ເກົາຫຼີໃຕ້ ແລະ ຍີ່ປຸ່ນ ໄດ້ບັນລຸຂໍ້ຕົກລົງອັນເປັນປະຫວັດການ
ທີ່ແກ້ໄຂບັນຫາໂຕ້ແຍ້ງກັນມາ ກ່ຽວກັບການບັງຄັບ ພວກແມ່ຍິງ
ຊາວເກົາຫຼີ ໃຫ້ເປັນໂສເພນີ ໂດຍຍີ່ປຸ່ນ ໃນປາງສົງຄາມໂລກຄັ້ງ
ທີສອງ ທີ່ຮູ້ຈັກກັນໃນຄຳວ່າ “ພວກນາງບຳເລີ” ນັ້ນ.
ລັດຖະມົນຕີຕ່າງປະເທດເກົາຫຼີໃຕ້ ທ່ານ Yun Byung-se ກ່າວ
ໃນວັນຈັນມື້ນີ້ ຫຼັງຈາກທີ່ໄດ້ໂອ້ລົມກັບ ຄູ່ຕຳແໜ່ງຂອງທ່ານ ຈາກ
ຢີ່ປຸ່ນ ທ່ານ Fumio Kishida ວ່າ ຂໍ້ຕົກລົງນັ້ນ ຈະເປັນ “ຂັ້ນສຸດ
ທ້າຍ ແລະ ບໍ່ສາມາດຕ່າວປີ້ນຄືນໄດ້” ຖ້າຍີ່ປຸ່ນ ປະຕິບັດຕາມ
ຄວາມຮັບຜິດຊອບຂອງຕົນທັງໝົດ.
ຂໍ້ຕົກລົງດັ່ງກ່າວ ປະກອບດ້ວຍ ການຊົດເຊີຍທຶນ ຈຳນວນ 8 ລ້ານ 3 ແສນໂດລາ ໃຫ້ແກ່
ບັນດາອະດີດຂ້າທາດທາງເພດ ທີ່ລອດຊີວິດ ຊຶ່ງເຖົ້າແກ່ສະລາແລ້ວນັ້ນ ແລະ ການຂໍອະ
ໄພໂທດ ຈາກນາຍົກລັດຖະມົນຕີຍີ່ປຸ່ນ ທ່ານ Shinzo Abe.
