ບັນດາຜູ້ແທນພັກຝ່າຍຄ້ານ ຂອງເກົາຫລີໃຕ້ ພາກັນເລີ້ມນັ່ງ
ປະທ້ວງຢູ່ໃນສະພາຕໍ່ອັນທີ່ເຂົາເຈົ້າເຫັນວ່າ ເປັນການຮັບມື
ທີ່ບໍ່ພຽງພໍຂອງລັດຖະບານ ຕໍ່ໄພພິບັດເຮືອຂ້າມຟາກຫລົ້ມທີ່
ຮ້າຍແຮງໃນເດືອນເມສາທີ່ຜ່ານມາ.
ບັນດາຜູ້ແທນພັກຝ່າຍຄ້ານທີ່ໃຫຍ່ທີ່ສຸດ ຄືພັກພັນທະມິດການ
ເມືອງໃໝ່ ເພື່ອປະຊາທິປະໄຕ ຫລື NDAP ໃນວັນອັງຄານມື້ນີ້
ໄດ້ພາກັນນຳເອົາຕຽງນອນຂອງຕົນເຂົ້າໄປໃນຫ້ອງປະຊຸມສະ
ພາແຫ່ງຊາດ ໃນອັນທີ່ເຂົາເຈົ້າກ່າວວ່າ ເປັນການປະທ້ວງທີ່ບໍ່
ມີກຳນົດ.
ພັກ NDAP ພວມຢູ່ໃນລະຫວ່າງການຂັດແຍ້ງ ກັບພັກ Saneuri ຊຶ່ງເປັນພັກລັດຖະ
ບານ ກ່ຽວກັບການສ້າງຕັ້ງຄະນະກຳມະການອິດສະຫຼະທີ່ຈະທຳການສືບ ສວນພວກ
ທີ່ຮັບຜິດຊອບຕໍ່ເຮືອຂ້າມຟາກ Sewol ຫລົ້ມທີ່ເຮັດໃຫ້ມີຜູ້ເສຍຊີວິດ ຫລາຍກວ່າ 300 ຄົນນັ້ນ.
ກຸ່ມຝ່າຍຄ້ານໄດ້ຊຸກຍູ້ໃຫ້ບັນດາສະມາໃນຊິກຄອບຄົວຂອງພວກເຄາະຮ້າຍສາມາດ
ມີປາກສຽງຫລາຍຂື້ນໃນການດຳເນີນຂັ້ນຕອນດັ່ງກ່າວ. ນອກນັ້ນກຸ່ມຝ່າຍ ຄ້ານຍັງ
ໃຫ້ການສະໜັບສະໜຸນຕໍ່ບັນດາສະມາຊິກໃນຄອບຄົວ ຮຽກຮ້ອງໃຫ້ຄະ ນະກໍາ ມະ
ການດັ່ງກ່າວ ໄດ້ຮັບສິດອຳນາດໃນການສືບສວນຫລາຍຂື້ນ.
ຜູ້ເຄາະຮ້າຍຫລາຍໆຄອບຄົວ ກ່າວຫາພັກລັດຖະບານວ່າ ພະຍາຍາມປົກປ້ອງ ພວກ
ເຈົ້າໜ້າທີ່ ທີ່ເຂົາເຈົ້າຖິ້ມໂທດໃສ່ວ່າບໍ່ມີຄວາມສາມາດ ແລະບໍ່ຮູ້ເລື່ອງກົດລະບຽບ ທີ່
ເຂົາຄິດວ່າ ພາໃຫ້ເກີດໄພພິບັດນັ້ນ.
