ເຮືອຂ້າມຟາກ ເກົາຫລີໃຕ້ລຳນຶ່ງ ໄດ້ແລ່ນຕຳກ້ອນຫີນ ຢູ່
ນອກຝັ່ງທາງພາກຕາເວັນຕົກສຽງໃຕ້ຂອງປະເທດ ແຕ່ບັນ
ດາເຈົ້າໜ້າທີ່ ກ່າວວ່າ ຜູ້ໂດຍສານ 109 ຄົນ ໄດ້ຖືກຊ່ວຍ
ເຫລືອໄວ້ໄດ້.
ບັນດາເຈົ້າໜ້າທີ່ກ່າວວ່າ ເຮືອທີ່ໄດ້ນຳພາບັນດານັກທ່ອງ
ທ່ຽວເປັນສ່ວນໃຫຍ່ໄດ້ ຕຳເອົາກ້ອນຫີນ ໃນວັນອັງຄານມື້ນີ້
ຢູ່ໃນເຂດນ່ານນໍ້າ ນອກຝັ່ງຂອງແຂວງ Jeolla ໃກ້ກັບເກາະ
Hongdo.
ເຮືອຫາປາຫລາຍລຳ ທີ່ຢູ່ໃນເຂດດັ່ງກ່າວ ໄດ້ໃຫ້ການຊ່ວຍ
ເຫລືອກູ້ໄພບັນດາຜູ້ໂດຍສານ. ບໍ່ໄດ້ມີລາຍງານກ່ຽວກັບການບາດເຈັບທີ່ຮ້າຍແຮງ
ແຕ່ປະການໃດ.
ອຸບັດເຫດດັ່ງກ່າວ ໄດ້ເກີດຂຶ້ນພຽງແຕ່ 70 ກິໂລແມັດຈາກບ່ອນເຮືອຂ້າມຟາກ Sewol
ຫລົ້ມ ໃນເດືອນເມສາທີ່ຜ່ານມາ ທີ່ເຮັດໃຫ້ຜູ້ໂດຍສານ 300 ກວ່າຄົນເສຍຊີວິດໄປນັ້ນ
ສ່ວນຫລາຍແມ່ນບັນດານັກຮຽນມັດທະຍົມ.
ລັດຖະບານເກົາຫຼີໃຕ້ ໄດ້ຖືກຕິຕຽນຢ່າງກວ້າງຂວາງ ກ່ຽວກັບການຂາດມາດຕະຖານ
ດ້ານຄວາມປອດໄພ ທີ່ຄິດວ່າພາໃຫ້ເຮືອຂ້າມຟາກ Sewol ຫລົ້ມນັ້ນ.
