລັດຖະບານ​ ​ກ່ຽວ​ກັບ
​ໄພພິບັດ​ເຮືອ​ຂ້າມ​ຟາກ​ຫຼົ້ມໃນ​ວັນ​ທີ 16 ​ເມສາຜ່ານມາ​ນີ້ ຊຶ່ງ​ໄດ້​
ເຮັດ​ໃຫ້​ປະຊາຊົນ​ ຈຳນວນ​ຫຼາຍ​ກວ່າ 300 ຄົນ​ເສຍ​ຊີວິດ​ ຫລື
ຍັງ​ຫາຍ​ສາບ​ສູນ​ໄປ​ຢູ່ ​ໃນ​ເວລາ​ນີ້.

ທ່ານ Chung ທີ່ຢູ່​ໃນ​ອາການ​ໂສກ​ເສົ້າ ​ໄດ້​ປະກາດ​ລາ​ອອກ​ຈາກ​ຕຳ​ແໜ່​ງໃນ​ການ​ປາ​
ໄສທາງ​ໂທລະພາບ​ເປັນ​ເວລາ​ສັ້ນໆ​ໃນ​ເຊົ້າ​ວັນ​ອາທິດມື້​ນີ້ ​ໂດຍ​ກ່າວ​ວ່າ “ການ​ຮັກສາ​
ຕຳ​ ແໜ່​ງຂອງ​ຂ້າພະ​ເຈົ້າ​ໄວ້ຕໍ່​ໄປຈະ​ເປັນ​ພາລະ​ແບກ​ຫາບ​ໜັກ​ໂພດ​ສຳລັບລັດ
ຖະບານ.” ຕຳ​ແໜ່​ງນາຍົກ ລັດຖະມົນຕີ​ໃນ​ເກົາຫຼີ​ໃຕ້ສ່ວນ​ໃຫຍ່​ເປັນ​ພຽງ​ພິທີການ​ຊື່ໆ
ຊຶ່ງ​ອຳນາດສ່ວນ​ຫຼາຍ​ແລ້ວ​ແມ່ນ​ປະທານາທິບໍດີ​ເປັນ​ຜູ້​ດຳ​ເນີນ​ການ.

​ເຮືອ​ຂ້າມ​ຟາກ Sewol ຂະໜາດ 6800 ​ໂຕນ ທີ່​ບັນທຸກ​ພວກ​ນັກຮຽນ​ແລະ​ນາຍຄູ​
ຫຼາຍ​ຮ້ອຍ​ຄົນ​ໄປ​ທັດສະນະ​ສຶກສາທີ່​ເກາະ Jesu ​ໃນພາກຕາ​ເວັນ​ຕົກ​ສຽງ​ໃຕ້​ຂອງ​
ເກົາຫຼີ​ໃຕ້ເວລາ​ມັນ​ເກີດ​ອຸບັດ​ເຫດປີ້ນ​ຂວ້ຳ​ແລະຈົມ​ລົງ​ທະເລນັ້ນ.

​ໄພພິບັດ​ດັ່ງກ່າວ​ໄດ້​ສ້າງຄວາມສະ​ເທືອ​ນຈິດ​ໃຈ​ແລະ​ຄວາມ​ໂກດ​ແຄ້ນ​ຈາກ​ປະຊາ
ຊົນ​ໃນ​ເກົາຫຼີ​ໃຕ້ ພ້ອມ​ດ້ວຍ​ການ​ຕຳ​ໜິຕິຕຽນ​ຢ່າງ​ແຜ່​ຫຼາຍ​ທີ່​ແນ​ໃສ່​ພວກ​ລູກ​ເຮືອ​
ຂອງ​ກຳ​ປັ່ນ​ລຳ​ນີ້ໂດຍ​ກົງ ທີ່​ພາກັນ​ຫລົບໜີ​ຈາກ​ເຮືອກ່ອນ​ຈະ​ທຳ​ການ​ຊ່ອຍ​ກູ້​ພວກ​
ຄົນ​ໂດຍສານ​ຢ່າງ​ເຕັມ​ທີ່​ເສຍ​ກ່ອນ​ນັ້ນ.

​ໃນ​ການ​ປະກາດ​ລາ​ອອກ​ຈາກ​ຕຳ​ແໜ່​ງຂອງ​ທ່ານ ນາຍົກລັດຖະມົນຕີ ເກົາຫຼີໃຕ້
ກ່າວ​ວ່າ ທ່ານ​ຢາກ​ລາ​ອອກ​ຈາກ​ຕຳ​ແໜ່​ງກ່ອນ​ໜ້າ​ນີ້​ແຕ່​ການ​ກຳກັບ​ດູແລ​ການ​
ຊ່ອຍ​ກູ້ໄພແລະ​ຄວາມ​ພະຍາຍາມ​ຕ່າງໆ​ເພື່ອ​ຟື້ນ​ໂຕ​ຄືນ ​ແມ່ນເປັນບູລິ​ມະ​ສິດ​
ກ່ອນໝູ່ ​ແລະ​ວ່າ ທ່ານ​ຢາກ​ຊ່ອຍ​ເຫຼືອໃນ​ເລື້ອງ​ນີ້ ກ່ອນ​ຈະ​ອອກ​ຈາກ​ຕຳ​ແໜ່​ງ​
ໄປ​ນັ້ນ.