ສານອຸທອນເກົາຫຼີໃຕ້ແຫ່ງນຶ່ງ ໄດ້ຕັດສິນລົງໂທດ ໃຫ້ຕິດຄຸກຕະ
ຫລອດຊີວິດກັບຕັນເຮືອຂ້າມຟາກ Sewol ທີ່ຫຼົ້ມປີກາຍນີ້ ໂດຍ
ຕ່າວປີ້ນການຕັດສິນລົງໂທດ ທີ່ເບົາກວ່າຂອງສານຊັ້ນຕົ້ນ.
ສານອຸທອນ ທີ່ເມືອງ Gwangju ໃນພາກໃຕ້ຂອງປະເທດ ໃນ
ວັນອັງຄານມື້ນີ້ ໄດ້ຕັດສິນວ່າ ທ່ານ Lee Joon-seol ສັງຫານ
ຜູ້ໂດຍສານ 304 ຄົນ ທີ່ໄດ້ເສຍຊີວິດ ເວລາເຮືອຂ້າມຟາກຫລົ້ມ
ໃນເດືອນເມສາປີກາຍນີ້ ຢູ່ນອກຝັ່ງທະເລ ທາງພາກຕາເວັນຕົກ
ສຽງໃຕ້ຂອງປະເທດ.
ໃນເດືອນພະຈິກປີກາຍ ສານຊັ້ນຕົ້ນ ໄດ້ຕັດສິນໃຫ້ທ່ານ Lee
ຕິດຄຸກເປັນເວ ລາ 36 ປີ ຫລັງຈາກໄດ້ພົບເຫັນວ່າ ທ່ານມີຄວາມຜິດທີ່ບໍ່ຫົວຊາ ແລະປະ
ລະໜ້າທີ່ໜີຈາກຜູ້ໂດຍສານ ຊຶ່ງທັງໝົດແມ່ນພວກນັກຮຽນມັດທະຍົມ ທີ່ພາກັນໄປທັດ
ສະນະສຶກສາ.
ຖະແຫລງການສະບັບນຶ່ງຂອງສານທີ່ພິມເຜີຍແຜ່ໂດຍອົງການຂ່າວ Yonghap ຂອງ ເກົາ
ຫລີໃຕ້ ກ່າວວ່າ ການກະທຳຂອງ ທ່ານ Lee ນັ້ນ “ໄດ້ທຳລາຍພາບພົດຂອງປະເທດຢ່າງ
ຮ້າຍແຮງແລະບໍ່ສາມາດທີ່ຈະໃຫ້ອະໄພໄດ້ບໍ່ວ່າດ້ວຍເຫດ ຜົນໃດໆກໍຕາມ.”
ນອກນັ້ນສານຍັງໄດ້ຫລຸດຜ່ອນໂທດຂອງລູກເຮືອ 14 ຄົນ. ບັດນີ້ເຂົາເຈົ້າແມ່ນ ໄດ້ຮັບ
ໂທດຕິດຄຸກແຕ່ 18 ເດືອນ ຫາ 12 ປີ ແທນທີ່ຈະເປັນ 5 ຫາ 30 ປີ ດັ່ງທີ່ໄດ້ຕັດສິນລົງ
ໂທດໄປ ໃນເດືອນພະຈິກທີ່ຜ່ານມານັ້ນ.
