ເກົາຫລີໃຕ້ ໄດ້ເຕືອນເກົາຫລີເໜືອວ່າ ພຽງຢາງ ໄດ້ດຳເນີນການ
ແບບ “ຜິດກົດໝາຍ” ໃນການກັກຊັບສິນຂອງບັນດາບໍລິສັດເກົາ
ຫລີໃຕ້ ແລະພະນັກງານຢູ່ໃນເຂດອຸດສາຫະກໍາຮ່ວມ Kaesong
ທີ່ໃຊ້ໂດຍທັງສອງປະເທດ.
ລັດຖະມົນຕີທ້ອນໂຮມຊາດ ເກົາຫລີໃຕ້ ທ່ານ Hong Yong-pyo
ກ່າວໃນວັນສຸກມື້ນີ້ວ່າ ການຕັດສິນໃຈຂອງເກົາຫລີເໜືອ ຂັບໄລ່
ຊາວເກົາຫລີໃຕ້ ທີ່ອອກຖະແຫລງການໃນວັນພະຫັດວານນີ້ “ເປັນ
ທີ່ໜ້າເສົ້າສະຫລົດໃຈ” ແລະໄດ້ກ່າວເພີ້ມອີກວ່າພຽງຢາງຈະຕ້ອງ
ຮັບເອົາຄວາມຮັບຜິດຊອບຢ່າງເຕັມທີ່ ຕໍ່ສິ່ງໃດໆທີ່ຈະຕິດຕາມມາ.”
ໃນວັນພະຫັດວານນີ້ ເກົາຫລີເໜືອ ໄດ້ສັ່ງໃຫ້ຊາວເກົາຫລີໃຕ້ທັງໝົດ ອອກໄປ ຈາກເຂດ
Kaesong ທີ່ຕັ້ງຢູ່ 10 ກິໂລແມັດ ເລິກເຂົ້າໄປໃນເກົາຫລີເໜືອຈາກ ຊາຍແດນທີ່ຕິດກັບ
ເກົາຫລີໃຕ້. ພຽງຢາງກ່າວວ່າ ພວກພະນັກງານສາມາດເອົາແຕ່ສິ່ງຂອງສ່ວນຕົວໄປກັບ
ເຂົາເຈົ້າແລະໄດ້ສັ່ງໃຫ້ “ກັກຊັບສິນທັງໝົດໄວ້ເບື້ອງຫລັງ. ພຽງຢາງກ່າວວ່າ ການຂັບ
ໄລ່ດັ່ງກ່າວ ແມ່ນເປັນການຕອບໂຕ້ ຕໍ່ການທີ່ໂຊລ ໄດ້ຕັດສິນໃຈໜຶ່ງມື້ກ່ອນໜ້ານີ້ທີ່ຈະ
ປິດການປະຕິບັດງານຢູ່ໃນເຂດອຸດສາ ຫະກຳ Kaesong.
ຄະນະກຳມະການ ທ້ອນໂຮມເກົາຫລີແບບສັນຕິ ຂອງເກົາຫລີເໜືອ ກ່າວວ່າ ການກະ
ທຳ ຂອງເກົາຫລີໃຕ້ ແມ່ນເທົ່າກັບເປັນການ “ປະກາດສົງຄາມ.”
ພະນັກງານເກົາຫລີໃຕ້ ໄດ້ພາກັນຂົນອຸບປະກອນອອກຈາກເຂດ Kaesongs ໃນຕອນ
ເຊົ້າວັນພະຫັດວານີ້.
ເກົາຫລີເໜືອ ໄດ້ປະກາດໃຫ້ເຂດດັ່ງກ່າວ ເປັນເຂດທະຫານ ແລະກ່າວອີກວ່າ ຕົນໄດ້ຕັດ
ການສື່ສານທາງທະຫານທັງໝົດກັບໂຊລ ຮວມທັງສາຍໂທລະສັບສຸກເສີນ ທີ່ບ້ານສະງົບ
ເສິກ Panmunjom.
