ລິ້ງ ສຳຫລັບເຂົ້າຫາ

ເກົາຫລີໃຕ້ສົ່ງສານ Boron ໄປຊ່ວຍຍີ່ປຸ່ນ

  • ທອງປານ ເທບວົງສາ

ຄວາມເສຍຫາຍທີ່ໂຮງໄຟຟ້ານິວເຄລຍ Fukushima ທີ່ຕັ້ງຢູ່ ຫ່າງຈາກນະຄອນຫລວງໂຕກຽວ ໄປທາງທິດເໜືອ 240 ຫລັກ. ຮູບຖ່າຍຈາກດາວທຽມໃນວັນທີ 16 ມີນາ 2011. REUTERS/DigitalGlobe/Handout.

ເກົາຫລີ​ໃຕ້​ກ່າວ​ວ່າ ຕົນ​ຈະຈັດ​ສົ່ງ​ແບບສຸກເສີນວັດຖຸສໍາຄັນ
ຊະນິດນຶ່ງ​ ທີ່​ໃຊ້​ສໍາລັບ​ຄວບ​ຄຸມ​ປະຕິກິລິຍາ​ນີວ​ເຄລຍ​ ໄປ
ໃຫ້ປະເທດຍີ່ປຸ່ນ ໃນ​ຂະນະ​ທີ່ຍີ່ປຸ່ນ​ສືບ​ຕໍ່​ຮັບ​ມື​ກັບບັນຫາ
ຄວາມ​ເສຍ​ຫາຍ​ຢ່າງ​ຮ້າຍ​ແຮງຢູ່ທີ່ໂຮງໄຟຟ້ານິວເຄລຍ ແຫ່ງນຶ່ງນັ້ນ.

ເກົາຫລີ​ໃຕ້​ກ່າວ​ໃນ​ວັນ​ພຸດ​ມື້​ນີ້ ຕົນ​ວາງ​ແຜນ​ທີ່​ຈະ​ສົ່ງ​ສານ
ເຄມີ boron ຈໍານວນ 52 ​ໂຕນ​ໄປ​ໃຫ້​ຍີ່ປຸ່ນ​ ຊຶ່ງ​ໄດ້ໃຊ້​ວັດ
ຖຸດັ່ງກ່າວນີ​້ເກືອບ​ໝົດ​ແລ້ວ ຢູ່ທີ່​ໂຮງ​ໄຟຟ້າ Fukushima ນັ້ນ.

ສານ Boron ເປັນ​ວັດຖຸ​ທີ່​ສໍາ​ຄັນ​ໃນ​ທ່ອນຄວບ​ຄຸມເຊື້ອໄຟ​ ທີ່​ໃຊ້​ສໍາລັບຢຸດຕິ​ຫລື​ເຮັດ​ໃຫ້​ປະຕິກິລິຍາ​ນິວເຄລຍຊ້າລົງທີ່​ເຕົາ​ແຍກ​ນີວ​ເຄລຍນັ້ນ.

ສານ boron ທີ່ເກົາຫລີ​ໃຕ້​ຈະ​ສົ່ງ​ໃຫ້​ຍີ່ປຸ່ນ​ແມ່ນ​ມາ​ຈາກ​ຄັງສໍາຮອງ​ຂອງ​ຕົນ. ອົງການ​ຂ່າວ Yonhap ​ເກົາຫລີ​ໃຕ້​ອ້າງ​ຄໍາ​ເວົ້າ​ຂອງ​ເຈົ້າ​ໜ້າ​ທີ່​ກະຊວງ​ພາຍ​ໃນ​ທ່ານ​ນຶ່ງ​ວ່າ ກຸງ​ໂຊນ​ຈະ​ສົ່ງ​ສານ​ດັ່ງກ່າວໄປໃຫ້ ຍີ່ປຸ່ນໃນປະລິມານເທົ່າທີ່ຕົນສາມາດ​ເຮັດ​ໄດ້ ​ໂດຍ​ຈະ​ບໍ່​ເຮັດ​ໃຫ້ການ ປະຕິບັດງານໃນ​ດ້ານນິວເຄລຍຂອງຕົນ ຕົກຢູ່ໃນອັນຕະລາຍ.

XS
SM
MD
LG