ປະທານາທິບໍດີເກົາຫຼີໃຕ້ ທ່ານນາງ Park Guen-hye ກ່າວວ່າ
ມະຫາອຳນາດຂອງໂລກ ຄວນຊອກຫາຊ່ອງທາງເພື່ອລິເລີ້ມຄືນ
ໃໝ່ການເຈລະຈາກ່ຽວກັບໂຄງການນິວເຄລຍຂອງເກົາຫລີເໜືອ
ເຖິງແມ່ນມັນໝາຍຄວາມວ່າ ຄະນະເຈລະຈາຂອງພຽງຢາງບໍ່ໄດ້
ເຂົ້າຮ່ວມນຳກໍຕາມ.
ທ່ານນາງ Park ກ່າວໃນວັນສຸກມື້ນີ້ ໃນລະຫວ່າງ ການພົບປະ
ກັບພວກເຈົ້າໜ້າທີ່ຂັ້ນສູງຂອງລັດຖະບານ ທີ່ນະຄອນໂຊລວ່າ
ເຖິງແມ່ນວ່າມັນບໍ່ແມ່ນເລື້ອງງ່າຍເລີຍກໍຈິງ ພັກຝ່າຍກ່ຽວຂ້ອງ
ຄວນຊອກຫາວິທີທາງທີ່ແຕກຕ່າງ ແລະສ້າງສັນ ເຊັ່ນວ່າ ການ
ພະຍາຍາມເປີດການເຈລະຈາຫ້າຝ່າຍຂຶ້ນໂດຍບໍ່ມີເກົາຫຼີເໜືອເຂົ້າຮ່ວມນຳ.
ນອກນັ້ນແລ້ວທ່ານນາງ Park ຍັງໄດ້ສະແດງຄວາມບໍ່ພໍໃຈ ກ່ຽວກັບກົນໄກຂອງການເຈ
ລະຈາຫົກຝ່າຍທີ່ມີຢູ່ໃນປັດຈຸບັນນີ້ ຊຶ່ງມີຈຸດປະສົງແນໃສ່ເພື່ອໃຫ້ເກົາຫຼີເໜືອປະຖິ້ມໂຄງ
ການນິວເຄລຍຂອງຕົນນັ້ນແຕ່ບໍ່ໄດ້ພົບພໍ້ກັນມາໄດ້ເຈັດປີແລ້ວ.
ທ່ານນາງ Park ເວົ້າວ່າ ຜ່ານມາການເຈລະຈາຫົກຝ່າຍກໍມີປະໂຫຍດຢູ່ບໍ່ນ້ອຍໃນຖານະ
ທີ່ເປັນຂອບເພື່ອແກ້ໄຂບັນຫານິວເຄຼຍຂອງເກົາຫຼີເໜືອໂດຍຜ່ານການເຈລະຈາ. ແຕ່ແນວ
ໃດກໍຕາມ ການເຈລະຈາດັ່ງກ່າວແມ່ນບໍ່ໄດ້ມີຂຶ້ນມາຊົ່ວໄລຍະນຶ່ງແລ້ວ. ເຖິງແມ່ນວ່າການ
ເຈລະຈາໄດ້ໄຂຂຶ້ນແຕ່ກໍບໍ່ໄດ້ຊ່ອຍໃນການເຮັດ ໃຫ້ເກົາຫລີເໜືອເປັນປະເທດທີ່ປອດນິວ
ເຄລຍເລີຍ ຄຳຖາມຈຶ່ງມີຂຶ້ນ ກ່ຽວກັບປະສິດທິຜົນຂອງການພົບປະດັ່ງກ່າວ.
ການເຈລະຈາຫົກຝ່າຍທີ່ປະກອບດ້ວຍເກົາຫຼີເໜືອ ເກົາຫຼີໃຕ້ ສະຫະລັດ ຈີນ ຍີ່ປຸ່ນ ແລະ
ຣັດເຊຍ ເລີ້ມຂຶ້ນໃນປີ 2003. ເກົາຫລີເໜືອໄດ້ຍ່າງອອກຈາກກອງປະຊຸມດັ່ງກ່າວ ໃນປີ
2009 ຊຶ່ງໄດ້ສ້າງຄວາມບໍ່ພໍໃຈ ໃຫ້ແກ່ບັນດາປະເທດມະຫາອຳນາດຂອງໂລກ ທີ່ໄດ້ທຳ
ການລົງໂທດຫລັງຈາກພຽງຢາງໄດ້ທົດລອງລູກສອນທີ່ຍິງໄດ້ໃນໄລຍະໄກ.
