ບັນດາສະມາຊິກສະພາ ເກົາຫຼີໃຕ້ ໄດ້ສະເໜີຮ່າງຍັດຕິສະບັບໜຶ່ງເພື່ອຟ້ອງປະທານາທິ ບໍດີ Park Guen-hye ທີ່ຖືກໂຈມຕີ ກ່ຽວກັບ ຂ່າວນອງນັນການສໍ້ລາດບັງຫຼວງເງິນຫຼາຍ ລ້ານໂດລາ.
ຮ່າງຍັດຕິດັ່ງກ່າວ ຖືກສະເໜີໃນວັນພະຫັດມື້ນີ້ ໃນລະຫວ່າງກອງປະ ຊຸມຂອງສະມາຊິກ ສະພາແຫ່ງຊາດທັງໝົດ 300 ຄົນ. ບັນດາສະມາຊິກສະພາຕ້ອງລົງຄະແນນສຽງກ່ຽວກັບ ຮ່າງຍັດຕິສະບັບນີ້ພາຍໃນ 24 ຫາ 72 ຊົ່ວໂມງ, ໝາຍຄວາມວ່າ ການລົງຄະແນນສຽງ ຢ່າງເປັນທາງການຈະມີຂຶ້ນໃນວັນສຸກມື້ອື່ນນີ້, ເຊິ່ງເປັນມື້ສຸດທ້າຍຂອງກອງປະຊຸມສະໄໝສາມັນຂອງສະພາແຫ່ງຊາດ.
ປະທານາທິບໍດີ Park ກຳລັງເປັນທີ່ວິພາກວິຈານໃນສາຍພົວພັນຂອງທ່ານນາງກັບນາງ Choi Soon-sil, ເພື່ອນທີ່ໃກ້ຊິດກັນມາດົນນານ ຜູ້ທີ່ຖືກກ່າວໂທດ ດ້ວຍການພະຍາ ຍາມສໍ້ໂກງ ແລະ ຂໍ້ກ່າວຫາອື່ນໆ. ບັນດາໄອຍະການກ່າວວ່າ ນາງ Choi ໄດ້ບັງຄັບໃຫ້ບໍ ລິສັດທີ່ໃຫຍ່ທີ່ສຸດຂອງ ເກົາຫຼີໃຕ້ ບໍລິຈາກເງິນຫຼາຍສິບລ້ານໂດລາ ໃຫ້ກັບມູນນິທິສອງ ແຫ່ງທີ່ລາວເປັນຜູ້ຄວບຄຸມ.
ນາງ Choi ຖືກກ່າວຫາວ່າ ໄດ້ໂກຍເອົາເງິນບາງຈຳນວນເຂົ້າໃນບໍລິສັດສ່ວນຕົວຂອງ ລາວ ແລະ ເພື່ອເປັນຂໍ້ຕົກລົງການຕໍ່ລອງສຳລັບໝູ່ຂອງລາວ.
ປະທານາທິບໍດີ Park ໄດ້ຢືນຢັນວ່າ ເພິ່ນບໍ່ເຄີຍໄດ້ຮັບຜົນປະໂຫຍດສ່ວນຕົວຈາກຄວາມ ພະຍາຍາມລະດົມທຶນພວກນີ້ ແລະ ບໍ່ຮູ້ກ່ຽວກັບ ການເອົາຜິດໃດໆໂດຍຄົນທີ່ຢູ່ອ້ອມແອ້ມ ເພິ່ນ.
ຖ້າຫາກຮ່າງຍັດຕິການຟ້ອງຮ້ອງຖືກຮອງຮັບເອົາ, ສານລັດຖະທຳມະ ນູນຂອງປະເທດ ຈະມີເວລາ 6 ເດືອນເພື່ອພິຈາລະນາວ່າ ປະທານາ ທິບໍດີຄວນຖືກປົດອອກຈາກຕຳແໜ່ງ ຫຼື ບໍ່. ທ່ານນາງອາດເປັນປະທາ ນາທິບໍດີ ທີ່ຖືກເລືອກຢ່າງເປັນປະຊາທິປະໄຕຄົນທຳອິດ ໃນປະຫວັດ ສາດຂອງ ເກົາຫຼີໃຕ້ ທີ່ຖືກປົດອອກຈາກຕຳແໜ່ງ.
