ບັນດາເຈົ້າໜ້າທີ່ ປ້ອງກັນປະເທດ ເກົາຫລີໃຕ້ ກ່າວວ່າ ກອງ
ທັບເຮືອຂອງຕົນ ໄດ້ຍິງປືນເຕືອນ ເຮືອລາດຕະເວນເກົາຫລີ
ເໜືອ ໃນຂະນະທີ່ເຮືອດັ່ງກ່າວ ຂ້າມເຂົ້າມາໃນເຂດຊາຍແດນ
ທາງທະເລທີ່ມີການໂຕ້ຖຽງກັນ ທາງພາກຕາເວັນຕົກຂອງ
ແຫລມເກົາຫຼີ.
ການລ່ວງລ້ຳໃນວັນສຸກມື້ນີ້ ໄດ້ເກີດຂື້ນໃນມື້ດຽວກັນ ກັບການ
ເປີດແຂ່ງຂັນກິລາ ເອຊ່ຽນເກມຢ່າງເປັນທາງການ ທີ່ເກົາຫລີ
ໃຕ້ ພ້ອມດ້ວຍການເຂົ້າຮ່ວມຂອງບັນດານັກກິລາເກົາຫລີເໜືອ.
ຄະນະເສນາທິການຮ່ວມຂອງກອງທັບເກົາຫລີໃຕ້ ກ່າວວ່າ ເຮືອ
ເກົາຫຼີເໜືອໄດ້ຂ້າມເຂົ້າເຂດຊາຍແດນໃນທະເລເຫລືອງໃນຕອນທ່ຽງ ແຕ່ວ່າໄດ້ກັບຄືນເຂົ້າ ໄປໃນເຂດແດນຂອງຕົນ ໃນຫົກນາທີ່ຕໍ່ມາ ໃນຂະນະທີ່ເຮືອລົບເກົາຫຼີໃຕ້ໄດ້ຍິງປືນເຕືອນ.
