ຍີ່ປຸ່ນ ແລະ ເກົາຫຼີໃຕ້ ຮ່ວມກັບ ສະຫະລັດ ໃນວັນພຸດມື້ນີ້ ຮຽກ
ຮ້ອງໃຫ້ ເກົາຫຼີເໜືອຍົກເລີກແຜນການທີ່ຈະສົ່ງລູກສອນໄຟລະ
ຍະໄກຂຶ້ນສູ່ອະວະກາດ. ເຂົາເຈົ້າກ່າວວ່າ ການສົ່ງດັ່ງກ່າວຈະ
ເປັນການລະເມີດຕໍ່ ມະຕິຂອງອົງການສະຫະປະຊາຊາດທີ່ຫ້າມ
ບໍ່ໃຫ້ເກົາຫຼີເໜືອພັດທະນາລູກສອນໄຟຂີປະນາວຸດ ແລະອາວຸດ
ນິວເຄລຍ.
ເກົາຫຼີເໜືອ ໄດ້ແຈ້ງໃຫ້ພະແນກການຕ່າງໆຂອງອົງການສະຫະ
ປະຊາຊາດຊາບ ໃນຕອນແລງວັນອັງຄານວານນີ້ ກ່ຽວກັບແຜນ
ການທີ່ຈະສົ່ງ ໃນອັນທີ່ຕົນຮ້ອງວ່າ “ດາວທຽມສັງເກດການໂລກ”
ໃນລະຫວ່າງວັນທີ 8 ຫາ 25 ເດືອນກຸມພານີ້.
ພຽງຢາງຍັງສືບຕໍ່ຢືນຢັດວ່າ ຕົນມີສິດອຳນາດອະທິປະໄຕ ໃນການພັດ ທະນາໂຄງການ
ອະວະກາດໂດຍການສົ່ງລູກສອນໄຟ ແຕ່ວ່ານາຍົກລັດ ຖະມົນຕີຍີ່ປຸ່ນ ທ່ານ Shinzo
Abe ແລະບັນດາພັນທະມິດອື່ນໆຂອງ ສະຫະລັດ ໄດ້ປະນາມໂຄງການນີ້ວ່າເປັນການ
ແກ້ງທຳເພື່ອໃຊ້ເລ້ຫຼ່ຽມລົບຫລີກການຈຳກັດຮັດແຄບຂອງສາກົນ.
ທ່ານ Abe ກ່າວວ່າ “ນີ້ທີ່ຈິງແລ້ວມີຄວາມໝາຍວ່າ ເປັນການທົດລອງລູກສອນໄຟຂີປະ
ນາວຸດ ໂດຍສະເພາະ. ເພີ້ມຕື່ມ ໃສ່ການທົດລອງນິວເຄລຍແລ້ວ ເກົາຫຼີເໜືອຍັງກຳລັງ
ທົດລອງລູກສອນໄຟຂີປະນາວຸດເຫຼົ່ານີ້ ເປັນການລະເມີດຢ່າງຈະແຈ້ງ ຕໍ່ການຕັດສິນໃຈ
ຂອງສະພາຄວາມ ໝັ້ນຄົງ. ເມື່ອເວົ້າເຖິງຄວາມສຳຄັນຕໍ່ການຕັດສິນໃຈດ້ານຄວາມໝັ້ນ
ຄົງສຳລັບປະເທດຂອງພວກເຮົາແລ້ວ ມັນເປັນການທ້າທາຍໃຫ້ເກີດຄວາມໂມໂຫ.”
ໃນວັນພຸດມື້ນີ້ ລັດຖະບານຂອງທ່ານ Abe ໄດ້ສັ່ງໃຫ້ທະຫານຍິງທຳ ລາຍລູກສອນໄຟ
ໃດໆກໍຕາມຂອງເກົາຫຼີເໜືອ ທີ່ຂົ່ມຂູ່ຕໍ່ຍີ່ປຸ່ນ.
ພຽງຢາງ ໄດ້ທຳການທົດລອງນິວເຄລຍ ຄັ້ງທີສີ່ໃນວັນທີ 6 ເດືອນມັງກອນຜ່ານມານີ້.
ການຍິງລູກສອນໄຟລະຍະໄກ ຄັ້ງສຸດທ້າຍຂອງເກົາຫຼີເໜືອ ແມ່ນໃນເດືອນທັນວາ ປີ
2012 ບໍ່ດົນກ່ອນທົດລອງນິວເຄລຍເທື່ອທີສາມ.
ເກົາຫຼີໃຕ້ເຕືອນວ່າ ເກົາຫຼີເໜືອຈະປະເຊີນໜ້າກັບຜົນທີ່ຕິດຕາມມາຢ່າງ ຮ້າຍແຮງຖ້າ
ຫາກຍັງດຳເນີນການຕໍ່ໄປໃນການຍິງລູກສອນໄຟດັ່ງກ່າວ.
.
