ລິ້ງ ສຳຫລັບເຂົ້າຫາ

ລັດຖະບານເກົາຫຼີໃຕ້ມີແຜນການທີ່ຈະເພີ້ມການໃຫ້ຄວາມຊ່ອຍ
ເຫຼືອແກ່ ສປປ ລາວ ຂຶ້ນເປັນຫລາຍກວ່າສອງເທົ່າໃນສົກງົບປະ
ມານໜ້າ.

ສື່ມວນຊົນເກົາຫຼີໃຕ້ລາຍງານວ່າ ກະຊວງການຕ່າງປະເທດເກົາ ຫລີໃຕ້ມີແຜນຈະອະນຸມັດເງິນຊ່ອຍເຫຼືອຈາກກອງທຶນເພື່ອການ
ພັດທະນາຂອງທາງການຫຼື ODA ໃນມູນຄ່າ 4,840 ລ້ານວອນ ເທົ່າກັບປະມານ 4 ລ້ານ 3 ແສນໂດລາສະຫະລັດ ສຳລັບ ສປປ ລາວໃນປີໜ້າ ຊຶ່ງເພີ້ມຂຶ້ນຫລາຍກວ່າ 2 ເທົ່າ ຂອງຈຳ ນວນ 2,040 ລ້ານວອນສຳລັບໂຄງການຕ່າງໆໃນປີນີ້.

ລາຍງານແຈ້ງວ່າ ການຊ່ອຍເຫລືອທີ່ວ່ານີ້ ແມ່ນຈະນຳໄປໃຊ້ ໃນການສະໜັບສະໜຸນການ
ໂຄງການຕ່າງໆຮວມທັງໃຊ້ຈ່າຍໃນການຊ່ວຍເຫລືອດ້ານການສຶກສາແກ່ມະຫາວິທະຍາໄລ ສຸພານຸວົງ ແລະການເຮັດແຜນທີ່ພູມປະເທດ ຕະຫຼອດທັງຂະຫຍາຍການສະໜັບສະໜຸນ ຕໍ່ ໂຄງການຕ່າງໆທີ່ມີຢູ່ແລ້ວ ເຊັ່ນໂຄງການຮັກສາສຸຂະພາບແລະລິເລີ່ມໂຄງການກໍ່ສ້າງໂຄງ ລ່າງພື້ນຖານເປັນຕົ້ນ.

ແຜນການໃຫ້ຄວາມຊ່ອຍເຫຼືອເພີ້ມຂຶ້ນຂອງເກົາຫຼີໃຕ້ດັ່ງກ່າວໄດ້ມີຂຶ້ນເຖິງແມ່ນ ສປປ ລາວ ໄດ້ສົ່ງໜຸ່ມນ້ອຍເກົາຫຼີເໜືອ 9 ຄົນທີ່ໂຕນໜີອອກຈາກປະເທດຜ່ານຈີນໄປລາວນັ້ນ ກັບຄືນ ໄປເກົາຫຼີເໜືອ ເມື່ອເດືອນພຶດສະພາຜ່ານມາ ຊຶ່ງພາໃຫ້ມີການຕ້ອງຕິ ກະຊວງການຕ່າງປະ ເທດເກົາຫລີໃຕ້ວ່າ ບໍ່ສາມາດປົກປ້ອງ ແລະໃຫ້ການສະໜັບສະໜຸນທາງດ້ານທູດ ເພື່ອຂັດ ຂວາງ ບໍ່ໃຫ້ມີການສົ່ງພວກເຂົາເຈົ້າ ກັບຄືນໄປເກົາຫຼີເໜືອ. ສະນັ້ນ ຈຶ່ງມີການເບິ່ງເຫັນກັນ ວ່າ ການທີ່ເກົາຫລີໃຕ້ ເພີ້ມການຊ່ວຍເຫລືອແກ່ລາວຂຶ້ນນີ້ ກໍແມ່ນເພື່ອດຶງເອົາລັດຖະບານ ລາວ ມາເຂົ້າຂ້າງຝ່າຍຕົນຫລາຍຂຶ້ນ ໃນອະນາຄົດ ກ່ຽວກັບບັນຫາຊາວເກົາຫລີເໜືອໂຕນ ໜີ ໄປຍັງເກົາຫລີໃຕ້ ຜ່ານປະເທດລາວນັ້ນ.

ການຊ່ອຍເຫຼືອ ເພື່ອການພັດທະນາຂອງເກົາຫລີໃຕ້ ແກ່ ສປປ ລາວ ເພີ້ມຂຶ້ນຈາກ 5,800 ລ້ານວອນໃນປີ 2009 ເປັນ 6,800 ລ້ານວອນ ໃນປີ 2011 ແຕ່ໄດ້ຫລຸດລົງຢ່າງຫຼວງຫຼາຍ ໃນປີ 2012 ເປັນ 3,800 ລ້ານວອນ ແລະປະມານ 2,000 ລ້ານວອນ ໃນປີນີ້.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG